ស្មាតហ្វូន vivo V20 SE ចេញលក់ហើយ ជាមួយកាមេរ៉ាមុខ 32MP Super Night Selfie និងកាមេរ៉ាក្រោយភិចសែលធំ 48MP តម្លៃត្រឹម២៩៩ដុល្លារប៉ុណ្ណោះ

អត្ថបទពាណិជ្ជកម្ម

ស្មាតហ្វូន vivo V20 SE ចេញលក់ហើយ ជាមួយកាមេរ៉ាមុខ 32MP Super Night Selfie និងកាមេរ៉ាក្រោយភិចសែលធំ 48MP តម្លៃត្រឹម២៩៩ដុល្លារប៉ុណ្ណោះ

05, Dec 2020 , 11:41 am

រូបភាព

ដោយ: សារព័ត៌មានថ្មីៗ

សម្រាប់ការទន្ទឹងរង់ចាំអស់រយៈពេលជាច្រើនសប្តាហ៍កន្លងមក ក្រុមហ៊ុនស្មាតហ្វូន vivo បាន សម្រេចចិត្តដាក់លក់ស្មាតហ្វូនស៊េរីថ្មី កូនកាត់ vivo V20 ម៉ូឌែលស្មាតហ្វូន V20 SE នៅលើទីផ្សារនៃប្រទេសកម្ពុជាហើយ ចាប់ពីថ្ងៃទី៥ ខែធ្នូ ឆ្នាំ២០២០ នេះតទៅ។

ចំពោះស្មាតហ្វូន vivo V20 SE គឺជាស្មាតហ្វូនជំនាន់ថ្មីចុងក្រោយ ដែលត្រូវបានក្រុមហ៊ុន vivo ផលិតឡើងយ៉ាងពិសេសជាមួយនឹងការរចនាប័ទ្មដែលមានភាពស៊ីវិល័យ មានចំណុចពិសេសៗដ៏សម្បូរបែបសម្រាប់ការប្រើប្រាស់លេងកម្សាន្ត។ ចំពោះស្មាតហ្វូន vivo V20 SE ត្រូវបានបើកបង្ហាញមកជាមួយនឹងជម្រើសពីរពណ៌ គឺពណ៌ខ្មៅបែកស្វាយ (Gravity Black) និង ពណ៌រលកសមុទ្រខៀវ (Oxygen Blue)។

បើយើងនិយាយពីការរចនារូបរាងខាងក្រៅរបស់ V20 SE មានតួខ្លួនស្រោបផ្ទៃខាងក្រោយហើយនឹងគែមសងខាងប្រើប្រាស់ដោយប្លាស្ទិក។ ហើយវាក៏ត្រូវបានបំពាក់កាមេរ៉ាខាងក្រោយ ៣គ្រាប់ និងអមជាមួយអំពូលភ្លើង LED Flash ១គ្រាប់។ ស្មាតហ្វូន vivo V20SE គឺបានបំពាក់មកជាមួយប្រភេទអេក្រង់រាបស្មើ មានទំហំអេក្រង់ ៦,៤៤អ៊ីញ កញ្ចក់កោង 3D ហើយបានបំពាក់នូវបច្ចេកវិទ្យា Super AMOLED ផងដែរ។

ផលធៀបអេក្រង់របស់ស្មាតហ្វូន vivo V20 SE គឺ ២០:៩ និងអត្រាអេក្រង់ទៅរាងទាំងមូលគឺ ៩០,១២% និងទ្រទ្រង់ការបង្ហាញចេញក្នុងកម្រិត Full-HD+ ទំហំ ១០៨០ x ២៤០០ ភិចសែល និងមានភ្ជាប់នូវបច្ចេកវិទ្យាលាយពណ៌កម្រិត ១០០% DCI-P3 Color Gamut ដែលជួយធ្វើឲ្យផ្ទៃអេក្រង់របស់វាបង្ហាញរូបភាព និងវីដេអូចេញមកបានច្បាស់ដិតស្រទន់ត្រជាក់ភ្នែកគ្រប់ផ្នែក ហើយក៏ជួយឲ្យការទស្សនា នៅក្រោមពន្លឺថ្ងៃខ្លាំងបានច្បាស់ល្អថែមទៀតផង។

