កំណើននៃការដំឡើងយានយន្ត និងការលក់ចេញក្នុងតំបន់អាស៊ាននា៨ខែដំបូងឆ្នាំនេះ

រថយន្ត

អន្តរជាតិ

07, Nov 2022 , 7:39 pm

រូបភាព

រោងចក្រដំឡើងរថយន្តនៅថៃ។ រូបថត Asean Briefing

ដោយ: ធីតា

យានយន្តប្រមាណ ២,៨០៤គ្រឿង ត្រូវបានដំឡើងនៅអាស៊ាន នាឆ្នាំ២០២២នេះ ដោយគិតត្រឹមចុងខែសីហា។ តួលេខនេះ មានកំណើន ២៨,២ភាគរយ ខណៈរយៈពេលដូចគ្នា កាលពីឆ្នាំមុន មានចំនួន២,១៨៨គ្រឿង។

ចុចទីនេះដើម្បីទទួលបានព័ត៌មានរហ័ស

ទិន្នន័យរបស់សហព័ន្ធយានយន្តអាស៊ាន (AAF) ដែលដកស្រង់ដោយសារព័ត៌មានហ្វីលីពីន The Philippine Star ប្រមូលបានពីទីផ្សារធំចំនួន៧ គឺហ្វីលីពីន, ថៃ, វៀតណាម, ម៉ាឡេស៊ី, ឥណ្ឌូណេស៊ី, សិង្ហបុរី និងមីយ៉ាន់ម៉ា។

ចំនួនរថយន្តដែលដំឡើងនៅហ្វីលពីនពីខែមករា ដល់ខែសីហា មាន ៥៤ ៩១៨គ្រឿង ពោលគឺកើនឡើងតិចតួច បើប្រៀបធៀបរយៈពេលដូចគ្នាកាលពីឆ្នាំមុន ដែលមានចំនួន៥៤ ៥៥១គ្រឿង។

បណ្តាប្រទេសអាស៊ានដទៃទៀត ដែលស្ថិតក្រោមការតាមដានរបស់ AAF មានកំណើនផលិតកម្មយានយន្តខ្ទង់ពីរលេខ និងបីលេខ ដោយក្នុងនោះ មីយ៉ាន់ម៉ា កើនយ៉ាងលឿនរហ័សដល់ទៅ ១៩២,៧ភាគរយ។

ទិន្នន័យដដែល ក៏បានបង្ហាញផងដែរថា ម៉ាឡេស៊ី កើន ៧០,៣ភាគរយ, វៀតណាម កើន ៤៣,៦ភាគរយ, ឥណ្ឌូណេស៊ី កើន ៣៣,២ភាគរយ និងថៃ កើនចំនួន១៤,៤ភាគរយ។

ចំណែកឯការលក់យានយន្តវិញ ទីផ្សារសក្តានុពលនៅអាស៊ាន កើន ៣១,៣ភាគរយ ដែលស្មើនឹង ២,២០៦លានគ្រឿង ចន្លោះខែមករា ដល់ខែសីហា។

ហ្វីលីពីន លក់ចេញបាន ២១២ ៨៧២គ្រឿង នារយៈពេល៨ខែដំបូង ពោលគឺកើន ២៥,១ភាគរយ ក្នុងរយៈពេលដូចគ្នា កាលពីឆ្នាំ២០២១។ ចំណែកឯ ម៉ាឡេស៊ី មានកំណើនខ្ពស់ជាងគេ ដោយមាន៦២,៩ភាគរយ។

នា៨ខែដំបូងឆ្នាំ២០២២នេះផងដែរ វៀតណាម មានកំណើនលក់យានយន្ត ៤៩,៩ភាគរយ, ថៃ កើន ២៦,១ភាគរយ និងឥណ្ឌូណេស៊ី កើន២១,១ភាគរយ។ ផ្ទុយទៅវិញ សិង្ហបុរី និងមីយ៉ាន់ម៉ា បែរជាមានការលក់ធ្លាក់ចុះ រហូតដល់ទៅជិត៣២ភាគរយ។

ដូចគ្នាផងដែរ ផលិតកម្មម៉ូតូ និង Scooters ក៏ដូចជាការលក់ចេញ សុទ្ធតែមានកំណើននៅទីផ្សារទាំង៦ក្នុងតំបន់។ ផលិតផលសរុបនា៨ខែ កើន១៤,៣ភាគរយ (២,៣លានគ្រឿង) រីឯលក់ចេញ កើន១៦,៣ភាគរយ (២,៦៨ភាគរយ)៕