អ្នកស្រី ទូច ម៉ៅ ជាពលរដ្ឋក្នុងឃុំត្រពាំងសង្កែ បានឱ្យដឹងថា អ្នកស្រី បានទៅធ្វើសំបុត្រ ក្នុងឃុំ។ ទោះមិនបានទៅរកសេវាសាធារណៈញឹកញាប់ តែអ្នកស្រី ម៉ៅ ពេញចិត្តចំពោះការផ្ដល់សេវាក្នុងឃុំ ដោយមិនយកប្រាប់ និងមិនយូរពេក។ « គេអត់យកលុយផង តាមតែយើងឱ្យទេ គេអត់ទាមទារទេ»។ 
 

រីឯ អ្នកស្រី សាន សុភាព ដែលជាពលរដ្ឋក្នុងឃុំត្រពាំងសង្កែ ក៏ ពេញចិត្តនឹងការផ្ដល់សេវាសាធារណៈក្នុងឃុំដែរ។ អ្នកស្រី សុភាព ធ្លាក់ទៅធ្វើសំបុត្រអត្រានុកុលដ្ឋានប្រមាណ ៤-៥ខែមុន។ អ្នកស្រី សុភាព លើកឡើងថា៖ «យើងទៅ គេទទួលរាក់ទាក់ គេអត់យកថ្លៃ ធ្វើដោយរលូន»។ 
 

ជុំវិញការផ្ដល់សេវាសាធារណៈនេះ អ្នកស្រី សុខ ចាន់ធី មេឃុំត្រពាំងសង្កែ បាន​ប្ដេជ្ញាថា នឹងព្យាយាមពន្លឿនការផ្ដល់សេវាក្នុងឃុំឱ្យកាន់តែប្រសើរ។ « ខ្ញុំតាមមើលមន្រ្តីខ្ញុំរហូតដែរ គាត់អត់មានទារប្រាក់ទេ»។