លោករដ្ឋមន្រ្តី ម៉ម ប៊ុនហេង លើកឡើងថា ការចុះដើរមើលតាមមន្ទីរសុខាភិបាលជាប់ជាប្រចាំបែបនេះ គឺដើម្បីធានាសេវាសុខាភិបាលឲ្យបានត្រឹមត្រូវតាមបច្ចេកទេស វិជ្ជាជីវៈ ក្រមសីលធម៌ និងច្បាប់។ លោក សរសេរក្នុងលិខិតដូច្នេះថា៖«ក្រសួងសុខាភិបាល និងក្រុមគណៈវិជ្ជាជីវៈសុខាភិបាល នឹងជួយបណ្តុះបណ្តាលតាមការចាំបាច់ដល់មន្ទីរសុខាភិបាល អំពីការងារត្រួតពិនិ្យ តាមដាន និងអភិបាលកិច្ច ផ្នែកគ្លីនិកនៅគ្រប់មូលដ្ឋាន […]»។ 
 

សូមរម្លឹកថា កាលពីសប្តាហ៍មុន គឺនៅថ្ងៃទី៣មីនា មានស្រ្តីម្នាក់ បានបាត់បង់ជីវិត ក្នុងអំឡុងកំពុងវះកាត់សុដន់ នៅគ្លីនិក១កន្លែងក្នុងរាជធានភ្នំពេញ។ ក្រោយមក១ថ្ងៃ រដ្ឋមន្រ្តីសុខាភិបាល ក៏ចេញសេចក្តីសម្រេចស្តីពីការបិទគ្លីនិកនោះចោលតែម្តង៕