ជាតិ
វីដេអូ
លោក គួច ចំរើន៖ កសិកម្មក៏ជាវិស័យលេចធ្លោមួយនៅខេត្តព្រះសីហនុ 15, Feb 2023 , 7:59 pm
លោក គួច ចំរើន អភិបាលខេត្តព្រះសីហនុ ថ្លែងក្នុងសន្និសីទសារព័ត៌មាន «ភាពជោគជ័យក្នុងរយៈពេល ៥ឆ្នាំកន្លងមក » នៅព្រឹកថ្ងៃទី១៥ កុម្ភៈ។ រូបភាពអង្គភាពអ្នកនាំពាក្យ
× ភ្នំពេញ៖ ព្រះសីហនុ ជាខេត្តដែលមានសក្តានុពលផ្នែកសេវាកម្ម តួយ៉ាងវិស័យទេសចរណ៍។ ដោយឡែកវិស័យកសិកម្មវិញ ខេត្តព្រះសីហនុ ក៏មានភាពលេចធ្លោ ដោយក្នុងនោះមានពលរដ្ឋប្រកបរបរកសិកម្មចម្បង ចំនួន ២៣,៦០ភាគរយ។
ខេត្តព្រះសីហនុ ស្ថិតនៅប៉ែកនិរតីនៃកម្ពុជា ជាប់នឹងតំបន់ឆ្នេរសមុទ្រ។ ក្នុងសន្និសីទសារព័ត៌មាន «ភាពជោគជ័យក្នុងរយៈពេល ៥ឆ្នាំកន្លងមករបស់ខេត្តព្រះសីហនុ» នៅព្រឹកថ្ងៃទី១៥ កុម្ភៈនេះ លោក គួច ចំរើន បានលើកឡើងថា៖ «ទាក់ទងនឹងបញ្ហាកសិកម្ម ខ្ញុំយល់ថានៅខេត្តព្រះសីហនុ អាចចាត់ទុកថាជាវិស័យលេចធ្លោដែរ ក្នុងរយៈពេលប៉ុន្មានឆ្នាំចុងក្រោយនេះ»។
បើតាមអភិបាលខេត្តព្រះសីហនុរូបនេះ ការចិញ្ចឹមជ្រូកនៅខេត្តព្រះសីហនុ អាចផ្គត់ផ្គង់បានពាក់កណ្ដាលរាជធានី-ខេត្ត។ ជាមួយគ្នានេះ ព្រះសីហនុរោងចក្រផលិតចំណីសត្វ និងទីតាំងបង្កាត់ពូជសត្វជ្រូក ដែលជាការចូលរួមរបស់វិស័យឯកជន។
ទន្ទឹមនឹងនេះ ខេត្តព្រះសីហនុ ក៏អំណោយលើផ្នែកនេសាទក្នុងសមុទ្រ ដែលផ្គត់ផ្គង់សេចក្ដីត្រូវការរបស់អតិថិជន ពិសេសជួយលើកកម្ពស់ជីវភាពពលរដ្ឋផងដែរ។ លោក គួច ចំរើន បន្តថា ក្រៅពីការចិញ្ចឹមសត្វ ព្រះសីហនុក៏មានដាំដុះដំណាំឧស្សាហកម្មជាច្រើន តួយ៉ាងដូងប្រេង និងកៅស៊ូជាដើម។
«ថ្មីៗនេះ យើងក៏បានគាំទ្រ និងជំរុញឱ្យមានរោងចក្រ ដែលផលិត និងកែច្នៃផ្លែស្វាយ»។ នេះជាការបញ្ជាក់របស់លោក គួច ចំរើន ដោយបន្ថែម ការធ្វើបែបនេះ អាចជួយគាំទ្រដល់កសិករដាំស្វាយ ដែលជួបបញ្ហាក្នុងពេលប្រមូលផល៕
សូមអញ្ជើញទស្សនាវីដេអូខាងក្រោមដូចតទៅ៖
© រក្សាសិទ្ធិដោយ thmeythmey.com