COVID-19
ជាតិ
អ្នកជំនាញកម្ពុជា សន្និដ្ឋានជាបឋមថា ព្រឹត្តិការណ៍សហគមន៍២៨វិច្ឆិកា អាចបណ្តាលមកពីក្រុមវីរុស Clad 19B
04, Dec 2020 , 1:05 pm
ទីស្នាក់ការកណ្ដាលរបស់វិទ្យាស្ថានប៉ាស្ទ័រកម្ពុជា នៅរាជធានី ភ្នំពេញ។ រូបភាពពីហ្វេសប៊ុករបស់វិទ្យាស្ថានប៉ាស្ទ័រកម្ពុជា
×![]()
ដោយ: សារព័ត៌មានថ្មីៗ
ក្រុមអ្នកជំនាញវេជ្ជសាសស្រ្តនៃក្រសួងសុខាភិបាលនិងក្រុមអ្នកជំនាញវេជ្ជសាស្រ្តនៃវិទ្យាស្ថានប៉ាស្ទ័រកម្ពុជា បានសិក្សាស្រាវជ្រាវរួមគ្នា ដើម្បីស្វែងរកប្រភពពិតប្រាកដនៃការចម្លងជំងឺកូវីដ-១៩ ចូលក្នុងសហគមន៍នៅប្រទេសកម្ពុជា ដែលរដ្ឋាភិបាលដាក់ឈ្មោះឲ្យថា ព្រឹត្តិការណ៍សហគមន៍២៨វិច្ឆិកា។
ក្រោយការសិក្សារួមគ្នាមក ក្រុមអ្នកជំនាញផ្នែកវេជ្ជសាស្រ្តទាំង២ស្ថានប័ននេះ បានទាញសេចក្តីសន្និដ្ឋានជាបឋមថា ប្រភពវីរុស ពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា អាចជាក្រុមវីរុសម្យ៉ាងឈ្មោះ Clad 19B។ លទ្ធផលនៃការស្រាវជ្រាវនេះ ត្រូវបានលោក ម៉ម ប៊ុនហេង រដ្ឋមន្រ្តីក្រសួងសុខាភិបាល យកមកជម្រាបដល់សាធារណជន តាមរយៈសេចក្តីប្រកាសព័ត៌មានរបស់លោក នៅថ្ងៃទី៣ ខែធ្នូ ឆ្នាំ២០២០។
សារព័ត៌មាន The Times of India របស់ឥណ្ឌា បានស្រង់ការពន្យល់របស់អ្នកជំនាញផ្នែកវេជ្ជសាស្រ្តយកទៅចុះផ្សាយថា វីរុស Clad 19B ជាប្រភេទវីរុសមួយ ក្នុងចំណោមវីរុសផ្សេងទៀត ដែលជាអម្បូរ (ហ្សេន) នៃជំងឺកូវីដ-១៩។ ប្រភេទវីរុស ដែលជាអម្បូរនៃជំងឺកូវីដ-១៩ មានដូចជា Clad 19A, Clad 19B, Clad 20A, Clad 20B, និង Clad 20C ជាដើម។ ប្រភេទវីរុសទាំងនេះ អាចបង្កទៅជាជំងឺកូវីដ-១៩។
បើតាមសេចក្តីប្រកាសព័ត៌មានរបស់លោករដ្ឋមន្រ្តីដដែល វីរុស Clad 19B នេះ អាចមកពីតំបន់អាស៊ី អាហ្វ្រិក និង អូស្រាលី ដែលបានចរាចរចូលកម្ពុជាក្នុងអំឡុងខែតុលា ឆ្នាំ២០២០ រហូតដល់ពេលផ្ទុះករណីឆ្លងជំងឺកូវីដ-១៩ ចូលសហគមន៍ នៅថ្ងៃទី២៨ ខែវិច្ឆិកា ឆ្នាំ២០២០ (ព្រឹត្តិការណ៍សហគមន៍២៨វិច្ឆិកា)។
