អន្តរជាតិ
លោក Biden ប្រកាសផ្តល់រថក្រោះ Abrams ៣១គ្រឿងដល់អ៊ុយក្រែន តែថាមិនមែនចង់ធ្វើឱ្យសង្គ្រាមកាន់តែរីករាលដាលទេ
27, Jan 2023 , 5:35 pm
រូបឯកសារ៖ ទាហានអាមេរិកក្នុងរថក្រោះ M1 Abrams ធ្វើសមយុទ្ធនៅតំបន់ហ្វឹកហ្វឺន Hohenfels ប្រទេសអាល្លឺម៉ង់ កាលពីថ្ងៃទី២ ខែមិថុនា ឆ្នាំ២០២២។
×![]()
ដោយ: VOA
ប្រធានាធិបតីសហរដ្ឋអាមេរិកលោក Joe Biden បានប្រកាសកាលពីថ្ងៃពុធថា លោកនឹងបញ្ជូនរថក្រោះ M1 Abrams ទៅឱ្យអ៊ុយក្រែនដើម្បីជួយប្រទេសនេះការពារខ្លួនប្រឆាំងនឹងជនឈ្លានពានរុស្ស៊ី។ នេះគឺជាសេចក្តីសម្រេចមួយដែលបើកផ្លូវឱ្យមានការផ្តល់ជំនួយធុនធ្ងន់ដោយសម្ព័ន្ធមិត្តលោកខាងលិច ដើម្បីត្រៀមលក្ខណៈសម្រាប់អ្វីដែលគេរំពឹងថាជាការរីករាលដាលនៃការប្រយុទ្ធគ្នានៅក្នុងរដូវផ្ការីកខាងមុខ។ នេះបើយោងតាមបណ្តាញព័ត៌មាននានាដែលបានរាយការណ៍។
ថ្លែងនៅឯសេតវិមានបន្ទាប់ពីចំណាយពេលមួយព្រឹកសន្ទនាតាមទូរសព្ទជាមួយបណ្តាសម្ព័ន្ធមិត្តអឺរ៉ុប លោក Biden បាននិយាយថា សហរដ្ឋអាមេរិកនឹងបញ្ជូនរថក្រោះ M1
លោក Biden ក៏បានកត់សម្គាល់ថា អាល្លឺម៉ង់បានប្រកាលពីព្រឹកថ្ងៃដដែលថានឹងធ្វើតាមអាមេរិក ដោយផ្តល់នូវរថក្រោះ Leopard ២គ្រឿង និងផ្តល់សេរីភាពដល់សម្ព័ន្ធមិត្តដទៃទៀតឱ្យបញ្ជូនជំនួយរៀងៗខ្លួន ដែលមានទំហំស្មើនឹងកងវរសេនាតូច២ទៀត។ នេះបើយោងតាមទីភ្នាក់ងារព័ត៌មាននានា។
តួលេខសំខាន់ៗអំពីរថក្រោះប្រយុទ្ធចម្បងរបស់អាមេរិក M1 Abrams។
តួលេខអំពីរថក្រោះប្រយុទ្ធផលិតដោយអាល្លឺម៉ង់ Leopard 2A4 ។
អមដោយរដ្ឋមន្ត្រីការបរទេសអាមេរិកលោក Antony J. Blinken និងរដ្ឋមន្ត្រីការពារប្រទេសសហរដ្ឋអាមេរិកលោក Lloyd J. Austin នោះ លោក Biden បានថ្លែងថា៖«រថក្រោះទាំងនោះគឺជាភស្តុតាងបន្ថែមនៃការប្តេជ្ញាដ៏យូរអង្វែងនិងឥតស្រាកស្រាន្តរបស់យើងចំពោះអ៊ុយក្រែន និងជាភស្តុតាងនៃជំនឿជឿជាក់របស់យើងទៅលើជំនាញរបស់កងកម្លាំងអ៊ុយក្រែន»។
ប្រធានាធិបតីសហរដ្ឋអាមេរិកក៏បានសង្កត់បញ្ជាក់ថា ការបញ្ជូនជំនួយបន្ថែមនេះមិនមែនមានន័យថាមានគោលបំណងចង់ធ្វើឱ្យសង្គ្រាមជាមួយរុស្ស៊ីកាន់តែរីកធំឡើងនោះទេ។ លោកបានថ្លែងថា៖«នេះមិនមែនជាការគំរាមកំហែងវាយប្រហារលើរុស្ស៊ីនោះទេ។ មិនមានការគំរាមកំហែងវាយប្រហាររុស្ស៊ីនោះទេ។ ប្រសិនបើកងទ័ពរស្ស៊ីវិលត្រឡប់ទៅរុស្ស៊ីវិញ ដែលជាទឹកដីរបស់ពួកគេនោះ សង្គ្រាមនឹងចប់នៅថ្ងៃនេះតែម្តង»៕
© រក្សាសិទ្ធិដោយ thmeythmey.com
