Pays de Cassel ដែលបានឈ្នះ៣ប្រកួតរួចហើយ បានឈានដល់វគ្គ ៣២ ក្រុមចុងក្រោយដោយត្រូវតទល់ជាមួយ PSG នៅថ្ងៃទី២៣ ខែមករា។ ត្រឹមវគ្គទី១ ក្រុមយក្សបារាំងនាំមុខ៤ទល់នឹងសូន្យទៅហើយ ដោយ Mbappe ធ្វើបាន hat-trick និងមិត្តរួមក្រុម Neymar រកបាន១គ្រាប់។
 

ចូលដល់វគ្គទី២ ខ្សែប្រយុទ្ធសញ្ជាតិបារាំងបន្ថែម២គ្រាប់ទៀត និងខ្សែបម្រើ Carlos Soler រកបានមួយគ្រាប់។ ចប់ការប្រកួត PSG ឈ្នះ Pays de Cassel ក្នុងនោះ Mbappe រកបានដល់ទៅ៥គ្រាប់ម្នាក់ឯក។
 

គិតមកទល់ពេលនេះ Mbappe រកបានគ្រាប់បាល់ស៊ុតបញ្ចូលទី២៣គ្រាប់ ក្នុងការប្រកួតទាំងអស់នៅរដូវកាលនេះ។ សម្រាប់ Mbappe នេះ​ជា​លើក​ទី​មួយ​ក្នុងអាជីពកីឡាករបាល់ទាត់របស់គេដែលអាចរកបាន​៥​គ្រាប់​ក្នុង​មួយ​ប្រកួត​ឱ្យ PSG។
 

តាមរយៈជ័យជម្នះនេះ PSG ឡើងទៅកាន់វគ្គ១៦ក្រុមចុងក្រោយ និងជាដំណើរឆ្ពោះទៅរកបានការគ្រងជើងឯក French Cup ជាលើកទី១៤ជាកំណត់ត្រា៕