កីឡាអន្តរជាតិ
អន្តរជាតិ
FA Cup៖ Man Utd ជួប Liverpool នៅជុំទី៤ 12, Jan 2021 , 2:24 pm
× មិនត្រឹមតែជាគូប្រជែងក្នុងក្របខណ្ឌ Premier League នោះទេ Manchester United និង Liverpool ក៏ត្រូវចាប់ឆ្នោតប៉ះគ្នាក្នុងការប្រកួតពានរង្វាន់ FA Cup ជុំទី៤ ទៀតផង។
ជំនួបជុំទី៤ FA Cup រវាង Man Utd និង Liverpool នឹងត្រូវធ្វើឡើងនៅទឹកដី Old Trafford នាថ្ងៃទី២៣ ខែមករា វេលាម៉ោង ១០:០០នាទីយប់ [ម៉ោងនៅកម្ពុជា]។ ក្រុមទាំងពីរនេះ សព្វថ្ងៃកំពុងប្រជែងគ្នាខ្លាំងដើម្បីដណ្តើមចំណាត់ថ្នាក់កំពូលតារាងលីគកំពូលអង់គ្លេស។
ហង្សក្រហមស្ថិតនៅកំពូលមាន៣៣ពិន្ទុ ស្មើបិសាចក្រហមដែលនៅលេខ២ ប៉ុន្តែនៅសល់មួយប្រកួតក្នុងដៃ។
ដោយឡែក ក្រុមពីលីគកំពូលអង់គ្លេសដែលបានបន្តទៅជុំទី៤ រួមមាន Man City ជួប Cheltenham Town, Leicester City ប៉ះ Brentford, Brighton ប៉ះ Blackpool, Chelsea ជួប Wolves, Everton ជួប Sheffield Wednesday, Fulham ជួប Burnley, ម្ចាស់ការជើងឯក Arsenal ត្រូវប៉ះ Southampton/Shrewsbury Town ខណៈ Tottenham Hotspur ប៉ះ Wycombe Wanderers។
ការប្រកួតទាំងអស់នឹងចាប់ផ្តើមនៅយប់ថ្ងៃទី២៣ ខែមករា ទាំងអស់៕
© រក្សាសិទ្ធិដោយ thmeythmey.com