ជាតិ
សង្គមជាតិ
ជប៉ុនផ្ដល់ជំនួយជាង១៧លានដុល្លារដល់កម្ពុជា សម្រាប់ធ្វើអគារហ្វឹកហ្វឺន និងសារមន្ទីរមីន 29, Jan 2023 , 11:29 am
× រដ្ឋាភិបាលជប៉ុនបន្តផ្ដល់ថវិកាប្រមាណ១៧,៥លានដុល្លារដល់កម្ពុជា ដើម្បីអនុវត្តគម្រោងសាងសង់មជ្ឈមណ្ឌលហ្វឹកហ្វឺន និងសារមន្ទីរ នៃមជ្ឈមណ្ឌលសកម្មភាពកំចាត់មីនកម្ពុជា(CMAC)។ លោក ហេង រតនា អគ្គនាយកCMA បានបញ្ជាក់ថាថវិកាដែលកម្ពុជាបានពីជប៉ុននេះគឺជាជំនួយឥតសំណងតាមរយៈទីភ្នាក់ងារអភិវឌ្ឍន៍របស់រដ្ឋាភិបាលជប៉ុន (JICA)។
បើតាមលោក ហេង រតនា បន្ទាប់ពីសារមន្ទីសាងសង់រួច វានឹងក្លាយជាមរតកជាតិមួយ និង ជាឃ្លាំងចំណេះដឹងសម្រាប់ប្រជាពលរដ្ឋ។ លើសពីនេះវាក៏ជាទីតាំងព័ត៌មាននៃការចងចាំពីទុក្ខសោកវេទនារបស់ប្រជាជនកម្ពុជាដែលឆ្លងកាត់សង្គ្រាមនិងសំណល់យុទ្ធភណ្ឌសង្គ្រាម និងស្វែងយល់ព្រមទាំងតំកល់តម្លៃសន្តិភាពជាមរតកដ៍មហាសាល។
រូបភាពពីហ្វេសប៊ុកផេកលោក ហេង រតនា អគ្គនាយកស៊ីម៉ាក
លោក អគ្គនាយកCMA បានបន្ថែមថា សារមន្ទីរសន្តិភាពនេះ ផ្តោតលើទស្សនសារមន្ទីរស៊ីវិល ដូចជាសារមន្ទីរនៅហ៊ីរ៉ូស៊ីម៉ា និងអូគីណាវ៉ា ក្នុងប្រទេសជប៉ុន ផងដែរ។ ទន្ទឹមនឹងនេះ JICA ក៏បានកៀរគរអ្នកជំនាញពីហ៊ីរ៉ូស៊ីម៉ា និងអូគីណាវ៉ាមកសហការគាំទ្រដល់អង្គភាពស៊ីម៉ាក់ ដើម្បីរៀបចំសារមន្ទីរសន្តិភាពឱ្យកាន់តែទំនើបទាំងប្រពន្ធ័គ្រប់គ្រងសម្ភារបំពាក់ផងដែរ៕
រូបភាពពីហ្វេសប៊ុកផេកលោក ហេង រតនា អគ្គនាយកស៊ីម៉ាក
© រក្សាសិទ្ធិដោយ thmeythmey.com