រដ្ឋមន្រ្តីសុខាភិបាល អះអាងទៀតថា តាមការពិចារណាយ៉ាងហ្មត់ចត់លើលទ្ធផលនៃការសិក្សាវត្ថុសំណាកអ្នកជំងឺ ដែលបំបែកបន្តៗគ្នា ដើម្បីរកភាពដូចគ្នានៃវីរុសកូវីដ-១៩ ទៅនឹងសំណាករូបរាងវីរុសកូវីដ-១៩ ពីតំបន់ផ្សេងគ្នា បានបង្ហាញថា ព្រឹត្តិការណ៍២៨វិច្ឆិកា មិនទាក់ទងនឹងព្រឹត្តិការណ៍៣វិចិ្ឆកានោះទេ។ វា មានន័យថា ព្រឹត្តិការណ៍៣វិច្ឆិកា មិនមែនជាប្រភពដែលបង្កឲ្យមានព្រឹត្តិការណ៍សហគមន៍២៨វិច្ឆិកាឡើយ។
ព្រឹត្តិការណ៍៣វិច្ឆិកា គឺសំដៅដល់ដំណើរទស្សនកិច្ចរបស់លោក ដែលសំដៅដល់ដំណើរទស្សនកិច្ចរបស់លោក Péter Szijjártó រដ្ឋមន្ត្រីការបរទេសហុងគ្រី និងគណៈប្រតិភូរបស់លោក នៅកម្ពុជា កាលពីថ្ងៃទី៣ ខែវិច្ឆិកា ឆ្នាំ២០២០ ហើយបន្ទាប់មក លោក ក៏ត្រូវបានរកឃើញថា មានជំងឺកូវីដ-១៩ នៅថ្ងៃទី៤ ខែវិច្ឆិកា ពេលទៅដល់ប្រទេសថៃ។
មានមនុស្ស៣-៤ពាន់នាក់ ដែលពាក់ព័ន្ធនឹងព្រឹត្តិការណ៍៣វិច្ឆិកា បានឆ្លងកាត់ការធ្វើតេស្តរកមេរោគកូវីដ-១៩។ ក្នុងចំណោមមនុស្ស៣-៤នាក់នោះ ក្រសួងសុខាភិបាល រក៤នាក់ ដែលមានជំងឺកូវីដ-១៩។ អ្នកទាំង៤នោះ មានជនជាតិខ្មែរ៣នាក់ គឺ តំណាងរាស្ត្រ មន្ត្រីជាន់ខ្ពស់ក្រសួងកសិកម្ម និង អង្គរក្ស ហើយម្នាក់ទៀត គឺលោកឯកអគ្គរដ្ឋទូតហុងគ្រីប្រចាំកម្ពុជា។
រដ្ឋមន្រ្តីសុខាភិបាល បញ្ជាក់ថាក្នុងសេចក្តីប្រកាសព័ត៌មានថា៖ «ជាជំហានបន្ទាប់ ក្រុមការងារ កំពុងស្រាវជ្រាវបន្ថែមអំពីប្រភពចម្លងវីរុសនៃព្រឹត្តិការណ៍២៨វិច្ឆិកា»។
ជាមួយគ្នានេះ លោករដ្ឋមន្រ្តី បានអំពាវនាវឲ្យសាធារណជន រក្សាស្មារតីឲ្យបាននឹងន ហើយបន្តការពារខ្លួនពីជំងឺកូវីដ-១៩ ដូចជា ពាក់ម៉ាស់ លាងដៃ រក្សាគម្លាតសុវត្ថិភាព កាត់បន្ថយការជួបជុំ និង មិនគួរចេញក្រៅផ្ទះ បើមិនចាំបាច់ ជាដើម។
