អន្តរជាតិ
ឥណ្ឌូនេស៊ី៖ មានមនុស្សស្លាប់ក្រោយរញ្ជួយដីកម្រិត ៧.៩រ៉ិចទ័រ តែគ្មានរលកយក្សស៊ូណាមីទេ
02, Mar 2016 , 9:34 pm
×![]()
ដោយ: ថ្មីៗ
ក្រោយរញ្ជួយដីកម្រិត៧.៩ រ៉ិចទ័រ វាយប្រហារតំបន់ឆ្នេរភាគខាងលិចប្រទេសឥណ្ឌូនេស៊ី អាជ្ញាធរមូលដ្ឋានបានអះអាងថា មានមនុស្សមួយចំនួនបានស្លាប់ ប៉ុន្តែគេមិនទាន់ដឹងចំនួនពិតប្រាកដប៉ុន្មានឡើយ។ ក្រុមសង្គ្រោះកំពុងដុតដៃដុតជើងសង្គ្រោះនៅឡើយ ខណៈការប្រកាសអាសន្នពីរលកយក្សស៊ូណាមីត្រូវបានដកចេញហើយនៅតំបន់ដែលរងគ្រោះថ្នាក់ខ្លាំង។នេះបើយោងតាមទីភ្នាក់ព័ត៌មាន Reuter។
អាជ្ញាធរឥណ្ឌូនេស៊ីអះអាងថា មានមនុស្សមួយចំនួនបានស្លាប់និងរងរបួសក្រោយរលករញ្ជួយបានវាយប្រហារតំបន់ឆ្នេរភាគខាងលិចប្រទេសឥណ្ឌូនេស៊ីកាលពីម៉ោង ៧៖៤៩នាទីល្ងាចថ្ងៃពុធនេះ។ យ៉ាងណាក៏ដោយ ដោយសារក្រុមសង្គ្រោះកំពុងបំពេញភារកិច្ច គេមិនទាន់អាចទទួលបានព័ត៌មានលម្អិតពាក់ព័ន្ធចំនួនអ្នកស្លាប់និងរបួស រួមទាំងការខូចខាតអ្វីឡើយ។
យោងតាមរបាយការណ៍ស្ថាប័នភូគព្ភសាស្ត្រអាមេរិក រលករញ្ជួយនេះមានកម្រិតរហូតដល់ ៧.៩រ៉ិចទ័រឯណោះ ហើយវាកើតឡើងនៅចម្ងាយប្រហែល៨០៨គីឡូម៉ែត្រភាគនីរតីនៃក្រុង Padang។ ហើយស្របពេលដែលករណីរញ្ជួយដីកើតឡើង អាជ្ញាធរបានដាក់ចេញការប្រកាសអាសន្នពីបាតុភួតរលកយក្សស៊ូណាមីត្រូវបានដាក់ចេញនៅតំបន់មួយចំនួនក្នុងនោះមានស៊ូម៉ាត្រាខាងលិច ស៊ូម៉ាត្រាខាងជើង និងតំបន់អាឈេ (Aceh) ផងដែរ។
លោក Heronimus Guru អនុប្រធាននៃទីភ្នាក់ងារសង្គ្រោះ និងរុករកឥណ្ឌូនេស៊ី បានលើកឡើងថា មានមនុស្សស្លាប់ដោយសាររញ្ជួយដីនេះ តែលោកមិនអាចផ្តល់ព័ត៌មានលម្អិតបានឡើយជុំវិញចំនួនអ្នកស្លាប់ឬការខូចខាតនោះ។ តែលោកជឿជាក់ថា មានការខូចខាតតិច ហើយអ្នកមានគ្រោះថ្នាក់ក៏មិនច្រើនដែរ។ តែក្រុមរបស់លោកកំពុងប្រឈមការលំបាកខ្លាំងដោយសារប្រតិបត្តុុិការធ្វើឡើងទាំងយប់បែបនេះ។
យ៉ាងណាក៏ដោយរលករញ្ជួយបានថមថយ ហើយអាជ្ញាធរក៏បានដកប្រកាសអាសន្នពីរលកយក្សស៊ូណាមីចេញដែរ។ ចំណែកអូស្ត្រាលីដែលនៅមិនឆ្ងាយប៉ុន្មានពីឥណ្ឌូនេស៊ីនោះក៏បានដាក់ចេញការប្រកាសអាសន្នសម្រាប់កោះរបស់ខ្លួនផងដែរ ដូចជា កោះ Cocos និងកោះ Christmas ផងដែរ។ ការដាក់ចេញការប្រកាសអាសន្ននេះជាការប្រុងប្រយ័ត្នក្រែងមានរលកយក្សស៊ូណាមីកើតមានឡើងក្រោយរញ្ជួយដី។
