នៅចំពោះមុខលោក ស្ទេហ្វាន ម៉េសសឺរើ សម្តេច ស ខេង ស្នើឲ្យប្រទេសអាល្លឺម៉ង់ពិនិត្យឡើងវិញនូវលទ្ធភាពនៃការបង្កើតកិច្ចសហប្រតិបត្តិការលើវិស័យនគរបាលអាល្លឺម៉ង់ជាមួយវិស័យនគរបាលកម្ពុជា។ សម្ដេចរដ្ឋមន្រ្តីមហាផ្ទៃ លើកឡើងថា បច្ចុប្បន្ន កម្ពុជា ត្រូវការធនធានមនុស្សផ្នែកវិស័យនគរបាលជាចាំបាច់ ដើម្បីរក្សាសន្តិសុខ ឲ្យបានកាន់តែមានប្រសិទ្ធភាពថែមទៀត។ 

 

លោកឯកអគ្គរដ្ឋទូតអាល្លឺម៉ង់ ចាត់ទុកកិច្ចសហប្រតិបត្តិការលើវិស័យនគរបាលកម្ពុជា-អាល្លឺម៉ង់ ថាជាការងារដ៏សំខាន់ ដោយសារមន្ត្រីនគរបាល ធ្វើការងារយ៉ាងជិតស្និទ្ធជាមួយប្រជាពលរដ្ឋ ហើយត្រូវទាមទារឲ្យមានវិជ្ជាជីវៈខ្ពស់ និងមានសុជីវធម៌ល្អ។ លោក ជម្រាបសម្តេចរដ្ឋមន្រ្តីថា ប្រទេសអាល្លឺម៉ង់ កំពុងតែសិក្សាជាមួយបណ្ឌិត្យសភានគរបាលកម្ពុជា លើការងារលើកកម្ពស់សមត្ថភាពរបស់មន្ត្រីនគរបាល៕