ពីនេះ ពីនោះ
«អំណោយ»ជាពាក្យខ្មែរ «កាដូ» ជាពាក្យកម្ចី 24, Dec 2020 , 7:29 am
× ឯណាទៅកាដូខ្ញុំសម្រាប់បុណ្យណូអែល? ខ្ញុំចង់បានកាដូដ៏ធំសម្រាប់ថ្ងៃខួបកំណើតខ្ញុំ។ ពាក្យ«កាដូ»ដែលពលរដ្ឋខ្មែរនិយមនិយាយនៅពេលដែលមានពិធីបុណ្យណូអែល ឬថ្ងៃខួបកំណើត ឬកម្មវិធីផ្សេងៗនោះមិនមែនជាពាក្យខ្មែរឡើយ។ វាជាពាក្យកម្ចីពីបារាំង Cadeau។
ពលរដ្ឋខ្មែរសឹងតែចាត់ទុកពាក្យ«កាដូ»ជាពាក្យខ្មែរទៅហើយ។ តាមពិតគេអាចហៅពាក្យ«កាដូ»ជាពាក្យ«អំណោយ»ក៏បាន ពីព្រោះពាក្យ«អំណោយ»ជាពាក្យខ្មែរ។ ប៉ុន្តែពាក្យ«អំណោយ»មិនត្រូវបានពលរដ្ឋខ្មែរនិយមយកទៅនិយាយនៅពេលមានពិធីបុណ្យណូអែល ពិធីខួបកំណើត ឬកម្មវិធីផ្សេងៗឡើយ។ ជាក់ស្តែងពាក្យ«អំណោយ»ត្រូវបានពលរដ្ឋខ្មែរនិយមនិយាយ នៅពេលមានសប្បុរសជនដែលបានផ្តល់អំណោយជូនដល់ពលរដ្ឋក្រីក្រនិងអ្នករងគ្រោះជាដើម។
«អំណោយ» និង«កាដូ» មានន័យដូចគ្នា គ្រាន់តែពាក្យ«កាដូ» ត្រូវបានមហាជនចូលចិត្តនិយាយក្នុងពេលមានកម្មវិធីអ្វីមួយ ដូចជា កម្មពិធីខួបកំណើត,ពិធីបង្កក់កូន,ពិធីបុណ្យណូអែលជាដើម។ ពាក្យ«កាដូ» ក្លាយមកពីភាសាបារាំងថា Cadeau៕
© រក្សាសិទ្ធិដោយ thmeythmey.com