គិតត្រឹមថ្ងៃទី៣ ខែធ្នូ ឆ្នាំ២០២០ មានមនុស្សជាង៩,៧ពាន់នាក់ ដែលពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា បានឆ្លងកាត់ការធ្វើតេស្តរកមេរោគកូវីដ-១៩ ដោយរកឃើញ២៣នាក់ហើយ ដែលមានមេរោគកូវីដ-១៩នេះ។ ចំពោះចំនួនសរុបនៃអ្នកឆ្លងជំងឺកូវីដ-១៩ នៅកម្ពុជា គឺកើនឡើងដល់៣៣៥នាក់ ដោយគិតត្រឹមថ្ងៃទី៣ ខែធ្នូ តែក្នុងចំណោមនោះ មាន៣០៤នាក់ បានជាសះស្បើយវិញ៕
ក្រោយការសិក្សារួមគ្នាមក ក្រុមអ្នកជំនាញផ្នែកវេជ្ជសាស្រ្តទាំង២ស្ថានប័ននេះ បានទាញសេចក្តីសន្និដ្ឋានជាបឋមថា ប្រភពវីរុស ពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា អាចជាក្រុមវីរុសម្យ៉ាងឈ្មោះ Clad 19B។ លទ្ធផលនៃការស្រាវជ្រាវនេះ ត្រូវបានលោក ម៉ម ប៊ុនហេង រដ្ឋមន្រ្តីក្រសួងសុខាភិបាល យកមកជម្រាបដល់សាធារណជន តាមរយៈសេចក្តីប្រកាសព័ត៌មានរបស់លោក នៅថ្ងៃទី៣ ខែធ្នូ ឆ្នាំ២០២០។
សារព័ត៌មាន The Times of India របស់ឥណ្ឌា បានស្រង់ការពន្យល់របស់អ្នកជំនាញផ្នែកវេជ្ជសាស្រ្តយកទៅចុះផ្សាយថា វីរុស Clad 19B ជាប្រភេទវីរុសមួយ ក្នុងចំណោមវីរុសផ្សេងទៀត ដែលជាអម្បូរ (ហ្សេន) នៃជំងឺកូវីដ-១៩។ ប្រភេទវីរុស ដែលជាអម្បូរនៃជំងឺកូវីដ-១៩ មានដូចជា Clad 19A, Clad 19B, Clad 20A, Clad 20B, និង Clad 20C ជាដើម។ ប្រភេទវីរុសទាំងនេះ អាចបង្កទៅជាជំងឺកូវីដ-១៩។
បើតាមសេចក្តីប្រកាសព័ត៌មានរបស់លោករដ្ឋមន្រ្តីដដែល វីរុស Clad 19B នេះ អាចមកពីតំបន់អាស៊ី អាហ្វ្រិក និង អូស្រាលី ដែលបានចរាចរចូលកម្ពុជាក្នុងអំឡុងខែតុលា ឆ្នាំ២០២០ រហូតដល់ពេលផ្ទុះករណីឆ្លងជំងឺកូវីដ-១៩ ចូលសហគមន៍ នៅថ្ងៃទី២៨ ខែវិច្ឆិកា ឆ្នាំ២០២០ (ព្រឹត្តិការណ៍សហគមន៍២៨វិច្ឆិកា)។
រដ្ឋមន្រ្តីសុខាភិបាល អះអាងទៀតថា តាមការពិចារណាយ៉ាងហ្មត់ចត់លើលទ្ធផលនៃការសិក្សាវត្ថុសំណាកអ្នកជំងឺ ដែលបំបែកបន្តៗគ្នា ដើម្បីរកភាពដូចគ្នានៃវីរុសកូវីដ-១៩ ទៅនឹងសំណាករូបរាងវីរុសកូវីដ-១៩ ពីតំបន់ផ្សេងគ្នា បានបង្ហាញថា ព្រឹត្តិការណ៍២៨វិច្ឆិកា មិនទាក់ទងនឹងព្រឹត្តិការណ៍៣វិចិ្ឆកានោះទេ។ វា មានន័យថា ព្រឹត្តិការណ៍៣វិច្ឆិកា មិនមែនជាប្រភពដែលបង្កឲ្យមានព្រឹត្តិការណ៍សហគមន៍២៨វិច្ឆិកាឡើយ។
