បទយកការណ៍ / បទសម្ភាសន៍
បទសម្ភាសន៍
ការឡើងទម្ងន់ខ្លាំងអំឡុងពេលមានផ្ទៃពោះ អាចឲ្យម្ដាយនិងទារកប្រឈមនឹងកើតជំងឺច្រើនប្រភេទ 21, Mar 2021 , 5:29 pm
× ភ្នំពេញ៖ ការឡើងទម្ងន់ខ្លាំងនៅពេលកំពុងពពោះ អាចធ្វើឲ្យប៉ះពាល់ដល់សុខភាពម្ដាយនិងទារក ដែលនាំឲ្យកើតជំងឺជាច្រើន។ លោកវេជ្ជបណ្ឌិត ប៉ិច សុធី បានអះអាងថា ស្ត្រីមានផ្ទែពោះត្រូវឲ្យមានតុល្យភាពកម្ពស់និងទម្ងន់ ដោយកុំឲ្យឡើងទម្ងន់ពេក ឬស្រកទម្ងន់ពេក។ សម្រាប់ស្ត្រីមានរាងកាយស្គម ឬ BMI (រង្វាស់រវាងទម្ងន់ធៀបនឹងកម្ពស់) ទាប អាចឡើងទម្ងន់ចន្លោះពី១០-១៥គីឡូក្រាម ប៉ុន្តែ សម្រាប់ស្ត្រីមានរាងកាយធាត់ ឬ BMI ខ្ពស់ អាចឡើងទម្ងន់ពី៩-១០គីឡូក្រាមប៉ុណ្ណោះ។ លោកសាស្ត្រាចារ្យវេជ្ជបណ្ឌិត ប៉ិច សុធី បានឲ្យដឹងថា ការឡើងទម្ងន់ខ្លាំងពេក អាចឲ្យស្ត្រីមានផ្ទៃពោះ ប្រឈមនឹងជំងឺ ដូចជា លើសឈាម, ទឹកនោមផ្អែមអំឡុងពេលពពោះ និងបង្រុងក្រឡាភ្លើង។ ចំណែកឯ ទារកវិញ អាចថ្លោកពេកដែលនាំឲ្យពិបាកសម្រាល និងអាចប្រឈមជំងឺធាត់ ជំងឺលើសឈាម និងជំងឺបេះដូងជាដើម។
ដើម្បីជ្រាបច្បាស់សូមអញ្ជើញលោក-អ្នកនាង ទស្សនាបទសម្ភាសរវាងកញ្ញា អ៊ុត រស្មី អ្នកសារព័ត៌មានThmeyThmey និងលោកសាស្ត្រាចារ្យវេជ្ជបណ្ឌិត ប៉ិច សុធី ប្រធានមន្ទីរពហុព្យាបាលសម្ពពសោភាមានជ័យ ដូចតទៅ៖
លោកសាស្ត្រាចារ្យវេជ្ជបណ្ឌិត ប៉ិច សុធី បានរៀបរាប់ដូច្នេះថា៖«ស្ត្រីមានផ្ទៃពោះ ត្រូវទទួលទានអាហារ៣ក្រុម គឺប្រភេទអាហារថាមពលសម្បូរដោយជាតិសាច់, ប្រភេទអាហារសាងសង់ មានគ្រាប់ធញ្ញជាតិ និងប្រភេទអាហារការពារ មានបន្លែ ផ្លែឈើជាដើម។ ស្ត្រីមាន BMI ទាប ត្រូវទទួលទានប្រភេទអាហារសាងសង់ដែលសម្បូរជាតិសាច់ និងខ្លាញ់ឲ្យបានច្រើន ដើម្បីឡើងទម្ងន់ច្រើន ប៉ុន្តែ ស្ត្រីមាន BMI ខ្ពស់ ត្រូវកាត់បន្ថយអាហារថាមពល ជាពិសេសអាហារសម្បូរជាតិខ្លាញ់»៕
Tag:
ឡើងទម្ងន់
ពពោះ
សុខភាព
© រក្សាសិទ្ធិដោយ thmeythmey.com