ប្រមុខគណបក្សប្រជាជនកម្ពុជា ថ្លែងដូច្នេះថា៖«ថ្ងៃមុន គណៈកម្មាធិការអចិន្ត្រៃយ៍គណបក្សប្រជាជនកម្ពុជា បានដាក់ចេញយុទ្ធសាស្រ្ត១ គឺបំផ្លាញគ្រាប់មីនឲ្យអស់នៅត្រឹមឆ្នាំ២០២៥ ដែលជាយុទ្ធសាស្រ្តសម្រាប់ការដឹកនាំប្រទេសឆ្នាំ២០២៣-២០២៨។ ក្នុងខែមករា [ឆ្នាំ២០២៣] គណបក្សប្រជាជនកម្ពុជា នឹងបើកមហាសន្និបាត ដើម្បីអនុម័តគោលនយោបាយ វាជាគោលនយោបាយរបស់ខ្លួនសម្រាប់អាណត្តិបន្ត»។  
 

លោក សុខ ឥសាន អ្នកនាំពាក្យគណបក្សប្រជាជនកម្ពុជា ប្រាប់សារព័ត៌មានថ្មីៗថា មហាសន្និបាតនេះ គឺជាមហាសន្និបាតតំណាងគណបក្សនៅទូទាំងប្រទេស។ លោក មានប្រសាសន៍ដូច្នេះថា៖«តំណាងគណបក្ស នៅតាមឃុំ តាមស្រុក ដែលចាំបាច់ ក៏អាចត្រូវបានអញ្ជើញឲ្យចូលរួមដែរ»។ 
 

ដោយមិនទាន់ដឹងព័ត៌មានជាក់លាក់ អ្នកនាំពាក្យគណបក្សកាន់អំណាច អាចត្រឹមប៉ាន់ស្មានជាបឋមថា តំណាងគណបក្សដែលចូលរួម អាចមានដល់ខ្ទង់រាប់ពាន់នាក់ ទៅតាមទំហំសាលនៃវិមាន៧មករា ដែលអាចដាក់មនុស្សបានប្រមាណពី ៣ពាន់នាក់ ទៅ៤ពាន់នាក់ ហើយមហាសន្និបាតនេះ អាចនឹងត្រូវរៀបចំឡើងរយៈពេល២ថ្ងៃ ក្នុងអំឡុងពាក់កណ្តាលខែមករា ឆ្នាំ២០២៣៕