ព្រឹត្តិការណ៍៣វិច្ឆិកា គឺសំដៅដល់ដំណើរទស្សនកិច្ចរបស់លោក ដែលសំដៅដល់ដំណើរទស្សនកិច្ចរបស់លោក Péter Szijjártó រដ្ឋមន្ត្រីការបរទេសហុងគ្រី និងគណៈប្រតិភូរបស់លោក នៅកម្ពុជា កាលពីថ្ងៃទី៣ ខែវិច្ឆិកា ឆ្នាំ២០២០ ហើយបន្ទាប់មក លោក ក៏ត្រូវបានរកឃើញថា មានជំងឺកូវីដ-១៩ នៅថ្ងៃទី៤ ខែវិច្ឆិកា ពេលទៅដល់ប្រទេសថៃ។
មានមនុស្ស៣-៤ពាន់នាក់ ដែលពាក់ព័ន្ធនឹងព្រឹត្តិការណ៍៣វិច្ឆិកា បានឆ្លងកាត់ការធ្វើតេស្តរកមេរោគកូវីដ-១៩។ ក្នុងចំណោមមនុស្ស៣-៤នាក់នោះ ក្រសួងសុខាភិបាល រក៤នាក់ ដែលមានជំងឺកូវីដ-១៩។ អ្នកទាំង៤នោះ មានជនជាតិខ្មែរ៣នាក់ គឺ តំណាងរាស្ត្រ មន្ត្រីជាន់ខ្ពស់ក្រសួងកសិកម្ម និង អង្គរក្ស ហើយម្នាក់ទៀត គឺលោកឯកអគ្គរដ្ឋទូតហុងគ្រីប្រចាំកម្ពុជា។
រដ្ឋមន្រ្តីសុខាភិបាល បញ្ជាក់ថាក្នុងសេចក្តីប្រកាសព័ត៌មានថា៖ «ជាជំហានបន្ទាប់ ក្រុមការងារ កំពុងស្រាវជ្រាវបន្ថែមអំពីប្រភពចម្លងវីរុសនៃព្រឹត្តិការណ៍២៨វិច្ឆិកា»។
ជាមួយគ្នានេះ លោករដ្ឋមន្រ្តី បានអំពាវនាវឲ្យសាធារណជន រក្សាស្មារតីឲ្យបាននឹងន ហើយបន្តការពារខ្លួនពីជំងឺកូវីដ-១៩ ដូចជា ពាក់ម៉ាស់ លាងដៃ រក្សាគម្លាតសុវត្ថិភាព កាត់បន្ថយការជួបជុំ និង មិនគួរចេញក្រៅផ្ទះ បើមិនចាំបាច់ ជាដើម។
គិតត្រឹមថ្ងៃទី៣ ខែធ្នូ ឆ្នាំ២០២០ មានមនុស្សជាង៩,៧ពាន់នាក់ ដែលពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា បានឆ្លងកាត់ការធ្វើតេស្តរកមេរោគកូវីដ-១៩ ដោយរកឃើញ២៣នាក់ហើយ ដែលមានមេរោគកូវីដ-១៩នេះ។ ចំពោះចំនួនសរុបនៃអ្នកឆ្លងជំងឺកូវីដ-១៩ នៅកម្ពុជា គឺកើនឡើងដល់៣៣៥នាក់ ដោយគិតត្រឹមថ្ងៃទី៣ ខែធ្នូ តែក្នុងចំណោមនោះ មាន៣០៤នាក់ បានជាសះស្បើយវិញ៕
Tag:
ព្រឹត្តិការណ៍សហគមន៍២៨វិច្ឆិកា
វីរុស Clad 19B
© រក្សាសិទ្ធិដោយ thmeythmey.com
