សម្រាប់នាយកអនុវិទ្យាល័យ ពន្លឺវិជ្ជា គ្រឿងញៀនមិនត្រឹមតែធ្វើឱ្យប៉ះពាល់ដល់ការសិក្សារបស់សិស្សនោះទេ ប៉ុន្តែវានឹងបង្កគ្រោះថ្នាក់ធ្ងន់ធ្ងរដល់សុខភាព និងស្មារតីរបស់សិស្ស។ ដើម្បីទប់ស្កាត់បញ្ហាគ្រឿងញៀននេះ លោក ម៉ែន ចាន់ បានអះអាងថា លោកតែងតែអប់រំណែនាំសិស្សទាំងនៅក្នុងថ្នាក់ និងពេលគោរពទង់ជាតិ អំពីគ្រោះថ្នាក់ដែលបណ្តាលមកពីគ្រឿងញៀននេះ ។  

 

ទន្ទឹមនឹងនេះ លោក ម៉ែន ចាន់ ក៏បានអំពាវនាវដល់អាណាព្យាបាលសិស្ស ជួយអប់រំ និងតាមដានបន្ថែមនូវសកម្មភាព និងការសិក្សារបស់កូនផងដែរ។ «យើងបានតែផ្សព្វផ្សាយ យើងបានតែណែនាំ ធ្វើអ្វីឱ្យអស់ពីលទ្ធភាព និងការគ្រប់គ្រងរបស់យើង។ ព្រោះអីនៅជាមួយខ្ញុំ ក្នុងមួយថ្ងៃមិនបាន៨ ម៉ោងផង។ សំខាន់យើងជួបបានតែម៉ោងសិក្សាទេ។ ហើយការអប់រំហ្នឹង មានន័យថា អាណាព្យាបាលគាត់នៅផ្ទះ គាត់ជួយអប់រំកូនគាត់បន្ថែមទៅ ជួយតាមដានកូនរបស់គាត់ផងទៅ» ។

 

សូមបញ្ជាក់ថា នៅក្នុងឆ្នាំសិក្សា ២០២១-២០២២ អនុវិទ្យាល័យ ពន្លឺវិជ្ជា មានសិស្ស១១៩នាក់ កំពុងសិក្សាពីថ្នាក់ទី៧ ដល់ទី៩។ ក្នុងចំណោមនោះ មានសិស្សស្រី ចំនន ៦៥នាក់។ ទន្ទឹមនឹងនេះដែរ ក្នុងចំណោមសិស្សទាំងអស់ មានសិស្សដែលទទួលបានអាហារូបករណ៍ចំនួន ៦៥នាក់ផងដែរ៕

 

អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