ជាតិ
ពីនេះ ពីនោះ
តើពាក្យ «អត្ថិភាព» មានន័យដូចម្តេច? 25, Dec 2022 , 7:29 am
× នៅក្នុងវចនានុក្រមខ្មែរ របស់សម្ដេចព្រះសង្ឃរាជ ជួន ណាត បានឲ្យនិយមន័យពាក្យថា «អត្ថិភាព»ដូចខាងក្រោម៖
ពាក្យ« អត្ថិភាព» មានថ្នាក់ពាក្យជានាម មានន័យថា ភាវៈមាន , ភាពនៃអ្វីៗដែលមាន, ការមាន។ ឧទាហរណ៍ កាលពីដើម គាត់ធ្លាក់ចុះក្នុងនត្ថិភាព ប៉ុន្តែឥឡូវនេះ គាត់បានចូលក្នុងអត្ថិភាពហើយ។ ចំពោះពាក្យដែលផ្ទុយ និងពាក្យ«អត្ថិភាព» នេះ គឺពាក្យ«នត្ថិភាព» ដែលពាក្យនេះមានថ្នាក់ពាក្យជានាម មានន័យថា ភាវៈគ្មាន, ភាពនៃអ្វីៗដែលគ្មាន, មិនមាន, ការឥតមាន។ ឧទារហណ៍ ពីដើមគាត់គ្រាន់រួចខ្លួន ប៉ុន្តែឥឡូវ គាត់ធ្លាក់ចុះក្នុងនត្ថិភាពសាបរលាបណាស់ទៅហើយ៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com