ស្រុកបូទុមសាគរ,កោះកុង៖នៅប៉ុស្ដិ៍រដ្ឋបាលអណ្ដូងទឹក ផ្ដល់សេវាសាធារណៈដល់ពលរដ្ឋមានដូចជាការធ្វើសៀវភៅស្នាក់នៅ សៀវភៅគ្រួសារ អត្តសញ្ញាណបណ្ណ ការបង្រ្កាបល្បែងស៊ីសង គ្រឿងញៀននិងចុះអប់រំក្មេងទំនើងជាដើម។ នេះបើតាមលោក ប៉ែន ហម មេប៉ុស្ដិ៍នគរបាលអណ្ដូងទឹក។

 

លោក ប៉ែន ហមមេប៉ុស្ដិ៍នគរបាលអណ្ដូងទឹក បានណែនាំឱ្យប្រជាពលរដ្ឋដែលបាត់ឯកសារ ពេលទៅធ្វើថ្មីត្រូវរៀបចំឯកសារចំាបាច់មួយចំនួន រួមទាំងមានភ្ជាប់ជាមួយនឹងពាក្យបណ្ដឹងផងដែរ។មេប៉ុស្ដិ៍បានបញ្ជាក់ថា ក្រុមការងាររបស់លោកបានយកចិត្តទុកដាក់ និងរីករាយក្នុងការបម្រើជូនប្រជាពលរដ្ឋរបស់ខ្លួនប៉ុន្តែថ្ងៃខ្លះមានអ្នកទៅធ្វើច្រើន គឺត្រូវសុំការអធ្យាស្រ័យពីពួកគេឱ្យរង់ចាំសិនដោយក្រុមការងារប៉ុស្ដិ៍ធ្វើជូនតាមលំដាប់លំដោយ។

 

ការផ្ដល់សេវានៅក្នុងប៉ុស្ដិ៍អណ្ដូងទឹកគឺស្វាគមន៍ចំពោះប្រជាពលរដ្ឋជានិច្ច ឱ្យតែពួកគេមកទទួលសេវា។ លោក ហម លើកឡើងបែបនេះរួចបន្តថា សម្រាប់អ្នកផ្លាស់ប្ដូរទីលំនៅគឺ ត្រូវទៅធ្វើសៀវភៅស្នាក់នៅ ហើយរយៈពេល២ទៅ៣ខែក្រោយមក ត្រូវទៅធ្វើសៀវភៅគ្រួសារបន្តទៀត។ លោកបញ្ជាក់ថា៖ «ការងារបម្រើប្រជាពលរដ្ឋមិនមានអ្វីលំបាកនោះទេប៉ុន្តែអ្វីដែលពិបាកនោះពេលពលរដ្ឋទៅទទួលសេវាច្រើនផ្ដល់ឱ្យពួកគាត់មិនទាន់ធ្វើឱ្យពួកគាត់មិនពេញចិត្ត»។

 

លោក ប៉ែន ហម បន្តថានៅក្នុងឃុំអណ្ដូងទឹកមានផ្ទៃដីធំ ហើយមានប្រជាពលរដ្ឋសរុប ១ ៦០៧គ្រួសារ ស្មើ ៦ ៣៣៤នាក់។ 

 

ជុំវិញការផ្ដល់សេវានេះលោកមេប៉ុស្ដិ៍បានបែងចែកជា ២ក្រុមគឺក្រុម«ក» និងក្រុម«ខ» ដែលមួយក្រុមមានគ្មាន ២ទៅ៣នាក់ ដើម្បីបំពេញការងារតាមកាលៈទេសៈជាកស្ដែង។

បើទោះជាមានការបែងចែកក្រុមក៏ពិតមែន តែការផ្ដល់សេវានៅក្នុងប៉ុស្ដិ៍រដ្ឋបាលអណ្ដូងទឹកមានភាពសកម្ម មិនមានការមើលបំណាំគ្នានោះទេ គឺបម្រើពលរដ្ឋទៅតាមសភាពការណ៍

និងករណីដែលកើតមាន នៅក្នុងសហគមន៍បានទាន់ពេលវេលា។

 

 

ពលរដ្ឋដែលទៅទទួលសេវាសាធារណៈនៅប៉ុស្ដិ៍អណ្ដូងទឹកមានចន្លោះពី៥ទៅ៧នាក់ ក្នុងនោះមានអ្នកសុំហត្ថលេខា ការបញ្ជាក់កិរិយាមាយាទ

និងការធ្វើអត្តសញ្ញាណប័ណ្ណ។ លោក ប៉ែន ហម លើកឡើងដូច្នេះ។

 

លោកមេប៉ុស្ដិ៍រូបនេះបានបន្ថែមថាលោកមានឆន្ទៈមោះមុតសម្រាប់បំរើប្រជាពលរដ្ឋនៅក្នុងមូលដ្ឋានប្រសិនបើមានបញ្ហាចន្លោះប្រហោងគឺស្នើឱ្យមានការរិះគន់ដើម្បីស្ថាបនានិងអភិវឌ្ឍនៅក្នុងឃុំឱ្យកាន់តែល្អប្រសើរបន្ថែមទៀត៕

 

អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