vivo V20SE មានកញ្ចប់លែនកាមេរ៉ា ៣គ្រាប់ដែលជាលែន AI ដែលធ្វើឲ្យការថតរូបកាន់តែមានភាពទំនើបអស្ចារ្យ។ ស្មាតហ្វូននេះ ប្រើប្រាស់សែនស័រផ្តិតរូបភាពទំហំធំដល់ទៅ 48MP ជាមួយកម្រិត aperture f/1.8 មានសមត្ថភាពក្នុងការផលិតរូបភាពបានច្បាស់ល្អជាមួយសាច់រូបភាពច្បាស់ស្រស់ស្អាតបែបធម្មជាតិ។កាមេរ៉ានេះ អាចផលិតសាច់វីដេអូរបស់វាគឺអាចធ្វើបានត្រឹមកម្រិត 4k@30fps វាមានមុខងារមួយហៅថា Ultra-Stable Video ជាជំនួយដល់ការទប់លំនឹង និងសាច់វីដេអូ មិនអាចរលកញាក់ញ័រខ្លាំងនៅពេលយើងដើរ ឬរក្សាលំនឹងដៃមិនល្អកំឡុងពេលកាន់ថត។

សម្រាប់កាមេរ៉ាគ្រាប់ទី២ គឺជា Super wide-Angle lens / Macro មានទំហំ 8.0MP ជាមួយកម្រិត aperture f/2.2 និងថតរូបប្លង់ទូលាយបានក្នុងកម្រិតមុំ ១២០ដឺក្រេ និងមួយវិញទៀតយើងអាចថតយកគាកបំផុតដោយប្រើគំលាត 2.5CM រីឯលែនចុងក្រោយមានទំហំ 2.0MP ជាមួយកម្រិត aperture f/2.4 Depth Sensor Lens សម្រាប់ផលិតរូបភាពព្រាលផ្ទៃខាងក្រោយវត្ថុដោយប្រើនូវមុខងារ Bokeh។

កាមេរ៉ាសែលហ្វីវិញ គឺមានទំហំ 32MP មានកម្រិត aperture f/2.0 អាចផលិតសាច់រូបភាពបានច្បាស់ព្រមទាំងអាចថតរូបព្រាលផ្ទៃវត្ថុបានដាច់ស្អាតថែមទៀតផង ហើយក៏មានមុខងារ Night Mode, AR Sticker, HDR និង Beauty Face សម្រាប់ជំនួយឲ្យការថតរូប និងវីដេអូបានកាន់តែស្អាតថែមមួយកម្រិតទៀតផងដែរ។

ស្មាតហ្វូន V20 SE ប្រើបន្ទះឈីប Snapdragon 665 ជាមួយរ៉េមទំហំ 8GB និងមានអង្គផ្ទុកទិន្នន័យស្រាប់ទំហំដល់ 128GB ជាមួយ microSD។ ជាមួយគ្នានេះដែរ vivo ក៏បានភ្ជាប់មកជាមួយមុខងារជំនួយល្បឿនប្រតិបត្តិការរបស់ម៉ាស៊ីនដូចជា AI Turbo, Center Turbo, Game Turbo, Net Turbo, Cooling Turbo និង ART++ Turbo ដើម្បីឲ្យកំលាំងម៉ាស៊ីនរបស់វាកាន់តែមានសន្ទុះខ្លាំងក្លាថែមមួយកម្រិតទៀតសម្រាប់ការលេងហ្គេម។

ស្មាតហ្វូនជំនាន់ថ្មីមួយនេះ ប្រតិបត្តិការដោយ Funtouch OS11 ដែលទ្រទ្រង់ដោយ Android10។ vivo V20 SE មានថ្មទំហំ 4,100mAh ដែលមានលទ្ធភាពគ្រប់គ្រាន់ក្នុងការកំដរដល់ការប្រើប្រាស់បែបអ្នកលេងបានជិតមួយថ្ងៃ និងប្រើប្រាស់សម្រាប់មុខងារកម្សាន្តទូទៅបានជាងមួយថ្ងៃដោយឥតបញ្ហា។ ថ្មរបស់វាក៏ទ្រទ្រង់ជាមួយបច្ចេកវិទ្យាសាកល្បឿនលឿន 33WFlashCharge កាន់តែរហ័សជាងមុនដល់ទៅ ៥០% មានប្រព័ន្ធការពារសុវត្តិភាពចំនួន ៨ដង។ រីករាយនឹងការសាកបញ្ចូលថ្មបានដល់ទៅ ៦២% ដោយចំណាយពេលត្រឹមតែ ៣០នាទីតែប៉ុណ្ណោះ។ តាមរយៈរន្ធដោតប្រភេទ USB Type-C ដូចនេះ យើងចំណាយពេលសាកថ្មតិចតែប្រើប្រាស់កម្សាន្តបានរយះពេលយូរ។

ចំពោះស្មាតហ្វូន vivo V20SE ត្រូវបានក្រុមហ៊ុនប្រកាសដាក់លក់ជាមួយនឹងតម្លៃ ២៩៩ដុល្លាតែប៉ុណ្ណោះ៕

(អត្ថបទពាណិជ្ជកម្ម)