ជាតិ
ពលរដ្ឋ គាំទ្រគម្រោងបើកផ្លូវ តាមបណ្ដោយប្រឡាយទឹកស្អុយកណ្ដាលក្រុងសៀមរាប 11, Oct 2020 , 8:59 am
× សៀមរាប៖ ក្រុមការងាររៀបចំសម្របសម្រួល វាស់វែង និង រុះរើ សម្រាប់គម្រោងផ្លូវ៣៨ខ្សែក្នុងក្រុងសៀមរាប បានចុះអនុវត្តការងារទៅតាមប្លង់អភិវឌ្ឍន៍។ ក្នុងចំណោមនោះ មានការស្ថាបនាផ្លូវមួយខ្សែតាមបណ្ដោយប្រឡាយបង្ហូរទឹកស្អុយ ដែលរត់កាត់ទទឹងក្រុងសៀមរាប។ ប្រជាពលរដ្ឋភាគច្រើនដែលមានផ្ទះតាមបណ្ដោយគម្រោងនេះ បានបង្ហាញអារម្មណ៍រីករាយ និងរំពឹងថា សកម្មភាពសេដ្ឋកិច្ចក្នុងតំបន់នេះនឹងកែប្រែមុខមាត់ថ្មី ដែលកន្លងមកតំបន់នេះ ជាតំបន់ផ្លូវចង្អៀត និងមានក្លិនមិនល្អ ដែលប៉ះពាល់ដល់សុខភាពពួកគេ។ ទន្ទឹមនឹងនេះ ពួកគេក៏សំណូមពរឱ្យមានការរៀបចំ និងរុះរើសំណង់ឱ្យមានភាពយុត្តិធម៌ និងស្នើឱ្យពលរដ្ឋដទៃទៀត សហការរុះរើ ដើម្បីឱ្យគម្រោងស្ថាបនាផ្លូវនេះ បានឆាប់រហ័ស។
សូមអញ្ជើញទស្សនាវីដេអូ នៃសកម្មភាពក្រុមការងារចម្រុះចុះទៅសម្របសម្រួល វាស់វែង ដើម្បីបើកផ្លូវតាមបណ្ដោយប្រឡាយទឹកស្អុយប្រវែងជាង២ពាន់ម៉ែត្រ (ផ្លូវ AD-08) ចាប់ពីផ្លូវបំបែកដើមក្រសាំង ភូមិវិហារចិន កាត់តាមផ្សាររាត្រី និងបន្តកាត់តាមលូទឹកស្អុយ ស្អុយ ក្រោយសណ្ឋាគារ ផាកហៃយ៉ាត់ រហូតដល់មុខសណ្ឋាគារសុខាអង្គរ នាថ្ងៃទី៥ តុលា ឆ្នាំ២០២០
Tag:
ហេដ្ឋារចនាសម្ព័ន្ធ
ផ្លូវ៣៨ខ្សែ
© រក្សាសិទ្ធិដោយ thmeythmey.com