Hamilton ម្ចាស់ជើងឯក F1 ឆ្លង COVID-19

កីឡាអន្តរជាតិ

អន្តរជាតិ

Hamilton ម្ចាស់ជើងឯក F1 ឆ្លង COVID-19

01, Dec 2020 , 5:16 pm

រូបភាព

ដោយ: ទេព ពិទូរ្យ

Lewis Hamilton កំពូលកីឡាករប្រណាំងរថយន្ត Formula One បានធ្វើតេស្តចេញលទ្ធផលវិជ្ជមានជំងឺ COVID-19 បន្ទាប់ពីឈ្នះការប្រណាំង Bahrain Grand Prix ក្នុងប្រទេសបារ៉ែន នៅថ្ងៃទី២៩ ខែវិច្ឆិកា។ Hamilton ត្រូវខកខានក្នុងកម្មវិធី Sakhir Grand Prix ចុងសប្តាហ៍នេះ ខណៈ Mercedes មិនទាន់ប្រកាសអ្នកបើកជំនួសនៅឡើយ។

ចុចទីនេះដើម្បីទទួលបានព័ត៌មានរហ័ស

បើតាមការបញ្ជាក់របស់ស្ថាប័នគ្រប់គ្រងកីឡាប្រណាំងរថយន្តពិភពលោក (FIA) Hamilton នឹងមិនអាចចូលរួមប្រណាំងនៅទីលានទី១៦ ក្នុងប្រទេសបារ៉ែនឡើយ ព្រោះតម្រូវឲ្យនៅដាច់ដោយឡែកមួយរយៈ។

ក្រុមប្រណាំង Mercedes ក៏បានបញ្ជាក់ដែលថា អ្នកប្រណាំងសញ្ជាតិអង់គ្លេសវ័យ៣៥ឆ្នាំរូបនេះ បានចេញរោគសញ្ញានៅព្រឹកថ្ងៃទី៣០ ខែវិច្ឆិកា មុនពេលទៅធ្វើតេស្តរកជំងឺរាតត្បាតសកលនេះ មុនពេលឈ្នះការប្រណាំងក្នុងកម្មវិធី Bahrain Grand Prix មួយថ្ងៃប៉ុណ្ណោះ។

លទ្ធផលវិជ្ជមានជំងឺ COVID-19 លើ Hamilton បានធ្វើឲ្យ Mercedes-AMG Petronas F1 សោកស្តាយយ៉ាងខ្លាំងព្រោះកីឡាកររបស់ខ្លួនមិនអាចចូលរួមប្រណាំងនៅសប្តាហ៍នេះ។ យ៉ាងណាក៏ដោយ អវត្តមាននៅទីលានទី១៦នេះ មិនប៉ះពាល់ដល់ Hamilton ឡើយ ដ្បិតរូបគេបានក្លាយជាម្ចាស់ជើងឯក F1 សម្រាប់រដូវកាលឆ្នាំ២០២០នេះរួចទៅហើយ។

Mercedes នឹងត្រូវយកកីឡាករមកជំនួស Hamilton ដើម្បីប្រជែងនៅកម្មវិធី Sakhir Grand Prix នៅថ្ងៃទី៦ ខែធ្នូខាងមុខនេះ៕

Tag:

Lewis Hamilton

Formula One

COVID-19