ក្រុមទាំងសងខាងនៅដើមវគ្គទីមួយមានទម្រង់លេងស្របាក់ស្របាគ្នា ដោយមានឱកាសវាយសម្រុកគ្នាទៅវិញទៅវិញទៅមក ដើម្បីស្វែករកគ្រាប់បាល់។ ការប្រកួតបានអូសបន្លាយរយៈពេលជាង ៤០នាទីក្រុមទាំងពីរនៅតែគ្មានលទ្ធផលនៃការស៊ុតបញ្ចូលទីគ្នាប្រែប្រួល។ 
  

តែយ៉ាងណារហូតដល់នាទី៤៥ ឥណ្ឌូណេស៊ី វាយសម្រុកបានយ៉ាងល្អ រហូតអាចស៊ុតបំប៉ោងសំណាញ់ទីលើហ្វីលីពីនបាន ១គ្រាប់មុន។ គ្រាប់បាល់ទីមួយរបស់ឥណ្ឌូណេស៊ីធ្វើបានដោយកីឡាករ Marselino ហើយបញ្ចប់វគ្គទីមួយ ឥណ្ឌូណេស៊ី ១-០ ហ្វីលីពីន។
 

ឈានចូលវគ្គទីពីរក្រុមទាំងសងខាងឥណ្ឌូណេស៊ីនៅតែធ្វើបានល្អក្នុងការវាយសម្រុកលើហ្វីលីពីន រហូតបង្កើតគ្រាប់បាល់បន្ថែមនៅចុងវគ្គទីពីរហៀបបញ្ចប់ការប្រកួតចំនួន ២គ្រាប់បន្ថែមទៀត។ ១នាទីរកបាន ២គ្រាប់ជ័យជម្នះបន្ថែមចុងម៉ោងធ្វើបានដោយកីឡាករ Irfan នាទី៨៩ និងកីឡាករ Muhamad Fajar នាទី៩០។ បញ្ចប់ការប្រកួតឥណ្ឌូណេស៊ីយកឈ្នះហ្វីលីពីនលទ្ធផល ៣-០។
 

ស្ថិតក្នុងពូល A ឥណ្ឌូណេស៊ីរកបាន ៣ពិន្ទុឈរលើពូល A បណ្តោះអាសន្ន ខណៈហ្វីលីពីនធ្លាក់ទៅឈរបាតតារាង។ ការប្រកួតក្នុងពូល A បន្ទាប់ ម្ចាស់ផ្ទះក្រុមបាល់ទាត់អាយុក្រោម ២២ឆ្នាំកម្ពុជានឹងត្រូវស្វាគមន៍ក្រុមទីម័រខាង កើតវេលាម៉ោង ៧យប់៕