អន្តរជាតិ
ហេតុអ្វី ដូណាល់ ត្រាំ ទទួលការគាំទ្រច្រើន ខណៈការទិតៀនលោកកើនឡើង?
02, Mar 2016 , 9:39 pm
×![]()
ដោយ: ថ្មីៗ
ក្រោយការបោះឆ្នោតថ្ងៃអង្គារទី ១ ខែមីនាដែលជាថ្ងៃសំខាន់ក្នុងការប្រជែងរកការគាំទ្រសម្រាប់ការបោះឆ្នោតប្រធានាធិបតីអាមេរិក លទ្ធផលបង្ហាញថា សេដ្ឋីអចលនទ្រព្យលោក ដូណាល់ ត្រាំ មានលទ្ធភាពខ្ពស់ក្នុងការទទួលការជ្រើសតាំងពីបក្ស។ មានការបារម្ភខ្លាំងដែរថាលោក អាចនឹងឈានទៅកាន់តំណែងប្រធានាធិបតី តែគេឆ្ងល់ថាមូលហេតុអ្វីបានសេដ្ឋីនិយាយមិនចេះគិតនេះអាចរកសំឡេងគាំទ្រច្រើនបែបនេះ។ 
សូមស្ដាប់ព័ត៌មានលម្អិត៖
លទ្ធផលបង្ហាញថាថ្ងៃ Super Tuesday បេក្ខជនបក្សសាធារណរដ្ឋនិងជាសេដ្ឋីអចលនវត្ថុលោក ដូណាល់ ត្រាំបានយកជ័យជម្នះនៅរដ្ឋចំនួន ៧លើរដ្ឋចំនួន ១២ ដែលនេះជាជ័យជម្នះធំធេងមួយ ហើយគេវាយតម្លៃថាលោកក៏មានលទ្ធភាពក្លាយជាបេក្ខជនតំណាងបក្សថែមទៀត។ ប៉ុន្តែគេឆ្ងល់ថា មូលហេតុអ្វីដែលនៅពីក្រោយការគាំទ្រភ្លូកទឹកភ្លូកដីបែបនេះ ទោះជាមានការរិះគន់និងការបកអាក្រាតរឿងអាស្រូវរបស់លោកច្រើនកន្លងមកច្រើនក៏ដោយ។
១.គ្រប់គ្នាបន្តុះបង្អាប់ដូណាល់ត្រាំកាន់តែច្រើន ចុះមូលហេតុអ្វីបានជាការគាំទ្រលោកកើនឡើង?
តាមពិតទៅ រាល់សម្តីនិងសុន្ទរកថារបស់លោក ដូណាល់ ត្រាំ មានបង្កប់អត្ថន័យចម្រូងចម្រាសនិងបញ្ឆេះគំនិតស្អប់ខ្ពើម និងរើសអើងពូជសាសន៍ ពណ៌សម្បុរស្បែក និងសាសនាជាដើម។ ពាក្យសម្តីចម្រូងចម្រាសបំផុត គឺលោកអះអាងថា កាលណាបើលោកជាប់ឆ្នោតលោកនឹងបិទទ្វារមិនឲ្យប្រជាជនម៉ូស្លីមជាន់ដីអាមេរិកបានឡើយ ហើយការលើកឡើងនេះកើតក្រោយការវាយប្រហារនៅ San Bernardino។
ពាក្យសម្តីនេះធ្វើឲ្យសហគមន៍ម៉ូស្លីម ស្ថាប័នសិទ្ធិមនុស្ស និងមេដឹកនាំពិភពលោកថ្កោលទោសជាខ្លាំង។ អ្វីដែលសំខាន់គ្មានមេដឹកនាំកំពូលអាមេរិកណាមួយបង្ហាញការគាំទ្រនិងកោតសរសើរលោកឡើយ។ សូម្បីតែប្រធានាធិបតី អាមេរិកសុទ្ធតែទិតៀនលោក ដូណាល់ ត្រាំ ដែរ។ កាលពីខែមុនក្នុងសន្និសីទសារព័ត៌មានក្រោយបិទបញ្ចប់កិច្ចប្រជុំកំពូលអាស៊ាន អាមេរិក នៅ Rancho Mirage លោក បារ៉ាក់ អូបាម៉ា បានរិះគន់លោក ដូណាល់ ត្រាំ ហើយលោកវាយតម្លៃថា លោក មិនអាចក្លាយជាប្រធានាធិបតីអាមេរិកទី៤៥ ជាដាច់ខាត។
