អន្តរជាតិ
មូលដ្ឋានយោធាអាមេរិក Pearl Harbor ៧៤ឆ្នាំក្រោយជប៉ុនវាយប្រហារ
27, Feb 2016 , 5:59 pm
×![]()
ហូណូលូលូ៖ ព្រលឹមស្រាងៗ ថ្ងៃ៧ ខែវិច្ឆិកាឆ្នាំ ១៩៤១ កងទ័ពជប៉ុនបានវាយប្រហារលើកំពង់ផែPearl Harbor អាមេរិកដែលជាមូលដ្ឋានទ័ពជើងទឹកអាមេរិកធំបំផុតមួយនៅកោះហាវ៉ៃ ដោយមិនប្រកាសឲ្យដឹងមុនឡើយ។ 
ការវាយប្រហារតាមផ្លូវអាកាសនេះសម្លាប់ទ័ពនិងជនស៊ីវិលអាមេរិកជាង ២ពាន់នាក់ ហើយកម្ទេចចោលនាវាចម្បាំងជាច្រើនគ្រឿងទៀត។ ក្រៅពីនេះ យន្តហោះ១៦០គ្រឿងខ្ទេចខ្ទីទាំងស្រុង ខណៈយន្តហោះ១៥០ គ្រឿងផ្សេងទៀតខូចខាតធ្ងន់ធ្ងរ។
ការវាយកម្ទេចមូលដ្ឋានយោធាអាមេរិកនៅហាវ៉ៃយ៉ាងដំណំនេះជា យុទ្ធសាស្ត្ររបស់ចក្រពត្តិជប៉ុនសម័យនោះដើម្បី ដណ្តើមកាន់កាប់និងការពារទឹកដីអាណានិគមនៅអាស៊ីដែលលោកខាងលិចធ្លាប់កាន់កាប់។
តែទង្វើគឃ្លើនរបស់ជប៉ុនបានបង្ខំឲ្យអាមេរិកដែលមិនបានខ្វល់រឿងសង្គ្រាមលោកលើកទី២នោះ ហក់ចូលប្រឡូកនឹងគេដែរ ដោយប្រធានាធិបតីអាមេរិក Franklin D. Roosevelt ប្រកាសសង្គ្រាមប្រឆាំងជប៉ុន។
បច្ចុប្បន្នកំពង់ផែ Pearl Harbor បានក្លាយជាទីកន្លែងសម្រាប់អ្នកទេសចរចូលទៅទស្សនានិងរៀនសូត្រពីប្រវត្តិសាស្ត្រដ៏ខ្លោចផ្សានេះ ហើយវាក៏បានក្លាយជាទីកន្លែងសម្រាប់រំឭកវិញ្ញាក្ខ័ន្ធទាហាននិងប្រជាជនអាមេរិកពលីក្នុងការវាយប្រហារបស់ទ័ពជប៉ុន ។ ហើយនាវាពីរគ្រឿង USS Arizona និង USS Oklahoma ដែលស្ថិតក្នុងចំណោមនាវាចម្បាំងអាមេរិកដែលរងការបំផ្លាញ នោះក្លាយជាខ្មោចនាវាកប់នៅក្នុងសមុទ្រសម្រាប់អ្នកទេសចរទស្សនា។
សូមទស្សនារូបភាពនៅកំពង់ផែប្រវត្តិសាស្ត្រ និងទីកន្លែគោរពវិញ្ញាណក្ខន្ធទាហានពលីក្នុងពេលនោះ៖
© រក្សាសិទ្ធិដោយ thmeythmey.com
