ពិតជាអស្ចារ្យមែន! ការប្រកួតពានរង្វាន់បាល់បោះ TNAOT ៣x៣ ចុងឆ្នាំ២០២២នេះ ផ្ទុះការគាំទ្រខ្លាំងពីស្រទាប់យុវជន

ជាតិ

អត្ថបទពាណិជ្ជកម្ម

ពិតជាអស្ចារ្យមែន! ការប្រកួតពានរង្វាន់បាល់បោះ TNAOT ៣x៣ ចុងឆ្នាំ២០២២នេះ ផ្ទុះការគាំទ្រខ្លាំងពីស្រទាប់យុវជន

03, Nov 2022 , 11:49 am

រូបភាព

ដោយ: សារព័ត៌មានថ្មីៗ

ពិតជាមានមោទកភាព និងក្តីរំភើប ប្រកបដោយស្នាមញញឹម ដែលមិនអាចកាត់ថ្លៃបានពីសំណាក់ លោកគ្រូ អ្នកគ្រូ នៃសហព័ន្ធកីឡាបាល់បោះកម្ពុជា យុវជន យុវនារី កីឡាករកីឡាការីនី Influencer ល្បីៗ និងមហាជនយ៉ាងច្រើនកុះករ ដែលស្នេហាវិស័យបាល់បោះ ចំពោះព្រឹត្តិការណ៍ដ៏អស្ចារ្យ នៃការប្រកួតពានរង្វាន់បាល់បោះ TNAOT ៣x៣ ឆ្នាំ 2022 ( TNAOT 3x3 Basketball Tournament 2022 ) ដែលបានបិទបញ្ចប់ការប្រកួត។

កាលពីថ្ងៃទី២៩ តុលាឆ្នាំ២០២២ កន្លងទៅ ក្រោមវត្តមានដ៏ខ្ពង់ខ្ពស់របស់ លោក អ៊ុក សិទ្ធិជាតិ អគ្គនាយក នៃអគ្គនាយកដ្ឋានកីឡា នៃក្រសួងអប់រំ យុវជននិង កីឡា , លោក ឈួរ សុបញ្ញា ប្រតិភូរដ្ឋាភិបាល ទទួលបន្ទុក អគ្គនាយក នៃមូលនិធិជាតិជំនួយសង្គម , លោក ជា សុធារ៉ា អភិបាលរងខណ្ឌ នៃគណៈអភិបាលខណ្ឌ៧មករា , ម្ចាស់ឧបត្ថម្ភកម្មវិធី , បណ្តាសារព័ត៌មានគ្រប់ស្ថាប័ន និងវត្តមានគណៈអធិបតីជាច្រើនរូបផ្សេងទៀត ។

ការប្រកួត «ពានរង្វាន់បាល់បោះ TNAOT ៣x៣» ឆ្នាំ 2022 បានចាប់ផ្តើមប្រកួតដំបូងកាលពីថ្ងៃពី២៣ តុលា ឆ្នាំ២០២២ ដែលមានការចូលរួមប្រកួតរហូតដល់ ៦៤ ក្រុម មកពីស្ទើរគ្រប់បណ្តា សាកលវិទ្យាល័យ និងវិទ្យាល័យ រួមមានទាំងក្រុមបរទេសចូលរួមប្រកួតជាច្រើនក្រុមផងដែរ ហើយមានតែ៣២ក្រុមប៉ុណ្ណោះដែលត្រូវបានប្រកួតជម្រុះចូលទៅកាន់ការប្រកួតវគ្គផ្តាច់ព្រ័ត្រ។

ក្រោយឆ្លងកាត់ការប្រកួតដ៏ស្វិតស្វាញ ទីបំផុតក្រុមជើងខ្លាំង ដែលជាម្ចាស់ជ័យលាភីពានរង្វាន់លេខ១ លេខ២ និងលេខ៣ ទាំង៤ប្រភេទវិញ្ញាសានៃការប្រកួតពានរង្វាន់បាល់បោះ TNAOT ៣x៣ ឆ្នាំ 2022 ត្រូវបានរកឃើញរួមមាន៖