បេក្ខជនក្នុងបក្សដូចជា ថេត គ្រុស និងលោក ម៉ាកូ រ៉ូប៊ីយូ ព្រួតដៃគ្នាបកអាក្រាតលោក ដូណាល់ ត្រាំពាក់ព័ន្ធរឿងអាស្រូវមួយចំនួនជាពិសេសរឿងក្តីក្តាំរឿងការបោកសិស្សយកលុយដោយបើកសាកលវិទ្យាល័យជាដើម។
តាមពិតទៅមូលហេតុមួយចំនួនដែលធ្វើឲ្យប្រជាជនអាមេរិកនាំគ្នាគាំទ្រលោក ដូណាល់ត្រាំ។ តែអ្នកគាំទ្រលោកភាគច្រើនជាប្រជាជន វណ្ណៈកណ្តាលនិងវណ្ណៈទាប ដែលជាអ្នកដែលកំពុងប្រឈមបញ្ហាសេដ្ឋកិច្ចនិងគ្មានការងារជាដើម។
យោងតាមអ្នកស្រាវជ្រាវនៃសាកលវិទ្យាល័យ Virginia លោក Kyle Kondik ដោយសារបញ្ហាសេដ្ឋកិច្ចនេះហើយទើបមនុស្សច្រើនគាំទ្រលោក ដូណាល់ ត្រាំ។ កន្លងមកទោះជាមានការលើកឡើងពីផលវិជ្ជមានជាច្រើនពាក់ព័ន្ធការបង្កើតការងារនិងការបន្ថយអត្រាអ្នកគ្មានការងារធ្វើក៏ដោយ ប្រជាជនអាមេរិកនៅតែបន្តប្រឈមបញ្ហាលំបាកជាច្រើន។នេះក៏ដោយសារពួកគេមិនទាន់ងើបផុតពីវិបត្តិសេដ្ឋកិច្ចដែលផ្ទុះឡើងពីឆ្នាំ ២០០៨ មកនោះ។
ម្យ៉ាងទៀត បេក្ខជនជាច្រើនក្នុងបក្សសាធារណរដ្ឋមិនសូវលើកឡើងពីបញ្ហាប្រជាជនអាមេរិកប្រឈមឡើយ។ លោក ដូណាល់ ត្រាំ ដឹងថា ប្រជាជនអាមេរិកច្រើនចាប់អារម្មណ៍និងខ្វល់ពីបញ្ហាប្រឈមក្នុងស្រុកជាងនយោបាយការបរទេស។ ដូច្នេះហើយយុទ្ធសាស្ត្ររបស់លោកគឺតម្រូវចិត្តប្រជាជនដោយលើកឡើងពីដំណោះស្រាយបញ្ហាក្នុងស្រុកនេះ។
មួយវិញទៀត គឺលោកដូណាល់ ត្រាំ និយាយការពិតតាមមើលឃើញជាក់ស្តែងជាជាងប្រើប្រាស់ សម្តីឬភាសាអ្នកនយោបាយ។ អាចថា ប្រជាជនឆ្អែតឆ្អន់ភាសានិងសម្តីអ្នកនយោបាយដែលច្រើននិយាយពីរឿងល្អ ច្រើនជាងរឿងអាក្រក់និងបញ្ហាប្រឈមពិតប្រាកដ។
