ឃុំព្រៃគុយ មានផ្ដល់សេវាជាច្រើនដូចជា ធ្វើអត្រានុកូលដ្ឋាន សំបុត្រកំណើត សំបុត្រមរណភាព​ ការវាស់វែងដីធ្លី និងចុះសំបុត្រអាពាហ៍ពិពាហ៍ជាដើម។ ក្នុងនោះ ប្រភេទសេវាដែលប្រជាពលរដ្ឋមានតម្រូវការច្រើនជាងគេ គឺសំបុត្រកំណើត សំបុត្របញ្ជាក់កំណើត សេចក្តីចម្លងសំបុត្រកំណើត និងសំបុត្រអាពាហ៍ពិពាហ៍។ 
 

ការផ្ដល់សេវាសាធារណៈនៅក្នុងឃុំព្រៃ សម្រាប់បំរើពលរដ្ឋ ត្រូវបានអនុវត្តជាប្រចាំ។ លោកបន្ថែមថា ខាងឃុំ គឺបានបម្រើសេវាសាធារណៈដល់ពលរដ្ឋ ដោយគ្មានការរើសអើង ដោយធ្វើតាមគោលការណ៍ដែលបានកំណត់។ បើតាមលោក សុខុន ខាងសាលាឃុំ តែផ្ដល់អទិភាពដល់ជនពិការ មនុស្សចាស់ និងស្រ្តីមានផ្ទៃពោះ។ 
 

លោកមេឃុំ អះអាងដូច្នេះ៖ « ជាទូទៅសេវានីមួយៗ និងវេលាទទួលបានឯកសារទៅប្រើប្រាស់គឺត្រូវបានកំណត់រួចហើយ។ ខាងអាជ្ញាធរឃុំ គ្មានទទួលបានកម្រៃលើសពីប្រជាពលរដ្ឋទេ។ ហើយប្រជាពលរដ្ឋក៏ពេញចិត្តចំពោះសេវានេះដែរ»។
 

លោក ជឿន សុខុន ដែលជាមេឃុំព្រៃគុយ ក៏បានតាំងចិត្ត ក្នុងការបង្កើនប្រសិទ្ធភាពនៃការផ្ដល់សេវារដ្ឋបាលសាធារណៈជូនពលរដ្ឋ ឱ្យបានកាន់តែល្អប្រសើរ។ ជាមួយគ្នានេះ លោកមេឃុំ ផ្ដាំផ្ញើទៅពលរដ្ឋនៅក្នុងឃុំ សូមយោគយល់ និងអធ្យាស្រ័យ ចំពោះបញ្ហាមួយចំនួន ក្នុងការមកទទួលសេវាសាធារណៈ។  
 

អានអត្ថបទពាក់ព័ន្ធផ្សេងទៀត៖ យុវជនសកម្មសេវាល្អ