COVID-19
អន្តរជាតិ
កូវីដ-១៩៖ អ្នកស្លាប់លើលោកឡើងជិត១.៥លាន ខណៈប៉ូឡូញមានអ្នកឆ្លងលើស១លាន
03, Dec 2020 , 10:33 am
×![]()
ដោយ: រួបរួម
គិតត្រឹមព្រឹកថ្ងៃព្រហស្បតិ៍ ទី៣ ខែធ្នូ នេះ ករណីឆ្លងកូវីដ-១៩ ឡើងដល់ជាង៦៤.៨៣លានករណី ដោយប៉ូឡូញក្លាយជាប្រទេសទី១៣ ដែលមានករណីឆ្លងលើសពី១លាន។ តួលេខអ្នកស្លាប់នៅលើពិភពលោកឡើងជិត១.៥លាននាក់ ខណៈអ្នកសះស្បើយមានជិត៤៥លាននាក់។
ប៉ូឡូញ មានករណីឆ្លងជាង១.០១លាន ដោយស្ថិតក្នុងចំណោម១៣ប្រទេសដែលមានតួលេខឡើងដល់កម្រិតនេះ។ សហរដ្ឋអាមេរិក នៅតែនាំមុខដាច់គេដោយមានអ្នកឆ្លងជាង១៤.៣១លាន ហើយតាមពីក្រោយដោយ ឥណ្ឌា (ជាង៩.៥៣លាន), ប្រេស៊ីល (ជាង៦.៤៣លាន), រុស្ស៊ី (ជាង២.៣៤លាន), បារាំង (ជាង២.២៤លាន), អេស្ប៉ាញ (ជាង១.៦៨លាន), ចក្រភពអង់គ្លេស (ជាង១.៦៥លាន), អ៊ីតាលី (ជាង១.៦៤លាន), អាហ្សង់ទីន (ជាង១.៤៤លាន), កូឡុំប៊ី (ជាង១.៣៣លាន), ម៉ិកស៊ិក (ជាង១.១៣លាន) និងអាល្លឺម៉ង់ (ជាង១.១លាន)។
អ៊ីរ៉ង់ និងប៉េរូ សុទ្ធតែមានតួលេខជិតចូលខ្ទង់មួយលានករណីរៀងៗខ្លួនផងដែរ ខណៈអាហ្វ្រិកខាងត្បូង អ៊ុយក្រែន និងតួកគី ស្ថិតនៅចន្លោះពីជាង៧០ម៉ឺន ទៅជិត៨០ករណី។ ប្រទេសផ្សេងទៀតដែលមានករណីឆ្លងជាងកន្លះលានរួមមាន បែលហ្ស៊ិក, អ៊ីរ៉ាក់, ស៊ីលី, ឥណ្ឌូណេស៊ី, ឆេក និងហូឡង់។
ក្នុងចំណោមអ្នកស្លាប់ជិត១.៥លាន សហរដ្ឋអាមេរិក មានជាង២៧ម៉ឺននាក់, ប្រេស៊ីលជាង១៧ម៉ឺននាក់, ឥណ្ឌាជាង១៣ម៉ឺននាក់ និងម៉ិកស៊ិកជាង១០ម៉ឺននាក់។ ២១ប្រទេសមានករណីស្លាប់ពីជាង១ម៉ឺន ទៅជិត៦ម៉ឺន ដែលក្នុងនោះ ឥណ្ឌូណេស៊ី មានជាង១៧០០០នាក់ផងដែរ៕
© រក្សាសិទ្ធិដោយ thmeythmey.com