កាលពីឆ្នាំ ២០០៤ រលកយក្សស៊ូណាមីបានវាយប្រហារ ប្រទេសឥណ្ឌូនេស៊ីយ៉ាងដំណំ រហូតបណ្តាលឲ្យមនុស្សរាប់ពាន់នាក់ស្លាប់បាត់បង់ជីវិតផង ហើយឥណ្ឌូនេស៊ីស្ថិតនៅចំទីតាំងភូមិសាស្ត្រពិសេសដែលប្រឈមមុខជាមួយការរញ្ជួយដីនេះញឹកញាប់ខ្លាំង។ដូច្នេះហើយឲ្យតែមានករណីរញ្ជួយដីខ្លាំងកើតឡើង គ្រប់គ្នាភ័យខ្លាចនិងបារម្ភថាមានរលកយក្សកើតឡើងបន្តបន្ទាប់៕
អាជ្ញាធរឥណ្ឌូនេស៊ីអះអាងថា មានមនុស្សមួយចំនួនបានស្លាប់និងរងរបួសក្រោយរលករញ្ជួយបានវាយប្រហារតំបន់ឆ្នេរភាគខាងលិចប្រទេសឥណ្ឌូនេស៊ីកាលពីម៉ោង ៧៖៤៩នាទីល្ងាចថ្ងៃពុធនេះ។ យ៉ាងណាក៏ដោយ ដោយសារក្រុមសង្គ្រោះកំពុងបំពេញភារកិច្ច គេមិនទាន់អាចទទួលបានព័ត៌មានលម្អិតពាក់ព័ន្ធចំនួនអ្នកស្លាប់និងរបួស រួមទាំងការខូចខាតអ្វីឡើយ។
យោងតាមរបាយការណ៍ស្ថាប័នភូគព្ភសាស្ត្រអាមេរិក រលករញ្ជួយនេះមានកម្រិតរហូតដល់ ៧.៩រ៉ិចទ័រឯណោះ ហើយវាកើតឡើងនៅចម្ងាយប្រហែល៨០៨គីឡូម៉ែត្រភាគនីរតីនៃក្រុង Padang។ ហើយស្របពេលដែលករណីរញ្ជួយដីកើតឡើង អាជ្ញាធរបានដាក់ចេញការប្រកាសអាសន្នពីបាតុភួតរលកយក្សស៊ូណាមីត្រូវបានដាក់ចេញនៅតំបន់មួយចំនួនក្នុងនោះមានស៊ូម៉ាត្រាខាងលិច ស៊ូម៉ាត្រាខាងជើង និងតំបន់អាឈេ (Aceh) ផងដែរ។
លោក Heronimus Guru អនុប្រធាននៃទីភ្នាក់ងារសង្គ្រោះ និងរុករកឥណ្ឌូនេស៊ី បានលើកឡើងថា មានមនុស្សស្លាប់ដោយសាររញ្ជួយដីនេះ តែលោកមិនអាចផ្តល់ព័ត៌មានលម្អិតបានឡើយជុំវិញចំនួនអ្នកស្លាប់ឬការខូចខាតនោះ។ តែលោកជឿជាក់ថា មានការខូចខាតតិច ហើយអ្នកមានគ្រោះថ្នាក់ក៏មិនច្រើនដែរ។ តែក្រុមរបស់លោកកំពុងប្រឈមការលំបាកខ្លាំងដោយសារប្រតិបត្តុុិការធ្វើឡើងទាំងយប់បែបនេះ។
យ៉ាងណាក៏ដោយរលករញ្ជួយបានថមថយ ហើយអាជ្ញាធរក៏បានដកប្រកាសអាសន្នពីរលកយក្សស៊ូណាមីចេញដែរ។ ចំណែកអូស្ត្រាលីដែលនៅមិនឆ្ងាយប៉ុន្មានពីឥណ្ឌូនេស៊ីនោះក៏បានដាក់ចេញការប្រកាសអាសន្នសម្រាប់កោះរបស់ខ្លួនផងដែរ ដូចជា កោះ Cocos និងកោះ Christmas ផងដែរ។ ការដាក់ចេញការប្រកាសអាសន្ននេះជាការប្រុងប្រយ័ត្នក្រែងមានរលកយក្សស៊ូណាមីកើតមានឡើងក្រោយរញ្ជួយដី។
កាលពីឆ្នាំ ២០០៤ រលកយក្សស៊ូណាមីបានវាយប្រហារ ប្រទេសឥណ្ឌូនេស៊ីយ៉ាងដំណំ រហូតបណ្តាលឲ្យមនុស្សរាប់ពាន់នាក់ស្លាប់បាត់បង់ជីវិតផង ហើយឥណ្ឌូនេស៊ីស្ថិតនៅចំទីតាំងភូមិសាស្ត្រពិសេសដែលប្រឈមមុខជាមួយការរញ្ជួយដីនេះញឹកញាប់ខ្លាំង។ដូច្នេះហើយឲ្យតែមានករណីរញ្ជួយដីខ្លាំងកើតឡើង គ្រប់គ្នាភ័យខ្លាចនិងបារម្ភថាមានរលកយក្សកើតឡើងបន្តបន្ទាប់៕
© រក្សាសិទ្ធិដោយ thmeythmey.com
