ជំរឿនសត្វស្លាបអាស៊ី ត្រូវបានធ្វើឡើងនៅតំបន់ការពារទេសភាពបឹងព្រែកល្ពៅ និងអន្លង់ព្រីង កាលពីសប្តាហ៍ទី៣ ខែមករា ឆ្នាំ២០២៣។ លទ្ធផលនៃជំរឿននេះត្រូវបានកត់ត្រាសត្វចំនួន១២៥ប្រភេទ ដែលមានសត្វក្រៀល សត្វចាបព្រៃវែង កុកគ្រោងតូច រនាលពណ៌ ទាកាបព្រៃក្បាលឆ្នូតស រអាតទន្សាយ ត្រដេវតូច ចាបពូកទ្រូងលឿង មាន់ទឹក ចឡ និងត្រយងចង្កំកស ជាដើម។ ក្នុងនោះ សត្វចាបព្រៃវែង និងសត្វក្រៀល គឺជាប្រភេទសត្វកម្រ និងជិតផុតពូជ។ នេះបើយោងតាមលទ្ធផលជំរឿនប្រចាំឆ្នាំ២០២២ របស់អង្គការ BirdLife និងអង្គការជីវិតធម្មជាតិនៅកម្ពុជា។

 

សូមបញ្ជាក់ថា កាលពីឆ្នាំ២០២២កន្លងទៅ អង្គការ BirdLife និងអង្គការជីវិតធម្មជាតិនៅកម្ពុជា បានធ្វើជំរឿនលើសត្វស្លាបទឹកអាស៊ី នៅតំបន់ការពារទេសភាពបឹងព្រែកល្ពៅ និងអន្លង់ព្រីងគឺមានចំនួន ១៣០ប្រភេទ។ តំបន់ការពារទេសភាពបឹងព្រែកល្ពៅ​មានសត្វស្លាបអាស៊ីចំនួន ៧៨ប្រភេទ ចំណែកតំបន់ការពារទេសភាពអន្លង់ព្រីងមានចំនួន ៥២ប្រភេទ៕