វិញ្ញាសាកម្រិត «មហាជនផ្នែកបុរស»៖

ជ័យលាភីលេខ៣ បានទៅលើ ក្រុម The Revan Team ទទួលបានមេដាយកិត្តិយស ប្រាក់រង្វាន់លើកទឹកចិត្តចំនួន ៦០ម៉ឺនរៀល និងរង្វាន់លើកទឹកចិត្តជាច្រើនផ្សេងទៀត។
ជ័យលាភីលេខ២ បានទៅលើក្រុម Dolphin Logistic Team ទទួលបានមេដាយកិត្តិយស ប្រាក់រង្វាន់លើកទឹកចិត្តចំនួន ១លានរៀល និងរង្វាន់លើកទឹកចិត្តជាច្រើនផ្សេងទៀត។
ជ័យលាភីពានរង្វាន់ជើងឯក ពានរង្វាន់លេខ១ បានទៅលើក្រុម Hello Team ទទួលបានមេដាយកិត្តិយស ពានរង្វាន់កិត្តយសប្រាក់រង្វាន់លើកទឹកចិត្ត ១លាន៥សែនរៀល និងរង្វាន់លើកទឹកចិត្ត ជាច្រើនផ្សេងទៀត។

វិញ្ញាសាកម្រិត «មហាជនផ្នែកនារី»៖

ជ័យលាភីលេខ៣ បានទៅលើក្រុម សៀមរាបផ្ទះខ្ញុំ ទទួលបានមេដាយកិត្តិយស ប្រាក់រង្វាន់លើកទឹកចិត្តចំនួន ៦០ម៉ឺនរៀល និងរង្វាន់លើកទឹកចិត្តជាច្រើនផ្សេងទៀត។
ជ័យលាភីលេខ២ បានទៅលើក្រុម ស.ស.យ.ក ខេត្តសៀមរាប ទទួលបានមេដាយកិត្តយស ប្រាក់រង្វាន់លើកទឹកចិត្តចំនួន ១លានរៀល និងរង្វាន់លើកទឹកចិត្តជាច្រើនផ្សេងទៀត។
ជ័យលាភីពានរង្វាន់ជើងឯក ពានរង្វាន់លេខ១ បានទៅលើ ក្លិបបាល់បោះក្រសួងមហាផ្ទៃ ទទួលបានមេដាយកិត្តយស ពានរង្វាន់កិត្តិយស ប្រាក់រង្វាន់លើកទឹកចិត្តចំនួន ១លាន៥សែនរៀល និងរង្វាន់លើកទឹកចិត្តជាច្រើនផ្សេងទៀត។

វិញ្ញាសាកម្រិត «ឧត្តមសិក្សាបុរស»៖

ជ័យលាភីលេខ៣ បានទៅលើ សកលវិទ្យាល័យអាស៊ីអឺរ៉ុប ទទួលបានមេដាយកិត្តិយស ប្រាក់រង្វាន់លើកទឹកចិត្តចំនួន ៦០ម៉ឺនរៀល និងរង្វាន់លើកទឹកចិត្តជាច្រើនផ្សេងទៀត។
ជ័យលាភីលេខ២ បានទៅលើ វិទ្យាស្ថាន CamEd ទទួលបានមេដាយកិត្តិយស ប្រាក់រង្វាន់លើកទឹកចិត្តចំនួន ១លានរៀល និងរង្វាន់លើកទឹកចិត្ត ជាច្រើនផ្សេងទៀត។
ជ័យលាភីពានរង្វាន់ជើងឯក ពានរង្វាន់លេខ១ បានទៅលើ សកលវិទ្យាល័យ Western ទទួលបានមេដាយកិត្តយស ពានរង្វាន់កិត្តយស ប្រាក់រង្វាន់លើកទឹកចិត្តចំនួន ១លាន៥សែនរៀល និងរង្វាន់លើកទឹកចិត្តជាច្រើនផ្សេងទៀត។

