ងាយៗ! ធ្មេញនឹងសស្អាតរឹងមាំ ជាមួយអាហារធម្មតាៗទាំងនេះ

ពីនេះ ពីនោះ

សុខភាព

ងាយៗ! ធ្មេញនឹងសស្អាតរឹងមាំ ជាមួយអាហារធម្មតាៗទាំងនេះ

14, Oct 2020 , 6:59 am

រូបភាព

ដោយ: ថ្មីៗ

ភាគច្រើននៃពួកយើងប្រហែលជាមិនធ្លាប់ដឹងទេថា ការទទួលទានអាហារអាចជះឥទ្ធិពលដល់សុខភាពធ្មេញ។ ដូច្នេះហើយទើបអ្នកអាចរក្សាសុខភាពធ្មេញល្អរឹងមាំបានតាមរយៈការជ្រើសរើសអាហារត្រឹមត្រូវដើម្បីទទួលទាន។ ប៉ុន្តែថាតើអាហារអ្វីខ្លះទៅដែលល្អសម្រាប់ធ្មេញ? ខាងក្រោមវេបសាយសុខភាព Health.com.kh នឹងបង្ហាញអោយដឹងពីអាហារដែលជួយរក្សាសុខភាពអញ្ចាញ និងធ្មេញ ក៏ដូចជាទប់ស្កាត់ជំងឺអញ្ចាញ រួមទាំងជំងឺពុកធ្មេញផងដែរ ៖

ចុចទីនេះដើម្បីទទួលបានព័ត៌មានរហ័ស

១. ការ៉ុត

ជាប្រភពដ៏ប្រសើរនៃសារធាតុ Carotene ដែលល្អសម្រាប់ភ្នាស់ទឹករំអិលនៃមាត់និងអញ្ចាញ។ វាក៏ធ្វើឱ្យកាចាធ្មេញកាន់តែរឹងមាំឡើងផងដែរ។ ការ៉ុតស្រស់ គឺល្អណាស់សម្រាប់រក្សាសុខភាពធ្មេញវាអាចកម្ចាត់កំណកកំបោរនិងម៉ាស្សាអញ្ចាញ។

២. ត្រី

ភាគច្រើននៃពួកយើងសុទ្ធតែដឹងហើយថាធ្មេញត្រូវការកាល់ស្យូម ប៉ុន្តែជាតិ phosphorus ក៏សំខាន់ណាស់ដែលសម្រាប់រក្សាសុខភាពធ្មេញ។ ទោះជាយ៉ាងណាត្រីមួយចំនួនអាចបង្កក្លិនមិនល្អក្នុងមាត់។

៣. យ៉ាអួរ

ជាអាហារសម្រន់ដ៏ប្រសើរបំផុតសម្រាប់សុខភាពធ្មេញនិងអញ្ចាញ។ យ៉ាអួរមានផ្ទុកជាតិប្រូតេអ៊ីននិងកាល់ស្យូមដែលល្អសម្រាប់រក្សាសុខភាពធ្មេញរឹងមាំ។ បាក់តេរីល្អៗ ឬប្រូបាយអូទិកដែលមាននៅក្នុងយ៉ាអួរក៏ល្អចំពោះសុខភាពអញ្ចាញគួរអោយកត់សម្គាល់ផងដែរ។ ដើម្បីជាការប្រសើរចូរជ្រើសរើសយ៉ាអួរសុទ្ធទើបគ្មានផ្ទុកជាតិស្ករដែលពពួកបាក់តេរីចូលចិត្ត។

៤. ជីវ៉ាន់ស៊ុយ

ក៏ជាប្រភពចម្បងមួយនៃកាល់ស្យូម ហើយក៏មានលក្ខណៈសម្បត្តិជួយសម្អាតធ្មេញផងដែរ។ ក្រោយពេលទទួលទានអ្វីមួយ ចូរទំពារស្លឹកជីវ៉ាន់ស៊ុយបន្តិចមុនពេលសម្អាតក្នុងមាត់។

៥. ផ្លែប៉ោម

ផ្លែប៉ោមបង្កើនការផលិតទឹកមាត់ដែលអាចជួយកម្ចាត់ការកកើតឡើងនូវកំណកកំបោរជាប់ធ្មេញផងដែរ។ ការទទួលទានផ្លែប៉ោម ១ ផ្លែក្រោយពេលអាហារអាចជួយសម្អាតកំទេចកំទីនិងបាក់តេរីក្នុងមាត់។

៦. គីវី

ផ្លែឈើនេះមានផ្ទុកសម្បូរទៅដោយវីតាមីន C ខណៈដែលកង្វះវីតាមីននេះបន្ថយការផលិតកូឡាជែន ហើយអញ្ចាញចាប់ផ្ដើមហូរឈាម។

៧. គ្រាប់ល្ង

ការទំពារគ្រាប់ល្ងជួយកម្ចាត់កំណកកំបោរជាប់ធ្មេញនិងធ្វើឱ្យកាចាធ្មេញកាន់តែរឹងមាំផងដែរ។

៨. តែបៃតង

សារធាតុ catechin ក្នុងតែបៃតងកម្ចាត់រាល់បាក់តេរីដែលបង្កបញ្ហាពុកធ្មេញ។ តែបៃតងក៏ធ្វើឱ្យខ្យល់ដង្ហើមប្រែជាស្រស់ថ្លាផងដែរ៕

ត្រួតពិនិត្យដោយ www.health.com.kh