ជាតិ
ពីនេះ ពីនោះ
ព័ត៍មានសុខភាព
សុខភាព
វិធីងាយៗដើម្បីបំបាត់ក្លិនមាត់
26, Jan 2023 , 10:59 pm
×![]()
ដោយ: សារព័ត៌មានថ្មីៗ
អ្នកមានបញ្ហាក្លិនមាត់មែនទេ? បើដូច្នេះអ្នកអាចពិបាកនឹងជជែកយ៉ាងសប្បាយរីករាយជាមួយមិត្តភក្តិ។ក្លិនមាត់អាចធ្វើអោយគូសន្ទនារបស់់អ្នកមានអារម្មណ៍មិនល្អ។មានកត្តាជាច្រើនដែលអាចធ្វើអោយអ្នកមានក្លិនមាត់នេះ។ប៉ុន្តែអ្នកប្រហែលជាចាប់អារម្មណ៍ជាងនឹងដឹងថាតើគួរធ្វើដូចម្តេចដើម្បីបំបាត់ក្លិនមាត់នេះ។សូមសាកល្បងវិធីងាយៗដូចខាងក្រោមនេះ។
សូមព្យាយាមធ្វើតាមដំណាក់កាលខាងក្រោមដើម្បីអោយមានភាពប្រសើរឡើង ឬការពារពីការមានក្លិនដង្ហើមមិនល្អៈ
-ដុសធ្មេញបន្ទាប់ពីញ៉ាំអាហារៈ សូមទុកច្រាសដុសធេ្មញនៅកន្លែងធ្វើការដើម្បីដុសក្រោយពេលញុំាអាហារ។ ត្រូវប្រាកដថាអ្នកបានដុសយ៉ាងតិច២ដងក្នុងមួយថ្ងៃ ជាពិសេសបន្ទាប់ពីញ៉ាំអាហារ។ ថ្នាំដុសធ្មេញដែលមានការប្រឆាំងនឹងបាក់តេរីត្រូវបានបង្ហាញថាត្រូវបានបន្ថយនូវក្លិនដង្ហើមមិនល្អបានរយះពេល១២ម៉ោង។
-ខ្ពុលមាត់យ៉ាងតិចម្តងក្នុងមួយថ្ងៃៈ ការសំអាតដោយការខ្ពុលមាត់អាចកំចាត់ចេញនូវចំណីអាហារតូចៗ និងអាចម៍ធ្មេញនៅចន្លោះធ្មេញរបស់អ្នក។
-ដុសអណ្តាតៈ ប្រដាប់កោសអណ្តាតគឺមានប្រសិទ្ធិភាពខ្ពស់ជាងច្រាសដុសធ្មេញសំរាប់ការបន្ថយនូវក្លិនមិនល្អដែលចេញពីអណ្តាត។
-សូមសំអាតធ្មេញរបស់អ្នកអោយស្អាតៈ ប្រសិនបើអ្នកពាក់ធ្មេញដាក់, សូមសំអាតវាយ៉ាងតិចម្តងក្នុងមួយថ្ងៃ។
-ទទួលទានទឹកអោយច្រើនៈ សូមអោយធ្មេញរបស់អ្នកសើមជានិច្ច, សូមប្រាកដថាអ្នកផឹកទឹកច្រើន, មិនមែនតែកាហេ្វ, ភេសជ្ជៈ ឬស្រា ដែលនាំអោយមាត់ស្ងួត។ ការទំពារស្ករកៅស៊ូអាចភ្ញោចអោយមានការបញេ្ចញទឹកមាត់, លាងចេញនូវចំណីអាហារតូចៗ និងបាក់តេរីផងដែរ។ ប្រសិនបើអ្នកមានការស្ងួតមាត់ខ្លាំង, ពេទ្យធ្មេញ ឬគ្រូពេទ្យអាចបន្ថែមនូវវេជ្ជបញ្ជានូវការដាក់ទឹកមាត់សម្បនិម្មិត ឬថ្នាំដែលលេបតាមមាត់ដែលភ្ញោចអោយមានការបញ្ចេញទឹកមាត់។
-កែសម្រួលរបបអាហារៈ បន្ថយផឹកជាតិស្រវឹង និងកាហ្វេ និងជៀសវាងអាហារ និងភេសជ្ជ: ដទៃទៀតដែលអាចនាំអោយមានក្លិនដង្ហើមមិនល្អ។ ការទទួលទានអាហារ ដែលមានជាតិសរសៃច្រើនអាចជួយអ្នកបាន។
-ប្រើច្រាសដុសធ្មេញដែលថ្មីៈ សូមប្តូរនូវច្រាសដុសធ្មេញរៀងរាល់៣ ឬ៤ខែម្តង និងជ្រើសរើសច្រាសដុសធ្មេញណាដែលទន់។
-សូមដាក់ពេលទៅពិនិត្យសុខភាពមាត់ធ្មេញអោយទៀងទាត់ៈ, សូមទៅជួបពេទ្យធ្មេញ ដើម្បីពិនិត្យ ឬសំអាតធ្មេញ យ៉ាងហោចណាស់១ឆ្នាំ ២ដង។
ត្រួតពិនិត្យដោយ៖ www.health.com.kh
© រក្សាសិទ្ធិដោយ thmeythmey.com
