ជាតិ
អ្នកកំពង់ហ្លួង ស្រុកពញាឮ មមាញឹកធ្វើត្រីប្រហុក ផ្អក 25, Dec 2020 , 2:32 pm
ពលរដ្ឋកំពុងមមាញឹកធ្វើត្រីប្រហុក ផ្អក នៅឃុំកំពង់ហ្លួង ស្រុកពញាឮ ខេត្តកណ្ដាល
× កណ្ដាល៖ ពលរដ្ឋជាច្រើន កំពុងមមាញឹកក្នុងការធ្វើត្រីប្រហុក ផ្អក នៅទីតាំង ឃុំកំពង់ហ្លួង ស្រុកពញាឮ ខេត្តកណ្ដាល។ សម្រាប់តម្លៃ ត្រី នៅទីតាំងនេះ ក្នុងថ្ងៃទី៤នេះ មានតម្លៃ ៤ ០០០រៀល ទៅ ៤ ៥០០រៀល ក្នុងមួយគីឡូ ខណៈថ្ងៃដំបូង មានតម្លៃ ៦៥០០រៀល ក្នុងមួយគីឡូក្រាម។
ដើម្បីជ្រាបកាន់តែច្បាស់ សូមលោកអ្នកនាង ទស្សនាបទសម្ភាសន៍ របស់កញ្ញា ញឹក ស្រីល័ក្ខ អ្នកសារព័ត៌មានthmeythmey25 ដូចតទៅ
ពលរដ្ឋភាគច្រើនដែលធ្វើត្រីប្រហុក ផ្អក ភាគច្រើន មកពី ខេត្តកំពង់ស្ពឺ និងពលរដ្ឋ នៅខេត្តកណ្ដាលផ្ទាល់។ បើតាមពលរដ្ឋ ដែលបាន ទៅធ្វើត្រីប្រហុក ផ្អក នៅទីតាំងនោះ បានឲ្យដឹងថា ពួកគាត់ពិបាក ក្នុងការរកទិញ ត្រីប្រហុក ព្រោះមានតម្លៃខ្ពស់ មិនសូវសម្បូរ ហើយត្រីក៏មានទំហំតូច ពិបាកក្នុងការធ្វើត្រីប្រហុក ផ្អក ផងដែរ។
បើតាមរដ្ឋបាលជលផល នៃក្រសួងកសិកម្ម បានព្យាករណ៍ថា ទិន្នផលត្រីប្រហុក ផ្អក នៅក្នុងឆ្នាំ២០២០នេះ ធ្លាក់ចុះ ៣១ភាគរយ ធៀបនឹងឆ្នាំ២០១៩។ ទិន្នផលត្រីធ្លាក់ចុះ ដោយសារកម្ពស់ទឹកជំនន់ ទន្លេមេគង្គ ស្ថិតក្នុងកម្រិតទាប ហើយបានអូសបន្លាយជាងមួយខែ វិសាលភាពនៃទឹកជំនន់ក្នុងបឹងទន្លេសាប និងការប្រែប្រួលអាកាសធាតុ។ តម្លៃត្រីប្រហុកឆ្នាំនេះ ក៏ខ្ពស់ជាងឆ្នាំមុនផងដែរ។
សូមជម្រាបថា រដ្ឋបាលជលផល បានជូនដំណឹងថា ត្រីប្រហុក ផ្អក ត្រីឆ្អើរ នឹងត្រូវរយៈពេលពេញមួយសប្តាហ៍គឺចាប់ពីថ្ងៃទី២០ ខែធ្នូ ដល់ថ្ងៃទី២៦ ខែធ្នូនេះ៕
Tag:
ត្រីប្រហុក
កណ្ដាល
© រក្សាសិទ្ធិដោយ thmeythmey.com