រថយន្ត
អន្តរជាតិ
៩ខែឆ្នាំនេះ ចិនលក់រថយន្តចេញបានជាង២លានគ្រឿងដែលកើន៥៥,៥ភាគរយ 17, Oct 2022 , 7:29 pm
រូបថត Xinhua
× ចិនមានកំណើននាំរថយន្តចេញដល់៥៥,៥ភាគរយនារយៈពេល៩ខែដំបូងនៃឆ្នាំ២០២២នេះ បើប្រៀបធៀបនឹងរយៈពេលដូចគ្នាកាលពីឆ្នាំមុន។
តាមការផ្សាយរបស់ទីភ្នាក់ងារព័ត៌មាន Xinhua រថយន្តដែលបាននាំចេញពីចិន គិតត្រឹមខែកញ្ញា មាន២,១១លានគ្រឿង ក្នុងនោះ ជាង១,៦៩លានគ្រឿងជាប្រភេទរថយន្តដឹកអ្នកដំណើរ (Passenger cars)។
សមាគមសហគ្រាសយានយន្តចិន (CAAM) បានបញ្ជាក់ថា ក្រៅពីរថយន្តដឹកដំណើរដែលមានកំណើនលក់ចេញ ៦០,១ភាគរយ រថយន្តប្រភេទពាណិជ្ជកម្ម (Commercial cars) ក៏កើន ៣៩,២ភាគរយ ឬ ៤២២ ០០០គ្រឿង ផងដែរ។
សម្រាប់ប្រភេទថាមពលថ្មីវិញ ចិន នាំចេញបានចំនួន៣៨៩ ០០០គ្រឿង ពីខែមករា ដល់ខែកញ្ញា ពោលគឺកើនដល់ទៅជាង១០០ភាគរយ បើប្រៀបធៀបនឹងរយៈពេលដូចគ្នា កាលពីឆ្នាំ២០២១។
អ្វីដែលគួរឲ្យកត់សម្គាល់នោះ ទិន្នន័យ CAAM បង្ហាញថា ក្នុងអំឡុងខែកញ្ញាតែមួយ ការនាំចេញរថយន្តរបស់សិន កើនដល់៧៣,៩ភាគរយ ឬ ៣០១ ០០០គ្រឿង៕
© រក្សាសិទ្ធិដោយ thmeythmey.com