អត្ថបទពាណិជ្ជកម្ម
កិច្ចសហការដើម្បីជួយជ្រោមជ្រែងដល់ខ្សែសង្វាក់អាជីវកម្មមួយក្នុងវិស័យកសិកម្មឱ្យរីកចម្រើន
15, Aug 2020 , 3:09 pm
×![]()
ដោយ: ថ្មីៗ
ភ្នំពេញ៖ ក្នុងពេលថ្មីៗនេះ គ្រឹះស្ថានមីក្រូហិញ្ញវត្ថុ អេ អឹម ខេ និងក្រុមហ៊ុន Azaylla ដែលជាក្រុមហ៊ុនអាជីវកម្មផ្នែកផ្គត់ផ្គង់កសិផលដ៏ធំមួយនៅក្នុងប្រទេសកម្ពុជា បានចុះអនុស្សារណៈយោគយល់គ្នាទៅលើការផ្តល់ និងទទួលកញ្ចប់សេវាហិរញ្ញវត្ថុដើម្បីគាំទ្រដល់ក្រុមហ៊ុន និងដៃគូអាជីវកម្មតាមរយៈការផ្តល់ឥណទាន និងសេវាកម្មហិរញ្ញត្ថុផ្សេងៗ ដែលមានលក្ខខណ្ឌងាយស្រួល សម្បូរបែប និងមានភាពបទបែនខ្ពស់ តាមតម្រូវការប្រតិបត្តិការរបស់ក្រុមហ៊ុន និងដៃគូក្នុងខ្សែសង្វាក់អាជីវកម្ម។
លោក ប៊ុន ច័ន្ទភិវឌ្ឍន៍ នាយកប្រតិបត្តិសាជីវកម្ម អេ អឹម ខេ បានលើកឡើងថា “ ការធ្វើកិច្ចសហការ ជាមួយក្រុមហ៊ុន Azaylla ទៅលើការផ្តល់កញ្ចប់សេវាហិរញ្ញវត្ថុសម្បូរបែប និងមានភាពបទបែនខ្ពស់បែបនេះ គឺមិនធ្លាប់មានពីមុនមកនោះទេ ព្រោះក្រុមហ៊ុនអាចទទួលបានឥណទានក្នុងរូបភាពផ្សេងៗស្របតាមតម្រូវការអាជីវកម្មជាក់ស្តែងដោយពុំមានដាក់ទ្រព្យធានាជាអចលនវត្ថុនោះទេ ជាពិសេសថែមទៀតនោះ ក្រុមហ៊ុនអាចទទួលបានការគាំទ្រសេវាហិរញ្ញវត្ថុផ្សេងៗដូចជា សេវាបើកប្រាក់ខែបុគ្គលិក សេវាទូទាត់ផ្សេងៗ និងវេរលុយជាដើម តាមរយៈសាខា ភ្នាក់ងារ អេ អឹម ខេ អេធីអឹម និងកម្មវិធីទូរស័ព្ទដៃឆ្លាតវៃ អេ អឹម ខេ ។ កិច្ចសហការនេះមិនត្រឹមតែជួយដោះស្រាយបញ្ហាផ្នែកហិរញ្ញវត្ថុរបស់ក្រុមហ៊ុន Azaylla នោះទេ ថែមទាំងជួយដល់ការរីកចម្រើនរបស់ដៃគូអាជីវកម្ម និងក្រុមហ៊ុនផងដែរ។
លោក ច័ន្ទភិវឌ្ឍន៍ ក៏បានលើកឡើងពីមូលហេតុសំខាន់ នៃការជ្រើសរើសសហការជាមួយក្រុមហ៊ុន Azaylla ព្រោះ ក្រុមហ៊ុននេះ គឺជាក្រុមហ៊ុនមានសក្តានុពលមួយរៀបចំបង្កើតឡើងដោយស្ថាបនិកមានជំនាញ និងបានចុះបញ្ជីអាជីវកម្មត្រឹមត្រូវ មានរចនាសម្ព័ន្ធគ្រប់គ្រងច្បាស់លាស់ និងរឹងមាំ តាមរយៈការបង្ហាញផែនការអាជីវកម្មល្អៗ និងលទ្ធផលនៃ ប្រតិបត្តិការប្រចាំថ្ងៃ ដែលដៃគូអាជីវកម្មជាង៥០ ជាកសិករ សហគមន៍ និងអ្នកផ្គត់ផ្គង់ផលិតផលកសិកម្ម បន្លែផ្លែឈើ។ អ្វីដែលសំខាន់ជាងនេះទៅទៀតនោះ គឺ Azaylla មានទស្សនៈវិស័យស្របគ្នាជាមួយ អេ អឹម ខេ ក្នុងការជួយជំរុញ និងលើកកម្ពស់ វិស័យកសិកម្មនៅក្នុងប្រទេសកម្ពុជា តាមរយៈការគាំទ្រកញ្ចប់សេវាហិរញ្ញវត្ថុពិសេសរបស់ អេ អឹម ខេ។
ចំណែកលោក Parth Borkotoky ជាអគ្គនាយក និងជាសហស្ថាបនិកក្រុមហ៊ុន Azaylla បានមានប្រសាសន៍ថា “យើង ពិតជាមានសេចក្តីសោមនស្សរីករាយខ្លាំងណាស់ចំពោះកិច្ចសហការណ៍នេះ ហើយវាក៏ជាមោទនកភាពរបស់ Azaylla ផងដែរ ដែលមានឱកាសទទួលស្គាល់ និងទទួលបានការជួយជ្រោមជ្រែងពី អេ អឹម ខេ ផ្នែកហិរញ្ញវត្ថុ ក៏ដូចជាប្រតិបត្តិការ
ផ្សេងៗប្រចាំថ្ងៃ ជាពិសេសការទូទាត់ជាមួយអតិថិជនតែម្តង។ តាមរយៈកិច្ចសហការនេះ ខ្ញុំជឿជាក់ថា Azaylla និងដៃគូជាជីវកម្មរបស់យើង នឹងមានឱកាសពង្រីកខ្លួនយ៉ាងឆាប់រហ័ស ដែលជាឱកាសធ្វើឲ្យយើងអាចចូលរួមចំណែកធំមួយដើម្បីជួយលើកម្ពស់ដល់វិស័យកសិកម្ម ក៏ដូចជាជួយជំរុញដល់ការរីចម្រើន របស់ជីវភាពប្រជាកសិករកម្ពុជាផងដែរ។
គួរបញ្ជាក់ផងដែរថា ក្រុមហ៊ុន Azaylla គឺជាក្រុមហ៊ុនអាជីវកម្មកសិកម្មក្នុងស្រុក ដែលបង្កើតក្នុងឆ្នាំ២០១៩ ក្នុងគោលបំណងបង្កើតឲ្យមាននិរន្តរភាព និងការទទួលខុសត្រូវខ្ពស់នៅក្នុងខ្សែសង្វាក់អាជីវកម្មក្នុងវិស័យកសិកម្ម ដើម្បីផ្តល់ជាប្រយោជន៍ដល់កសិករ សហគមន៍ និងដៃគូអាជីវកម្ម តាមរយៈការធ្វើពាណិជ្ជកម្ម ការផលិត ការចែកចាយ ការផ្គតផ្គង់
ការដាំដុះ ការទទួលទិញ និងការផ្តល់សេវា ប្រឹក្សាយោបល់ កសិកម្ម៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
