សេចក្តីប្រកាសព័ត៌មាន បានឲ្យដឹងថា សម្តេច ហ៊ុន សែន ប្រមុខរដ្ឋាភិបាលកម្ពុជា និងជាប្រធានអាស៊ាន នឹងដឹកនាំកិច្ចប្រជុំកំពូលអាស៊ានលើកទី៤០ និងលើកទី៤១ បូករួមទាំងកិច្ចប្រជុំកំពូលពាក់ព័ន្ធផ្សេងទៀត ចាប់ពីថ្ងៃទី១០ ថ្ងៃទី១៣ ខែវិច្ឆិកា នៅរាជធានីភ្នំពេញ។ ក្នុងពិធីបិទកិច្ចប្រជុំកំពូលអាស៊ាន សម្តេច នឹងប្រគល់ញញួរប្រធានអាស៊ានទៅលោក ចូកូ វីដូដូ ប្រធានាធិបតីឥណ្ឌូណេស៊ី ដែលត្រូវកាន់តំណែងប្រធានអាស៊ានបន្តពីកម្ពុជា នៅឆ្នាំ២០២៣។ 
 

សេចក្តីប្រកាសព័ត៌មាន បញ្ជាក់ទៀតថា សម្តេចនាយករដ្ឋមន្រ្តី នឹងមានជំនួបទ្វេភាគីជាមួយប្រតិភូប្រទេសមួយចំនួនផងដែរ៕