ទោះបីឈ្នះមេដាយមាសស៊ីហ្គេមពីរលើកជាប់គ្នាតែកីឡាករលេងក្បាច់ បឺត សង្ឃឹម ថាការប្រកួតនៅក្នុងប្រទេសកំណើតមានភាពស្វិតស្វាញ និងតានតឹងខ្លាំងជាងការឈ្នះមេដាយមាសស៊ីហ្គេមលើកទី៣១ នៅប្រទេសវៀតណាម ព្រោះកីឡាករដែលមកប្រកួតសុទ្ធសឹងតែមានសមត្ថភាពខ្ពស់ ដែលធ្វើឱ្យខ្លួនពិបាកនឹងទប់ទល់នៅលើសង្វៀន។

 

ម្ចាស់មេដាយមាស បឺត សង្ឃឹម ប្រាបប់សារព័ត៌មានថ្មីៗដូច្នេះ តាមសារអេឡិចត្រូនិកថា៖«បាទ!នៅកម្ពុជា ពិបាកជាងការប្រកួតនៅវៀតណាម ព្រោះការប្រកួតលើកនេះកីឡាករមកពីប្រទេសវៀតណាម និងថៃ ខ្លាំងៗ។ ខ្ញុំភ័យម្តងៗដែរនូវពេលឃើញពិន្ទុប្រដេញគ្នា»។

 

គួបញ្ជាក់ថា កីឡាករប្រដាល់ឃីកបុកស៊ីងកម្ពុជា បឺត សង្ឃឹម ឈ្នះមេដាយមាសស៊ីហ្គេមលើកទី១ នៅប្រទេសវៀតណាម ឆ្នាំ២០២២ ដោយបានយកឈ្នះកីឡាករថៃ Arruno Sivapan លើប្រភេទទម្ងន់ ៥៧គីឡូក្រាម និងមេដាយមាសលើកទី២ នេះបានយកឈ្នះកីឡាករវៀតណាម Huy Nguyen Q. លើប្រភេទទម្ងន់ ៥៧គីឡូក្រាម៕