ប្រតិភូដង្ហែភ្លើងគប់កីឡាកម្ពុជា បានបន្តទៅដល់ប្រទេសឥណ្ឌូណេស៊ី ដោយទទួលបានការស្វាគមន៍ពីលោក អ៊ីវ ហ៊ាង​ ឯកអគ្គរាជទូត​កម្ពុជា​ ប្រចាំឥណ្ឌូណេស៊ី​ រួមទាំងអគ្គលេខាធិការរងគណៈកម្មាធិការអូឡាំពិកឥណ្ឌូណេស៊ី លោក Wijaya Noeradi ផងដែរ។ ភ្លើងគប់នឹងត្រូវរក្សាទុកនៅស្ថានទូកម្ពុជា ប្រចាំប្រទេសឥណ្ឌូណេស៊ី រហូតដល់ថ្ងៃទី១ ខែមេសា ដែលជាថ្ងៃដង្ហែផ្លូវការក្នុងក្រុងហ្សាការតា។
 

ឥណ្ឌូណេស៊ី ជាប្រទេសទី៣ បន្ទាប់ពីហ្វីលីពីន ក្នុងចំណោមប្រទេសទាំង១១នៅអាស៊ីអាគ្នេយ៍ដែលទទួលពិធីហែភ្លើងគប់កីឡាស៊ីហ្គេមឆ្នាំ២០២៣ មុនត្រឡប់មកទឹកដីកម្ពុជាវិញនៅថ្ងៃទី២៨ ខែមេសា៕