លោក សៅ រិទ្ធ បានរៀបរាប់បែបនេះ បើទោះបីគ្មានសិស្សពិការទៅរៀននៅសាលាបឋមសិក្សាអណ្ដូងទឹក ក៏នាយកសាលារូបនេះ បានសាងសង់ជម្រាលជនពិការរួចរាល់ ដើម្បីត្រៀម ក្រែងមានសិស្សពិការពួកគេ បានទៅរៀននៅសាលាបឋមសិក្សាអណ្ដូងទឹក។

 

ជម្រាលជនពិការមានសារៈសំខាន់ និងសារៈប្រយោជន៍ណាស់ សម្រាប់អ្នកដែលពិការជើង ដើម្បីឱ្យពួកគេងាយស្រួលជិះរទេះឡើង។ លោកនាយកលើកឡើងបែបនេះ ហើយបន្តថា អ្នកមានពិការភាព មានច្រើនប្រភេទមានអ្នកពិការភ្នែក ពិការដៃ ថ្លង់ និងពិការជើងជាដើម។
 

«ប្រព័ន្ធអប់រំគ្មានអ្វីដែលត្រូវរើសអើងគាត់នោះទេ សិស្សពិការត្រូវបានគេលើកទឹកចិត្ត និងផ្ដល់អាទិភាពមុនគេ។ ជាធម្មតាខ្លាចតែគាត់មានសម្ពាធពីមជ្ឈដ្ឋានខាងក្រៅ និងមនុស្សនៅជុំវិញខ្លួន និងនៅក្នុងគ្រួសារទេ»។ នេះបើតាមលោក សៅ រិទ្ធ។

 

នាយកសាលាបឋមរូបនេះ បន្ថែមថា ដើម្បីឱ្យអ្នកពិការភាពទទួលបានព័ត៌មានឱ្យទូលំទូលាយ គឺត្រូវផ្សព្វផ្សាយឱ្យបានទូលំទូលាយ ដែលទាក់ទងទៅនឹងការរើសអើង និងលើកទឹកចិត្តឲ្យពួកគេ និងក្មេងដែលមានកាយសម្បទាគ្រប់គ្រាន់ឱ្យពួកគេរាប់អានគ្នាដូចជាមនុស្សធម្មតា។ ហើយត្រូវលើកទឹកចិត្តពួកគេ និងជំរុញឲ្យមានភាពក្លាហាន ត្រូវតែរឹងមាំនឹងត្រូវប្រឈមមុខ និងបញ្ហាហើយព្រមទទួលការពិតថាពួកគេជាជនពិការពិតមែន។ 

 

ជាមួយគ្នានេះ លោក សៅ រិទ្ធ ក៏បានតាំងចិត្តយកចិត្តទុកដាក់លើក្មេងមានពិការភាព និងសំណូមពរឲ្យដាក់ពិន័យសម្រាប់ជនណាដែលប្រមាថលើងាយជនពិការទៅតាមច្បាប់ផងដែរ៕

 

អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