វចនានុក្រម មិនបានអត្ថាធិប្បាយស៊ីជម្រៅឡើយទាក់ទងនឹងពាក្យ «ទំពោះ» នេះ ដោយគ្រាន់តែលើកឧទាហរណ៍មកថា៖ «ម្ដាយដឹងថាកូនមកទំពោះ ក៏មានចិត្តមេត្តាស្ងួនគ្រងទៅរកកូនដែលនៅក្នុងផ្ទៃ»។

 

សៀវភៅរឿងព្រេងនិទាន «ប្រវត្តិបក្សីចាំក្រុង» ដែលនិយាយអំពីដំបងក្រញូង ក៏មានពាក្យ «ទំពោះ» ផងដែរ។  នាយញូងមានដើមកំណើតនៅ ស្រុកសួនមង្ឃុតឳពុកឈ្មោះសួន ម្ដាយឈ្មោះសែន មុននឹងនាយញូងមកទំពោះម្ដាយ បុរសជាឳពុកបានសុបិនឃើញព្រះកាល យកដាវមកហុចប្រគល់ឱ្យ៕