ជាតិ
លោក ចាន់ សេងឡា ឡើងជាអគ្គនាយករដ្ឋាករទឹកស្អាតស្វយ័តសៀមរាប 11, Mar 2023 , 4:39 pm
លោក ចម ប្រសិទ្ធ (ឆ្វេង) ប្រគល់ការតែងតាំងលោក ចាន់ សេងឡា (ស្ដាំ) ជាអគ្គនាយករដ្ឋាករទឹកស្អាតស្វយ័តសៀមរាប នៅរដ្ឋបាលខេត្តសៀមរាប នាថ្ងៃទី១០ មីនា។ រូបភាព៖ រដ្ឋបាលខេត្តសៀមរាប
× សៀមរាប៖ លោក ចាន់ សេងឡា អគ្គនាយករង ត្រូវបានតែងជាអគ្គនាយកនៃរដ្ឋាករទឹកស្វយ័ត សៀមរាប អាណត្តិទី៦។ លោក សេងឡា ឡើងជំនួសលោក ឃុត វុត្យារិទ្ធ ដែលតែងតាំងជាប្រធានក្រុមប្រឹក្សាភិបាលរដ្ឋាករទឹកស្វយ័តសៀមរាប។
ពិធីប្រកាស និងផ្ទេរមុខតំណែងនេះ ធ្វើឡើងនារសៀលថ្ងៃទី១០ មីនា ដោយមានការចូលរួមពី លោក ចម ប្រសិទ្ធ រដ្ឋមន្រ្តីក្រសួងឧស្សាហកម្ម វិទ្យាសាស្រ្ដ បច្ចេកវិទ្យា និងនវានុវត្តន៍។ នាឱកាសនោះ លោករដ្ឋមន្រ្តីបានលើកសរសើរចំពោះសមិទ្ធផលដែលកើតមានក្រោមការដឹកនាំ ពីអគ្គនាយកដែលទើបអស់អាណត្តិ។
តាមរយៈបទពិសោធន៍យូរឆ្នាំរបស់អគ្គនាយកថ្មី លោក ចម ប្រសិទ្ធ មានសុទ្ធិដិនិយមថា នឹងបន្តអភិវឌ្ឍន៍អង្គភាពទឹកស្វយ័តសៀមរាបឱ្យកាន់តែរីកចម្រើន ក្នុងគោលដៅសម្រេចបាន ឆ្នាំ២០២៥ ទីប្រជុំជននឹងទទួលបានទឹកស្អាតប្រើប្រាស់ ១០០ភាគរយ និងឆ្នាំ២០៣០ មានទឹកស្អាតប្រើប្រាស់ទាំងអស់គ្នា៕
© រក្សាសិទ្ធិដោយ thmeythmey.com