មិនមានគ្រូមុខវិជ្ជា ផ្តល់ការបង្ហាត់បង្រៀនសិស្សមែន ប៉ុន្តែលោក ម៉ែន ចាន់ បានសង្កេតឃើញថា សិស្សានុសិស្សខ្លួនដែលបានទៅបន្តការសិក្សានៅវិទ្យាល័យជាមួយសិស្សមកពីដទៃក្នុងទីប្រជុំជន គឺមានសមត្ថភាពខ្ពស់មិនចាញ់គេប៉ុន្មានឡើយ។ «ខ្វះគ្រូជំនាញហ្នឹង វាពិបាក គឺពិបាកហើយ។ ប៉ុន្តែបើនិយាយពីកូនសិស្សខ្ញុំ ដែលទៅរៀនដល់(វិទ្យាល័យ) ស្រែអំបិល ទៅរៀនដល់(វិទ្យាល័យ)នៅ(ឃុំ)អណ្តូងទឹក (ស្ថិតក្នុងស្រុកបូទុមសាគរ) អី ដូចថាទៅ(រៀន) ១០នាក់អ៊ីចឹង មិនដែលបានចំណាត់ថ្នាក់លើលលេខ១០ផង។ មិនដែលនៅលេខក្រោយគេ។ មានតែគេសរសើរទៀត»។ 

 

​បើតាម លោកនាយកអនុវិទ្យាល័យ ពន្លឺវិជ្ជា នៅក្នុងឆ្នាំសិក្សាថ្មីនេះ សាលាបានទទួលគ្រូជំនាញមកបន្ថែម និងនៅក្នុងឆ្នាំ២០២៦ នឹងទទួលបានបន្ថែមទៀត ដោយយោងទៅលើគរុសិស្សដែលបានជ្រើសរើសសាលាមួយនេះសម្រាប់ការបង្រៀន​ ក្រោយបញ្ចប់ការសិក្សាគរុកោសល្យ។ លោក ម៉ែន ចាន់ សង្ឃឹមថា នៅពេលដែលមានគ្រូមុខវិជ្ជាវិទ្យាសាស្ត្រ មកបង្ហាត់សិស្សនៅសាលាខ្លួននៅពេលនេះ គុណភាពសិក្សា និងចំណេះដឹងរបស់សិស្សនៅអនុវិទ្យាល័យពន្លឺវិជ្ជា កាន់តែមានភាពប្រកួតប្រជែងថែមទៀត។

 

គួរបញ្ជាក់ នៅក្នុងឆ្នាំសិក្សា២០២១-២០២២  អនុវិទ្យាល័យ ពន្លឺវិជ្ជា មានសិស្ស​ដែលសិក្សា ពីថ្នាក់ទី៧ ដល់ទី៩ សរុប១១៩នាក់ ក្នុងនោះស្រីមាន៦៥នាក់៕

 

​អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