អន្តរជាតិ
អណ្តើកឈ្មោះ «ចូណាថាន់» នៅកោះ Saint Helena ក្នុងវ័យ១៩០ឆ្នាំ
16, Oct 2022 , 8:29 am
រូបថតចូណាថាន់ កាលពីឆ្នាំ២០១៧ និងកាលពីឆ្នាំ១៨៨៦
×![]()
ដោយ: ធីតា
កើតនាអំឡុងឆ្នាំ១៨៣២ អណ្តើកឈ្មោលឈ្មោះ «ចូណាថាន់» (Jonathan) ត្រូវបានសៀវភៅកំណត់ Guinness World Records កំណត់ថា ជាសត្វលើគោកដែលកំពុងរស់រានមានជីវិតវែងជាងគេបំផុតនាពេលបច្ចុប្បន្ន ពោលគឺមានអាយុដល់ទៅ១៩០ឆ្នាំ ដោយគិតត្រឹមឆ្នាំ២០២២នេះ។
ចូណាថាន់ ដែលជាអំបូរអណ្តើកយក្ស មានប្រភព មានប្រភពពីកោះសីស្ហែល ក្នុងមហាសមុទ្រឥណ្ឌា ហើយត្រូវបាននាំយកទៅចិញ្ចឹមនៅកោះ Saint Helena ក្នុងមហាសមុទ្រអាត្លង់ទិចខាងត្បូង ដែលចំណុះឲ្យចក្រភពអង់គ្លេស ចាប់តាំងពីឆ្នាំ១៨៨២ មក។
ចូណាថាន់ ជាឈ្មោះដែល លោក Spencer Davis ដែលជាអភិបាលគ្រប់គ្រងកោះ Saint Helena កាលពីអំឡុងទសវត្សរ៍ ១៩៣០ បានដាក់ឲ្យ ហើយលោកបានយកទៅចិញ្ចឹមនៅវិមានរដ្ឋាភិបាល Plantation House តែម្តង។
បច្ចុប្បន្ន ចូណាថាន់ បានរស់ដោយឆ្លងកាត់សង្គ្រាមលោកពីរលើក ការសោយរាជ្យរបស់ស្តេចអង់គ្លេស៧អង់គ្លេស និងការកាន់អំណាចប្រធានាធិបតីអាមេរិក៣៩រូប។ ជាមួយនឹងភាពចាស់ជវា ចូណាថាន់ បានបាត់បង់ចក្ខុវិញ្ញាណ ឃានវិញ្ញាណ និងមិនស្គាល់រសជាតិអាហារនោះឡើយ ប៉ុន្តែអ្នកជំនាញបន្តបំប៉នដើម្បីពន្យាអាយុជីវិតអណ្តើករូបនេះ។
បើតាម Guinness World Record អណ្តើកដែលមានអាយុវែងជាងគេបំផុតនោះ គឺ Tu’i Maila នៅប្រទេសតុងហ្កា ដែលបានបាត់បង់ជីវិតកាលពីឆ្នាំ១៩៦៥ ក្នុងអាយុ១៨៩ឆ្នាំ។ អណ្តើកឈ្មោះ Adwaita នៃអំបូរ Aldabra ដែលងាប់កាលពីឆ្នាំ២០០៦នៅសួនសត្វនៃរដ្ឋ Kolkata ប្រទេសឥណ្ឌា ត្រូវបានគេជឿថា មានអាយុវែងជាងគេបំផុត ពោលគឺដល់ទៅ២៥៥ឆ្នាំ ប៉ុន្តែមិនមានកំណត់ត្រាពីថ្ងៃកំណើតច្បាស់លាស់នោះឡើយ៕
ចូណាថាន់ ដែលជាអំបូរអណ្តើកយក្ស មានប្រភព មានប្រភពពីកោះសីស្ហែល ក្នុងមហាសមុទ្រឥណ្ឌា ហើយត្រូវបាននាំយកទៅចិញ្ចឹមនៅកោះ Saint Helena ក្នុងមហាសមុទ្រអាត្លង់ទិចខាងត្បូង ដែលចំណុះឲ្យចក្រភពអង់គ្លេស ចាប់តាំងពីឆ្នាំ១៨៨២ មក។
ចូណាថាន់ ជាឈ្មោះដែល លោក Spencer Davis ដែលជាអភិបាលគ្រប់គ្រងកោះ Saint Helena កាលពីអំឡុងទសវត្សរ៍ ១៩៣០ បានដាក់ឲ្យ ហើយលោកបានយកទៅចិញ្ចឹមនៅវិមានរដ្ឋាភិបាល Plantation House តែម្តង។
បច្ចុប្បន្ន ចូណាថាន់ បានរស់ដោយឆ្លងកាត់សង្គ្រាមលោកពីរលើក ការសោយរាជ្យរបស់ស្តេចអង់គ្លេស៧អង់គ្លេស និងការកាន់អំណាចប្រធានាធិបតីអាមេរិក៣៩រូប។ ជាមួយនឹងភាពចាស់ជវា ចូណាថាន់ បានបាត់បង់ចក្ខុវិញ្ញាណ ឃានវិញ្ញាណ និងមិនស្គាល់រសជាតិអាហារនោះឡើយ ប៉ុន្តែអ្នកជំនាញបន្តបំប៉នដើម្បីពន្យាអាយុជីវិតអណ្តើករូបនេះ។
បើតាម Guinness World Record អណ្តើកដែលមានអាយុវែងជាងគេបំផុតនោះ គឺ Tu’i Maila នៅប្រទេសតុងហ្កា ដែលបានបាត់បង់ជីវិតកាលពីឆ្នាំ១៩៦៥ ក្នុងអាយុ១៨៩ឆ្នាំ។ អណ្តើកឈ្មោះ Adwaita នៃអំបូរ Aldabra ដែលងាប់កាលពីឆ្នាំ២០០៦នៅសួនសត្វនៃរដ្ឋ Kolkata ប្រទេសឥណ្ឌា ត្រូវបានគេជឿថា មានអាយុវែងជាងគេបំផុត ពោលគឺដល់ទៅ២៥៥ឆ្នាំ ប៉ុន្តែមិនមានកំណត់ត្រាពីថ្ងៃកំណើតច្បាស់លាស់នោះឡើយ៕
Tag:
អណ្តើក
ចូណាថាន់
Saint Helena
© រក្សាសិទ្ធិដោយ thmeythmey.com