មួយទៀត អ្នកគាំទ្របក្សសាធារណរដ្ឋពេញចិត្តលោក ដូណាល់ត្រាំដោយសារ លោកប្រើប្រាស់លុយផ្ទាល់ខ្លួនដើម្បីឃោសនាបោះឆ្នោតនិងដើម្បីទាញការគាំទ្រ មិនមែនដូចបេក្ខជនផ្សេងទៀតដែលពឹងផ្អែកស្ទើតែទាំងស្រុងលើប្រភពហិរញ្ញវត្ថុដែលកៀងគោរកជំនួយពីក្រុមហ៊ុនឬអ្នកគាំទ្របក្សឡើយ។ តាមពិតទៅការប្រកួតប្រជែងយកតំណែងប្រធានាធិបតីក្នុងការឃោសនាបោះឆ្នោតនេះ បេក្ខជននីមួយៗចំណាយលុយច្រើនសន្ធឹកសន្ធាប់ ដែលយ៉ាងហោចណាស់ក៏ ១ពាន់លានដុល្លារអាមេរិកដែរ៕
សូមស្ដាប់ព័ត៌មានលម្អិត៖
លទ្ធផលបង្ហាញថាថ្ងៃ Super Tuesday បេក្ខជនបក្សសាធារណរដ្ឋនិងជាសេដ្ឋីអចលនវត្ថុលោក ដូណាល់ ត្រាំបានយកជ័យជម្នះនៅរដ្ឋចំនួន ៧លើរដ្ឋចំនួន ១២ ដែលនេះជាជ័យជម្នះធំធេងមួយ ហើយគេវាយតម្លៃថាលោកក៏មានលទ្ធភាពក្លាយជាបេក្ខជនតំណាងបក្សថែមទៀត។ ប៉ុន្តែគេឆ្ងល់ថា មូលហេតុអ្វីដែលនៅពីក្រោយការគាំទ្រភ្លូកទឹកភ្លូកដីបែបនេះ ទោះជាមានការរិះគន់និងការបកអាក្រាតរឿងអាស្រូវរបស់លោកច្រើនកន្លងមកច្រើនក៏ដោយ។
១.គ្រប់គ្នាបន្តុះបង្អាប់ដូណាល់ត្រាំកាន់តែច្រើន ចុះមូលហេតុអ្វីបានជាការគាំទ្រលោកកើនឡើង?
តាមពិតទៅ រាល់សម្តីនិងសុន្ទរកថារបស់លោក ដូណាល់ ត្រាំ មានបង្កប់អត្ថន័យចម្រូងចម្រាសនិងបញ្ឆេះគំនិតស្អប់ខ្ពើម និងរើសអើងពូជសាសន៍ ពណ៌សម្បុរស្បែក និងសាសនាជាដើម។ ពាក្យសម្តីចម្រូងចម្រាសបំផុត គឺលោកអះអាងថា កាលណាបើលោកជាប់ឆ្នោតលោកនឹងបិទទ្វារមិនឲ្យប្រជាជនម៉ូស្លីមជាន់ដីអាមេរិកបានឡើយ ហើយការលើកឡើងនេះកើតក្រោយការវាយប្រហារនៅ San Bernardino។
ពាក្យសម្តីនេះធ្វើឲ្យសហគមន៍ម៉ូស្លីម ស្ថាប័នសិទ្ធិមនុស្ស និងមេដឹកនាំពិភពលោកថ្កោលទោសជាខ្លាំង។ អ្វីដែលសំខាន់គ្មានមេដឹកនាំកំពូលអាមេរិកណាមួយបង្ហាញការគាំទ្រនិងកោតសរសើរលោកឡើយ។ សូម្បីតែប្រធានាធិបតី អាមេរិកសុទ្ធតែទិតៀនលោក ដូណាល់ ត្រាំ ដែរ។ កាលពីខែមុនក្នុងសន្និសីទសារព័ត៌មានក្រោយបិទបញ្ចប់កិច្ចប្រជុំកំពូលអាស៊ាន អាមេរិក នៅ Rancho Mirage លោក បារ៉ាក់ អូបាម៉ា បានរិះគន់លោក ដូណាល់ ត្រាំ ហើយលោកវាយតម្លៃថា លោក មិនអាចក្លាយជាប្រធានាធិបតីអាមេរិកទី៤៥ ជាដាច់ខាត។
បេក្ខជនក្នុងបក្សដូចជា ថេត គ្រុស និងលោក ម៉ាកូ រ៉ូប៊ីយូ ព្រួតដៃគ្នាបកអាក្រាតលោក ដូណាល់ ត្រាំពាក់ព័ន្ធរឿងអាស្រូវមួយចំនួនជាពិសេសរឿងក្តីក្តាំរឿងការបោកសិស្សយកលុយដោយបើកសាកលវិទ្យាល័យជាដើម។
