ជាតិ
យុវជនសកម្ម សេវាល្អ
ពោធិ៍សាត់៖ អនុវិទ្យាល័យអន្លង់ត្នោត នឹងមានជម្រាលជនពិការនៅឆ្នាំក្រោយ 16, Oct 2022 , 11:29 am
×
ដោយ៖ព្រំ វិសាល និង ផាន់ សុកហួយ (យុវជនឃុំអន្លង់ត្នោត)
ស្រុកក្រគរ ខេត្តពោធិ៍សាត់៖ នាយកអនុវិទ្យាល័យអន្លង់ត្នោត បញ្ជាក់ថា លោកនឹងលើកសំណើសុំថវិកាពីក្រសួងអប់រំ ដើម្បីសាងសង់ជម្រាលសម្រាប់ជនមានពិការភាព នៅក្នុងអនុវិទ្យាល័យ នៅឆ្នាំក្រោយ បើទោះពុំទាន់សិស្សានុសិស្សដែលមានពិការភាពដៃ ជើងក៏ដោយ។ បើតាម លោក ជាម ដារ៉ាវិទ្ធ ដែលជានាយកអនុវិទ្យាល័យអន្លង់ត្នោត ជម្រាលជនមានពិការភាពដែលគ្រោងសង់នេះ នឹងផ្តល់ភាពងាយស្រួលដល់សិស្ស នៅពេលសាលាខ្លួនមានសិស្សដែលមានពិការភាពមកសិក្សា។
ដើម្បីជ្រាបច្បាស់ សូមលោកអ្នកនាង អញ្ជើញទស្សនាវីដេអូសម្ភាសខាងក្រោមនេះ៖
ជម្រាលសម្រាប់ជនមានពិការភាព នៅក្នុងអនុវិទ្យាល័យ អន្លង់ត្នោត ដែលស្ថិតក្នុងភូមិថ្កោលធំ ឃុំអន្លង់ត្នោត ស្រុកក្រគរ ខេត្តពោធិ៍សាត់ នឹងត្រូវសាងសង់នៅក្នុងឆ្នាំសិក្សាក្រោយ។ នេះជាការបញ្ជាក់របស់លោក លោក ជាម ដារ៉ាវិទ្ធ ជានាយកអនុវិទ្យាល័យអន្លង់ត្នោត។ លោក ជាម ដារ៉ាវិទ្ធ ពន្យល់ថា៖«គម្រោងនេះ យើងបានគិត ២-៣ឆ្នាំមកហើយ ប៉ុន្តែដែលសំខាន់ គឺយើងអត់មានថវិកា។ ហើយបើយើងចង់ធ្វើគម្រោងហ្នឹង ទាល់តែយើងលើកសំណើ សំណើគម្រោងចាយលុយសាលាហ្នឹង គឺឆ្នាំក្រោយ។ ឆ្នាំក្រោយយើងអាចធ្វើគម្រោង(ជម្រាល)បាន។ ប៉ុន្តែកន្លែងបង្គន់អនាម័យ គឺយើងមានជម្រាលស្រេចហើយ។ វានៅលើសាបសាលាយើង អត់ទាន់មានទេ។ ហើយបើយើងធ្វើ យើងនឹងធ្វើនៅឆ្នាំក្រោយ ដោយយកថវិការដ្ឋយកមកប្រើ។ »។
បើតាមលោកនាយកសាលា បច្ចុប្បន្ននៅសាលាខ្លួនពុំទាន់សិស្សានុសិស្សដែលមានពិការភាពដៃ ជើងនោះទេ គឺមានតែសិស្សម្នាក់គត់ ដែលខ្សោយគំហើញ។ ទោះជាយ៉ាងនេះ ក្តីជម្រាលជនមានពិការភាពដែលគ្រោងសង់នៅឆ្នាំក្រោយនោះ នឹងរួមចំណែកផ្តល់ភាពងាយស្រួលដល់សិស្ស ប្រសិនបើអនាគត មានសិស្សដែលមានពិការភាពមកសិក្សានៅអនុវិទ្យាល័យអន្លង់ត្នោតនេះ។ លោក ជាម ដារ៉ាវិទ្ធ ជានាយកអនុវិទ្យាល័យអន្លង់ត្នោត ពន្យល់បន្ថែមដូច្នេះ៖«ប្រសិនបើមានសិស្សពិការ អត្ថប្រយោជន៍គឺមានច្រើនបំផុត គឺសិស្សងាយរុញរទេះចូល។ ប៉ុន្តែវា(សាលា)អត់ទាន់មាន អ៊ីចឹងអត់ដែលជួបផលវិបាកយ៉ាងម៉េច អត់ដឹងទេ។ »៕
(អត្ថបទនេះគឺជាស្នាដៃរបស់ក្រុមយុវជន និងត្រូវបានរៀបរៀងឡើងក្រោមជំនួយហិរញ្ញវត្ថុរបស់សហភាពអឺរ៉ុបនិងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែតតាមរយៈអង្គការតម្លាភាពកម្ពុជា និងអង្គការអាក់សិនអេតកម្ពុជា។រាល់ខ្លឹមសារនៅក្នុងអត្ថបទ និងវីដេអូនេះ គឺជាការទទួលខុសត្រូវរបស់ស្មេរ ឬផលិតករហើយមិនឆ្លុះបញ្ចាំងអំពីទស្សនៈរបស់សហភាពអឺរ៉ុប និងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែតនោះទេ)
Tag:
អប់រំ
ជម្រាលជនពិការ
ជាម ដារ៉ាវិទ្ធ
© រក្សាសិទ្ធិដោយ thmeythmey.com