Eric-Maxim Choupo-Moting អតីតកីឡាករ PSG ជាអ្នកស៊ុតគ្រាប់នាមុខឱ្យម្ចាស់ផ្ទះ Bayern Munich នៅនាទី៦១ មុនពេល Serge Gnabry ដែលប្តូរចូល Kingsley Coman សម្រេចគ្រាប់ទី២នៅនាទី៨៩។ ទាំងពីគ្រាប់របស់ក្រុមអាល្លឺម៉ង់ សុទ្ធតែកើតឡើងដោយសារកំហុសរបស់ខ្សែបម្រើ PSG កីឡាករ Marco Verratti។
 

ដោយជើងទី១នៅទឹកដីក្រុមបារាំង ក្រុម Bayern Munich ឈ្នះ ១-០ ដូច្នេះសរុបទាំងពីរជើងក្រុមលោក Julian Nagelsmann យកឈ្នះក្រុមលោក Christophe Galtier ៣-០។ តាមរយៈលទ្ធផលនេះ Bayern Munich កក់កៅអីទៅវគ្គ៨ក្រុមចុងក្រោយនៃក្របខណ្ឌកំពូលអឺរ៉ុប។
 

Spurs ជាក្រុមទី៤បន្ទាប់ពី Dortmunt, Club Brugge និង PSG ដែលហាលអាវត្រឹមវគ្គ១៦ក្រុមចុងក្រោយប្រចាំរដូវកាល ២០២២-២៣ ក្រោយបានត្រឹមស្មើជាមួយ AC Milan ០-០ នៅដីខ្លួនឯង។ កាលពីជើងទី១ នៅទឹកដីអ៊ីតាលី San Siro ក្រុម AC Milan បានយកឈ្នះ ១-០។ AC Milan ជាក្រុមទី៤ បន្ទាប់ពី Benfica, Chelsea និង Bayern Munich ដែលកក់សំបុត្រទៅវគ្គ១/៤ផ្តាច់ព្រ័ត្រ៕