១០ខែនេះ មនុស្សជាង១៣០០នាក់ស្លាប់ ក្នុងហេតុការណ៍គ្រោះថ្នាក់ចរាចរណ៍

ជាតិ

សង្គមជាតិ

១០ខែនេះ មនុស្សជាង១៣០០នាក់ស្លាប់ ក្នុងហេតុការណ៍គ្រោះថ្នាក់ចរាចរណ៍

04, Dec 2020 , 6:19 pm

រូបភាព

រូបភាពពីគណៈកម្មាធិការជាតិសុវត្ថិភាពចរាចរណ៍ផ្លូវគោក

ដោយ:

ភ្នំពេញ៖ គិតចាប់ពីខែមករា ដល់ខែតុលាឆ្នាំ២០២០ មានករណីគ្រោះថ្នាក់ចរាចរណ៍កើតឡើងចំនួន២,៦៧៥លើក ដែលបណ្តាលឲ្យមនុស្សចំនួន១,៣៦៨នាក់បានស្លាប់ និងរបួសធ្ងន់ស្រាលចំនួន៤០០៧នាក់ ក្នុងហេតុការណ៍គ្រោះថ្នាក់ចរាចរណ៍ទូទាំងប្រទេស។ នេះបើតាមរបាយការណ៍របស់គណៈគម្មាធិការជាតិសុវត្ថិភាពចរាចរណ៍ផ្លូវគោក។

ចុចទីនេះដើម្បីទទួលបានព័ត៌មានរហ័ស

គណៈគម្មាធិការជាតិសុវត្ថិភាពចរាចរណ៍ផ្លូវគោក(គ.ស.ច.គ) បានបញ្ជាក់ថា អត្រាចំនួនអ្នកស្លាប់ និងអ្នករបួសក្នុងហេតុការណ៍គ្រោះថ្នាក់ចរាចរណ៍រយៈពេល១០ខែឆ្នាំនេះ បើធៀបនឹង១០ខែឆ្នាំមុន គឺមានការថយចុះ។ គ.ស.ច.គ បានបញ្ជាក់ថា ១០ខែឆ្នាំមុន គឺមានអ្នកស្លាប់ចំនួន១៦៥៦នាក់ និងអ្នករងរបួសចំនួន៥,២១៤នាក់។

អត្រាថយចុះនៃករណីគ្រោះថ្នាក់ចរាចរណ៍នេះ គ.ស.ច.គ.យល់ឃើញថា មកពីពលរដ្ឋខ្មែរបើកបរដោយមានការចូលរួមគោរពច្បាប់ចរាចរណ៍។

ថ្វីបើករណីគ្រោះថ្នាក់ចរាចរណ៍មានការថយចុះជាងមុន ក៏ប៉ុន្តែគ.ស.ច.គ បញ្ជាក់ថា គ្រោះថ្នាក់ចរណ៍នេះក៏នៅតែមានហានិភ័យខ្ពស់ បើធៀបនឹងគ្រោះថ្នាក់ផ្សេងៗ។ ដើម្បីកាត់បន្ថយអត្រាអ្នកស្លាប់ក្នុងហេតុការណ៍គ្រោះថ្នាក់ចរាចរណ៍ គ.ស.ច.គ នឹងណែនាំឲ្យអនុគណៈកម្មការសុវត្ថិភាពចរាចរណ៍ផ្លូវគោករាជធានីខេត្ត បង្កើនការរឹតបន្តឹងអនុវត្តច្បាប់ស្តីពីចរាចរណ៍ផ្លូវគោក និងស្រាវជ្រាវ និងតាមចាប់រកជនបង្កហេតុ ដើម្បីដោះស្រាយតាមនីតិវិធីច្បាប់។

គ.ស.ច.គ បានណែនាំឲ្យអាជ្ញាធរគ្រប់មូលដ្ឋានបន្តរឹតបន្តឹងលើអ្នកដែលល្មើសក្នុងការចតយានយន្ត ការមិនគោរពភ្លើងសញ្ញា ផ្លាកសញ្ញា គំនូសសញ្ញា និងការប្រើប្រាស់ចិញ្ចើមផ្លូវដោយគ្មានការអនុញ្ញាតពីអាជ្ញាធរ។ អាជ្ញាធរគ្រប់មូលដ្ឋានត្រូវផ្សព្វផ្សាយអប់រំច្បាប់ស្តីពីចរាចរណ៍ និងត្រូវពង្រឹងការដោះស្រាយការកកស្ទះចរាចរណ៍ឲ្យកាន់តែល្អប្រសើរ។

ជាមួយគ្នានេះ គ.ស.ច.គ ក៏ណែនាំឲ្យអាជ្ញាធរពង្រឹងនូវប្រព័ន្ធសង្គ្រោះបន្ទាន់ដល់ជនរងគ្រោះថ្នាក់ចរាចរណ៍ អំពីមធ្យោបាយ និងទំនាក់ទំនងព័ត៌មានឲ្យបានទាន់ពេលវេលា៕

relate

Tag:

85362