តាមពិតទៅមូលហេតុមួយចំនួនដែលធ្វើឲ្យប្រជាជនអាមេរិកនាំគ្នាគាំទ្រលោក ដូណាល់ត្រាំ។ តែអ្នកគាំទ្រលោកភាគច្រើនជាប្រជាជន វណ្ណៈកណ្តាលនិងវណ្ណៈទាប ដែលជាអ្នកដែលកំពុងប្រឈមបញ្ហាសេដ្ឋកិច្ចនិងគ្មានការងារជាដើម។
យោងតាមអ្នកស្រាវជ្រាវនៃសាកលវិទ្យាល័យ Virginia លោក Kyle Kondik ដោយសារបញ្ហាសេដ្ឋកិច្ចនេះហើយទើបមនុស្សច្រើនគាំទ្រលោក ដូណាល់ ត្រាំ។ កន្លងមកទោះជាមានការលើកឡើងពីផលវិជ្ជមានជាច្រើនពាក់ព័ន្ធការបង្កើតការងារនិងការបន្ថយអត្រាអ្នកគ្មានការងារធ្វើក៏ដោយ ប្រជាជនអាមេរិកនៅតែបន្តប្រឈមបញ្ហាលំបាកជាច្រើន។នេះក៏ដោយសារពួកគេមិនទាន់ងើបផុតពីវិបត្តិសេដ្ឋកិច្ចដែលផ្ទុះឡើងពីឆ្នាំ ២០០៨ មកនោះ។
ម្យ៉ាងទៀត បេក្ខជនជាច្រើនក្នុងបក្សសាធារណរដ្ឋមិនសូវលើកឡើងពីបញ្ហាប្រជាជនអាមេរិកប្រឈមឡើយ។ លោក ដូណាល់ ត្រាំ ដឹងថា ប្រជាជនអាមេរិកច្រើនចាប់អារម្មណ៍និងខ្វល់ពីបញ្ហាប្រឈមក្នុងស្រុកជាងនយោបាយការបរទេស។ ដូច្នេះហើយយុទ្ធសាស្ត្ររបស់លោកគឺតម្រូវចិត្តប្រជាជនដោយលើកឡើងពីដំណោះស្រាយបញ្ហាក្នុងស្រុកនេះ។
មួយវិញទៀត គឺលោកដូណាល់ ត្រាំ និយាយការពិតតាមមើលឃើញជាក់ស្តែងជាជាងប្រើប្រាស់ សម្តីឬភាសាអ្នកនយោបាយ។ អាចថា ប្រជាជនឆ្អែតឆ្អន់ភាសានិងសម្តីអ្នកនយោបាយដែលច្រើននិយាយពីរឿងល្អ ច្រើនជាងរឿងអាក្រក់និងបញ្ហាប្រឈមពិតប្រាកដ។
មួយទៀត អ្នកគាំទ្របក្សសាធារណរដ្ឋពេញចិត្តលោក ដូណាល់ត្រាំដោយសារ លោកប្រើប្រាស់លុយផ្ទាល់ខ្លួនដើម្បីឃោសនាបោះឆ្នោតនិងដើម្បីទាញការគាំទ្រ មិនមែនដូចបេក្ខជនផ្សេងទៀតដែលពឹងផ្អែកស្ទើតែទាំងស្រុងលើប្រភពហិរញ្ញវត្ថុដែលកៀងគោរកជំនួយពីក្រុមហ៊ុនឬអ្នកគាំទ្របក្សឡើយ។ តាមពិតទៅការប្រកួតប្រជែងយកតំណែងប្រធានាធិបតីក្នុងការឃោសនាបោះឆ្នោតនេះ បេក្ខជននីមួយៗចំណាយលុយច្រើនសន្ធឹកសន្ធាប់ ដែលយ៉ាងហោចណាស់ក៏ ១ពាន់លានដុល្លារអាមេរិកដែរ៕
© រក្សាសិទ្ធិដោយ thmeythmey.com
