ជាតិ
យុវជនសកម្ម សេវាល្អ
ពោធិ៍សាត់៖ បណ្ណាល័យនៅអនុវិទ្យាល័យអន្លង់ត្នោត រួមចំណែកជំរុញដល់ការស្រាវជ្រាវរបស់សិស្ស 15, Oct 2022 , 10:59 pm
×
ដោយ៖ ព្រំ វិសាល និង ស៊ុន ថាវដី
ស្រុកក្រគរ, ខេត្តពោធិ៍សាត់៖ បណ្ណាល័យ នៅអនុវិទ្យាល័យអន្លង់ត្នោត បានដើរតួនាទីយ៉ាងសំខាន់ នៅក្នុងការជំរុញការសិក្សាស្រាវជ្រាវ និងជំរុញការអានដល់សិស្សានុសិស្ស។ នេះជាការបញ្ជាក់របស់ លោក ជាម ដារ៉ាវិទ្ធ នាយកអនុវិទ្យាល័យអន្លង់ត្នោត។
បើតាមលោកនាយកសាលារូបនេះ នៅក្នុងបណ្ណាល័យ ត្រូវបានរៀបចំឡើងនៅក្នុងបន្ទប់រៀនមួយ ដើម្បី ដើម្បីផ្តល់ទីតាំងឱ្យសិស្សបានសិក្សា ស្រាវជ្រាវបន្ថែម ខណៈសាលាពុំទាន់មានលទ្ធភាពសាងសង់បណ្ណាល័យស្តង់ដារនៅឡើយ។
បណ្ណាល័យ នៅអនុវិទ្យាល័យអន្លង់ត្នោត បានដើរតួនាទីយ៉ាងសំខាន់ នៅក្នុងការជំរុញការសិក្សាស្រាវជ្រាវ និងជំរុញការអានដល់សិស្សានុសិស្ស។ នេះជាការបញ្ជាក់របស់ លោក ជាម ដារ៉ាវិទ្ធ នាយកអនុវិទ្យាល័យអន្លង់ត្នោត។
បើតាមលោកនាយកសាលារូបនេះ នៅក្នុងបណ្ណាល័យ ត្រូវបានរៀបចំឡើងនៅក្នុងបន្ទប់រៀនមួយ ដើម្បី ដើម្បីផ្តល់ទីតាំងឱ្យសិស្សបានសិក្សា ស្រាវជ្រាវបន្ថែម ខណៈសាលាពុំទាន់មានលទ្ធភាពសាងសង់បណ្ណាល័យស្តង់ដារនៅឡើយ។
លោក ជាម ដារ៉ាវិទ្ធ បញ្ជាក់បន្ថែមពីគុណប្រយោជន៍នៃបណ្ណាល័យ យ៉ាងដូច្នេះ៖ «ការបង្កើតបណ្ណាល័យសម្រាប់សិស្ស គឺមានសារសំខាន់ច្រើន គឺទី១ មិនឱ្យសិស្សចេញទៅក្រៅ គឺឱ្យសិស្សបានអាន។ ហើយសំខាន់ទី២ សិស្សបានស្រាវជ្រាវពីទស្សនាវដ្តី លំហាត់ ឬក៏អ្វីប្លែក ដែលមាននៅក្នុងបណ្ណាល័យ សិស្សអាចស្រាវជ្រាវបាន។ អ៊ីចឹងសិស្សចង់រៀន ចង់ដឹង ធ្វើឱ្យខួរក្បាលវិវត្តន៍ទៅមុខ។»។
ទោះជាមិនទាន់ស្តង់ដារ ប៉ុន្តែលោកនាយកសាលា បានអះអាងថា នៅក្នុងបន្ទប់បណ្ណាល័យនេះ គឺមានសៀវភៅសិក្សាគោលតាមស្តង់ដារក្រសួងអប់រំគ្រប់គ្រាន់ នៅឡើយតែ សៀវភៅដែលពាក់ព័ន្ធនឹងការស្រាវជ្រាវប៉ុណ្ណោះ ដែលខ្វះខាត។ «សៀវភៅ កម្មវិធីក្រសួងគឺគ្រប់គ្រាន់ ប៉ុន្តែសៀវភៅស្រាវជ្រាវ មិនគ្រប់គ្រាន់ទេ ដោយសារថា យើងត្រូវទិញខ្លួនឯង។ អត់មានជំនួយពីណាមកទេ។ សៀវភៅដូចជា សៀវភៅ(ភាសា)អង់គ្លេស ទស្សនាវដ្តី សៀវភៅអីផ្សេងៗ។ ឧទាហរណ៍ថា សៀវភៅរឿងរាមកេរ្តិ៍ចុះ អត់មានទេ គឺសាលាត្រូវទិញខ្លួនឯង។ កុលាបប៉ៃលិន ហ្នឹងហៅថាសៀវភៅស្រាវជ្រាវ»។ នេះជាការពន្យល់របស់លោក ជាម ដារ៉ាវិទ្ធ ដោយលោកបន្ថែមថា លោក បាន និងនៅតែបន្តស្នើសុំទៅថ្នាក់លើ ឱ្យជួយរៀបចំបណ្ណាល័យស្តង់ដារនៅក្នុងសាលា ដើម្បីផ្តល់ភាពងាយស្រួលបន្ថែមទៀតដល់សិស្ស នៅក្នុងការសិក្សា ស្រាវជ្រាវ៕
(អត្ថបទ ឬវីដេអូនេះ គឺជាស្នាដៃរបស់ក្រុមយុវជន និងត្រូវបានរៀបរៀងឡើង ក្រោមជំនួយហិរញ្ញវត្ថុរបស់សហភាពអឺរ៉ុប និងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែត តាមរយៈអង្គការតម្លាភាពកម្ពុជា និងអង្គការអាក់សិនអេតកម្ពុជា។ រាល់ខ្លឹមសារនៅក្នុងអត្ថបទនេះ គឺជាការទទួលខុសត្រូវរបស់ស្មេរ ឬផលិតករ ហើយមិនឆ្លុះបញ្ចាំងអំពីទស្សនៈរបស់សហភាពអឺរ៉ុប និងទីភ្នាក់ងារសហប្រតិបត្តិការ អភិវឌ្ឍអន្តរជាតិស៊ុយអ៊ែតនោះទេ)
Tag:
អប់រំ
បណ្ណាល័យ
ជាម ដារ៉ាវិទ្ធ
ក្រគរ
ពោធិ៍សាត់
© រក្សាសិទ្ធិដោយ thmeythmey.com