ជាតិ
រថយន្ត
Volkswagen ជាឡានបុរាណដែលសម្បូរជាងគេនៅកម្ពុជា តែមួយចំនួនខូចជិះលែងកើត
21, Nov 2022 , 7:19 pm
×![]()
ដោយ: នាយយ៉ាន
បាត់ដំបង៖ ប្រជាពលរដ្ឋខ្មែរហៅរថយន្ដម៉ាក VOLKSWAGEN ប្រភេទទី១ ថា ឡានអណ្ដើក។ គឺដោយសាររាងមូលរបស់វា។ តាមពិត មានតែចាស់ៗ ដែលហៅរថយន្ដប្រភេទនេះបែបនេះ។ មុនសង្គ្រាម មានច្រើនគួរសមក្នុងប្រទេស។ ពេលបច្ចុប្បន្ននេះ មានប្រមាណ២០គ្រឿង ទូទាំងប្រទេស ក៏ប៉ុន្តែស្ទើរតែទាំងអស់ ត្រូវនាំចូលពីបរទេសពេលវាចាស់ហើយ។ នៅក្រុងបាត់ដំបង មាន២គ្រឿង។ ១គ្រឿងអាចជិះបាន។ មួយទៀតជាកម្មសិទ្ធិរបស់ លោក ឆាយ ម៉ាទីណាល់ ដែលជាអភិបាលរង ខេត្តបាត់ដំបងសព្វថ្ងៃ។ គឺជា VOLKSWAGEN ប្រភេទទី១ ម៉ូឌែល 1300 ពណ៌ពងមាន់ ផលិតប្រហែលឆ្នាំ១៩៦៧ ដែលគាត់ទុកអភិរក្ស។ 
ជាភាសាខ្មែរវិញ ចាស់ៗហៅថា ឡានអណ្ដើក។ បុរាណក៏ដោយ ទូទាំងពិភពលោក មិនមែនជាប្រភេទរថយន្ដកម្រមានទេ ពីព្រោះគឺជាប្រភេទរថយន្ដ ដែលត្រូវបានផលិតយូរជាងគេបំផុត : ពីឆ្នាំ១៩៣៨ ដល់ឆ្នាំ២០១៩។ តាមពិតនៅទ្វីបអឺរ៉ុប ត្រូវបានឈប់ផលិតត្រឹមឆ្នាំ១៩៧៨។ ក្រៅពីនេះ ត្រូវបានបន្តផលិតរហូតដល់ឆ្នាំ២០០៣។ បន្ទាប់មក ត្រូវផលិតជំនាន់ចុងក្រោយមួយទៀត ក្នុងរោងចក្រមួយគត់ ស្ថិតនៅអាម៉េរិកឡាទីន រហូតដល់ឆ្នាំ២០១៩។
1300 គឺជាចំណុះម៉ាស៊ីន ដែលមាន ១៣០០CC (សង់ទីម៉ែត្រគូប) ឬ ១៣០០មីលីលីត្រ។ វាមានគ្រឿងពីដើមច្រើន លើកលែងតែចង្កូត ដែលទំនើប។ តាប្លូខាងអ្នកបើកបរ ត្រូវបានកែច្នៃ។ ស៊ីញ៉ូឆ្វេងស្ដាំ លើដែកកាងខាងមុខ ត្រូវបានកាត់ដាក់បន្ថែម។ ខាងក្រោយវិញ ត្រូវបានបិតរូបក្បាលឆ្កែ។ ម៉ាស៊ីនស្ថិតនៅខាងក្រោយដូចពីដើម។ តាមពិតកាលពីមុននេះបន្តិច អាចជិះបាន។ លោក ម៉ាទីណាល់ មានគំនិតយកទៅជួសជុល នៅប្រទេសថៃ ពីព្រោះនៅទីនោះងាយស្វែងរកគ្រឿងបន្លាស់។
ដើម្បីជ្រាបលម្អិតសូមទស្សនាវីដេអូខាងក្រោមនេះ៖
នៅទូទាំងពិភពលោក VOLKSWAGEN ប្រភេទទី១ នៅសេសសល់ច្រើន។ ដូច្នេះក្នុងចំណោមឡានបុរាណ ដែលត្រូវនាំចូលមកប្រទេសកម្ពុជា ច្រើនជា VOLKSWAGEN ប្រភេទទី១ដែរ។ រថយន្ដ VOLKSWAGEN ប្រភេទនេះមានឈ្មោះផ្លូវការថា ប្រភេទទី១ ពីព្រោះជាប្រភេទដំបូងគេបង្អស់ ដែលក្រុមហ៊ុន VOLKSWAGEN បានផលិត។ ប៉ុន្តែគ្មាននរណាហៅវាដូចនេះទេ គេគេហៅតាមភាសានីមួយៗរថយន្ដនេះ មានឈ្មោះហៅថា Käfer (ភាសាអាល្លឺម៉ង់) Coccinelle (ភាសាបារាំង) Escarabajo (ភាសាអេស្ប៉ាញ) Beetle (ភាសាអង់គ្លេស) លឺ Kever (ភាសាហូឡង់) Maggiolino (ជាភាសាអ៊ីតាលី) Fusca (ភាសាព័រទុយហ្កាល) Garbus (ភាសាប៉ូឡូញ) Bogár (ភាសាហុងគ្រី)។ ល។ ដែលអាចបកប្រែថា សត្វខ្ញុង ពីព្រោះវាមានរាងដូចសត្វល្អិតនេះ។
ជាភាសាខ្មែរវិញ ចាស់ៗហៅថា ឡានអណ្ដើក។ បុរាណក៏ដោយ ទូទាំងពិភពលោក មិនមែនជាប្រភេទរថយន្ដកម្រមានទេ ពីព្រោះគឺជាប្រភេទរថយន្ដ ដែលត្រូវបានផលិតយូរជាងគេបំផុត : ពីឆ្នាំ១៩៣៨ ដល់ឆ្នាំ២០១៩។ តាមពិតនៅទ្វីបអឺរ៉ុប ត្រូវបានឈប់ផលិតត្រឹមឆ្នាំ១៩៧៨។ ក្រៅពីនេះ ត្រូវបានបន្តផលិតរហូតដល់ឆ្នាំ២០០៣។ បន្ទាប់មក ត្រូវផលិតជំនាន់ចុងក្រោយមួយទៀត ក្នុងរោងចក្រមួយគត់ ស្ថិតនៅអាម៉េរិកឡាទីន រហូតដល់ឆ្នាំ២០១៩។
ម៉ាក VOLKSWAGEN ត្រូវបានបង្កើតឡើងនៅប្រទេសអាល្លឺម៉ង់ នៅអំឡុងឆ្នាំ១៩៣៧ ដោយពលរដ្ឋអូទ្រីសមួយរូបឈ្មោះ PORSCHE Ferdinand ដែលក៏បានបង្កើតម៉ាក PORSCHE ដែរ។ ជាភាសាអាល្លឺម៉ង់ពាក្យ VOLKS មានន័យថា ប្រជាជន និងពាក្យ WAGEN មានន័យថា ឡាន៕
:
Tag:
យានយន្ត
ឡានបុរាណ
Volkswagen
បាត់ដំបង
© រក្សាសិទ្ធិដោយ thmeythmey.com
