មន្រ្តីនគរបាលរូបនេះ បង្ហោះបណ្ណសម្រាប់ចេញ-ចូលអគ្គស្នងការដ្ឋាននគរបាលជាតិ និងក្រសួងមហាផ្ទៃ លើបណ្តាញតិកតុក ជាមួយការប្រកាសថា «តើមានអ្នកណា ត្រូវការបណ្ណទាំងនេះទេ?» ពេលត្រូវនាំខ្លួនទៅបំភ្លឺនៅអធិការដ្ឋាននគរបាលខណ្ឌសែនសុខ មន្រ្តីនគរបាលរូបនេះ បកស្រាយថា រូបគេ ពុំមានចេតនាក្នុងការលក់ដូរបណ្ណទាំងនោះឡើយ ដោយគោលបំណង គឺគ្រាន់តែបង្ហោះអួតដល់មិត្តភ័ក្តិ ដែលជាកងកម្លាំងដូចគ្នាតែប៉ុណ្ណោះ។ 

 

ក្រៅពីការបញ្ឈរជើង សមត្ថកិច្ចនៃអធិការដ្ឋាននគរបាលខណ្ឌសែនសុខ បានណែនាំអប់រំដល់មន្រ្តីនគរបាលប៉ុស្តិ៍ទឹកថ្លារូបនេះ។ រូបគេ ត្រូវទៅបង្ហាញមុខនៅផ្នែករដ្ឋបាលនៃអធិការដ្ឋាននគរបាលខណ្ឌសែនសុខជារៀលរាល់ថ្ងៃ។ ស្នងការដ្ឋាននគរបាលរាជធានីភ្នំពេញ បញ្ជាក់ដូច្នេះថា៖«ប័ណ្ណសម្គាល់ទាំងនេះ មិនមែនសម្រាប់ធ្វើអាជីវកម្មនោះទេ»៕