និស្សិតភ្នំពេញដឹងទុក្ខធុរៈសិស្សនៅតំបន់ដាច់ស្រយាលនៅខេត្តសៀមរាប

ជាតិ

សង្គមជាតិ

និស្សិតភ្នំពេញដឹងទុក្ខធុរៈសិស្សនៅតំបន់ដាច់ស្រយាលនៅខេត្តសៀមរាប

26, Oct 2020 , 5:12 pm

រូបភាព

ដោយ: ថ្មីៗ

សៀមរាប៖ តំណាងក្រុមនិស្សិតនៃសាកលវិទ្យាល័យ ផារ៉ាហ្គន មួយក្រុមបានយកអំណោយជាសម្ភារសិក្សាដែលមានដូចជា៖ កាបូបសៀវភៅ សៀវភៅ ប៊ិច ខ្មៅដៃ និងសម្ភារការិយាល័យជាច្រើនទៀតទៅបរិច្ចាគជូនសាលាបឋមសិក្សានៅក្នុងភូមិស្រុកដាច់ស្រយាលមួយដែលមានឈ្មោះថា អាគី រ៉ា អន្លង់ត្បាល់ នាវេលាព្រឹកថ្ងៃទី ២៥ ខែតុលា ឆ្នាំ២០២០ ដែលមានទីតាំងនៅឯភូមិអន្លង់ត្បាល ឃុំកន្ទួត ស្រុកស្វាយលើ ខេត្តសៀមរាប ដើម្បីចែកជូនលោកគ្រូអ្នកគ្រូបង្រៀន និងសិស្សានុសិស្សក្មេងៗប្រមាណជាជាង១០០នាក់។

ចុចទីនេះដើម្បីទទួលបានព័ត៌មានរហ័ស

កម្មវិធីសម្បុរសធម៍មួយនេះត្រូវបានធ្វើឡើងតាមរយៈជំនួយជាថវិកា និងសម្ភារសិក្សាមួយចំនួនពីក្រុមនិស្សិតនៃសាកលវិទ្យាល័យផារ៉ាហ្គន និងសម្បុរសជនផ្សេងៗជាច្រើនទៀត ក្នុងគោលបំណងជួយសម្រួលការខ្វះខាតមួយចំនួនដែលសាលាបឋមសិក្សាមួយនេះ និងក្រុមកុមារាកុមារីសិស្សានុសិស្សក្មេងៗបាន នឹងកំពុងជួបប្រទះ។

តំណាងនិស្សិតសូមថ្លែងអំណរគុណចំពោះម្ចាស់ជំនួយដែលជានិស្សិតរួមសាកលវិទ្យាល័យ, សណ្ឋាគារ Viroth’s, សារព័ត៌មានអេឡិចត្រូនិកថ្មីៗ និងអ្នកពាក់ព័ន្ធដទៃទៀត៕

Tag:

និស្សិត