វិញ្ញាសាកម្រិត «មធ្យមសិក្សាសិក្សាបុរស»៖

ជ័យលាភីលេខ៣បានទៅលើ សាលាអន្តរជាតិ អាមេរិកកាំង ទទួលបានមេដាយកិត្តិយស ប្រាក់រង្វាន់លើកទឹកចិត្តចំនួន ៦០ម៉ឺនរៀល និងរង្វាន់លើកទឹកចិត្តជាច្រើនផ្សេងទៀត។

ជ័យលាភីលេខ២ បានទៅលើ វិទ្យាល័យព្រះស៊ីសុវត្ថិ ទទួលបានមេដាយកិត្តិយស ប្រាក់រង្វាន់លើកទឹកចិត្តចំនួន ១លានរៀល និងរង្វាន់លើកទឹកចិត្តជាច្រើនផ្សេងទៀត។

ជ័យលាភីពានរង្វាន់ជើងឯក ពានរង្វាន់លេខ១ បានទៅលើ វិទ្យាល័យហ៊ុនសែនតាខ្មៅ ទទួលបានមេដាយកិត្តយស ពានរង្វាន់កិត្តិយស ប្រាក់រង្វាន់លើកទឹកចិត្តចំនួន ១លាន៥សែនរៀល និងរង្វាន់លើកទឹកចិត្តជាច្រើនផ្សេងទៀត។

លោក ជា ប៊ុណ្ណាធិសក្តិ៍ អនុប្រធានផ្នែកទីផ្សារនៃសារព័ត៌មានត្នោត បានមានប្រសាសន៍ឱ្យដឹងថា ៖ “ការប្រកួតពានរង្វាន់បាល់បោះ TNAOT ៣x៣” ឆ្នាំ២០២២ គឺជាការរៀបចំឡើងដោយ សារព័ត៌មានត្នោត សហការជាមួយ សហព័ន្ធកីឡាបាល់បោះកម្ពុជា Cambodia Basketball Federation (CBF) ក្រោមការគាំទ្រយ៉ាងពេញទំហឹង ដោយអគ្គនាយកដ្ឋានកីឡា នៃក្រសួងអប់រំយុវជន និងកីឡាកម្ពុជា។

លោកជា ប៊ុណ្ណាធិសក្តិ៍ បានមានប្រសាសន៍បន្តថា កម្មវិធី “ពានរង្វាន់បាល់បោះ TNAOT ៣x៣” នេះ ប្រព្រឹត្តធ្វើឡើង ក្នុងគោលបំណាងលើកស្ទួយវិស័យបាល់បោះនៅកម្ពុជា លើកទឹកចិត្តសុខុមាលភាពមហាជន ដើម្បីចូលរួមលេងកីឡាទាំងអស់គ្នា។ មិនត្រឹមតែប៉ុណ្ណោះ កម្មវិធីនេះ បានចូលរួមផ្តល់ឱកាស និង លើកទឹកចិត្ត ដល់កីឡាកានីជាច្រើនរូប បានចូលរួមប្រកួតបង្ហាញ សមត្ថភាព ភាពស្វាហាប់ ក្នុងការប្រកួតដណ្តើម យកពានរង្វាន់ TNAOT ៣x៣ ឆ្នាំ២០២២ ជាស្តែង ក្លិបបាល់បោះនារីរបស់ ក្រសួងមហាផ្ទៃ បានប្រកួតឈ្នះពានរង្វាន់ក្លាយជា ជ័យលាភីពានរង្វាន់ជើងឯក នៃពានរង្វាន់បាល់បោះ TNAOT ៣x៣ ឆ្នាំ 2022 ផងដែរ។

ជាងនេះទៅទៀត ការប្រកួត ពានរង្វាន់បាល់បោះ TNAOT ៣x៣ ឆ្នាំ២០២២ ក៏ជាការ ត្រៀមអបអរសាទរការប្រកួតកីឡា SEA Games ២០២៣ ដែលប្រទេសកម្ពុជានឹងជាធ្វើជាម្ចាស់កីឡា SEA Games ផងដែរ៕

(អត្ថបទពាណិជ្ជកម្ម)