ដោយ៖ ឡុង ស្រីនាថ និងឡាវ យ៉ា (យុវជនឃុំកូនសត្វ)    

 ស្រុកទឹកឈូ, កំពត៖ បច្ចុប្បន្នឃុំកូនសត្វ នៅមិនទាន់មានភ្លើងបំភ្លឺផ្លូវនៅពេល​យប់ ខណៈផ្លូវមួយចំនួនក្នុងឃុំមានការខូចខាតថែមទៀត។ កត្តានេះ បានបង្កការលំបាកដល់ពលរដ្ឋ ក្នុងការធ្វើដំណើរនៅពេលយប់ ជាពិសេសបញ្ហាសុខសុវត្ថិភាព។

ចុចទីនេះដើម្បីទទួលបានព័ត៌មានរហ័ស

មេប៉ុស្ដិ៍នគរបាលឃុំកូនសត្វ ក៏មើលឃើញពីបញ្ហានេះ និងបានបង្ហាញក្តីបារម្ភអំពីសុវត្ថិភាពពលរដ្ឋឃុំ ដែលត្រូវធ្វើដំណើរពេលយប់ដែរ។ លោក យី វណ្ណា មេប៉ុស្តិ៍ឃុំកូនសត្វ ទទួលស្គាល់ថា ការការពារសុវត្ថិភាពជូនពលរដ្ឋ ជាតួនាទីរបស់អាជ្ញាធរមានសមត្ថកិច្ចភូមិ-ឃុំ ប៉ុន្តែបច្ចុប្បន្ន សមត្ថកិច្ចពុំមានលទ្ធភាពល្បាតនៅពេលយប់ជាប់លាប់នោះទេ ដោយខ្វះខាតកម្លាំង​។ ទន្ទឹមនឹងការតាំងចិត្តក្នុងការបង្កើនការពារសុវត្ថិភាពសម្រាប់ពលរដ្ឋ នៅពេលយប់ លោកមេប៉ុស្តិ៍រូបនេះ ក៏ស្នើរដ្ឋាភិបាល បង្កើនការយកចិត្តទុកដាក់ក្នុងការភ្លើងបំភ្លឺតាមផ្លូវ និងសាងសង់ប៉ុស្តិ៍ប្រជាការពារគ្រប់ភូមិ នៅក្នុងឃុំកូនសត្វឱ្យបានឆាប់ផងដែរ៕

​

 

អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