ស្ថានទូបារាំង អះអាងថា គោលបំណងនៃដំណើរទស្សនកិច្ចរបស់លោក អូលីវៀ បិច គឺដើម្បីពង្រឹងកិច្ចសហប្រតិបត្តិការសេដ្ឋកិច្ចរវាងបារាំង និងកម្ពុជា។ តាមគម្រោង លោក នឹងជួបសម្តេចនាយករដ្ឋមន្រ្តី ហ៊ុន សែន និង លោក ប៉ាន សូរស័ក្តិ រដ្ឋមន្រ្តីពាណិជ្ជកម្ម ជាដើម។ 
 

គួរដឹងដែរថា នៅព្រឹកថ្ងៃទី២៣ ខែមករា លោក ចែម វីឌ្យ៉ា រដ្ឋលេខាធិការក្រសួងការបរទេសកម្ពុជា និងលោក ហ្សាក់ ប៉េឡេ (Jacques PELLET) ឯកអគ្គរដ្ឋទូតបារាំងប្រចាំកម្ពុជា ទើបនឹងបានចុះហត្ថលេខាជាមួយគ្នា លើសេចក្ដីថ្លែងការណ៍រួមស្តីពីយន្តការពិគ្រោះយោបល់នយោបាយ។ ក្រសួងការបរទេសកម្ពុជា សរសេរលើទំព័រហ្វេសប៊ុកថា យន្តការនេះ មានគោលបំណងពង្រឹងកិច្ចសហប្រតិបត្តិការបន្ថែមទៀតរវាងប្រទេសទាំង២៕