COVID-19
ជាតិ
ពលករខ្មែរមកពីថៃ១០នាក់បន្ថែមទៀត មានវិជ្ជមានកូវីដ-១៩ 16, Jan 2021 , 7:08 am
× ពលករខ្មែរមកពីប្រទេសថៃ ចំនួន១០នាក់ទៀត តេស្តវិជ្ជមានកូវីដ-១៩ ដែលធ្វើឲ្យចំនួនសរុបឡើងដល់៦៦នាក់ក្នុងចំណោមពលករ ខណៈទូទាំងប្រទេសឡើងដល់៤៣៦នាក់ ហើយអ្នកជាសះស្បើយមាន៣៨២នាក់។
ក្នុងចំណោមករណីថ្មីទាំង១០ មាន៣ករណី ជាលទ្ធផលសំណាកលើកទី២ នៅចំថ្ងៃទី១៣នៃចត្តាឡីស័ក ដោយពួកគាត់សុទ្ធតែស្ត្រីពលករអាយុ៣១ឆ្នាំ, ៣៦ឆ្នាំ និង៣១ឆ្នាំ អាសយដ្ឋាននៅស្រុកសាលាក្រៅខេត្តប៉ៃលិន។
២នាក់ទៀតមកដល់កម្ពុជានៅថ្ងៃទី១២ ខែមករា និង៥នាក់មកដល់នៅថ្ងៃទី១៣ខែមករា ក្នុងនោះមានបុរស២នាក់ ស្ត្រី៥នាក់ ដែលខ្លះមានអាសយដ្ឋាននៅក្រុងប៉ោយប៉ែត ខេត្តបន្ទាយមានជ័យ ស្រុកបរវេល, ស្រុកថ្មគោល ខេត្តបាត់ដំបង។
អ្នកទាំង១០នាក់ត្រូវដាក់ឲ្យសម្រាកព្យាបាលនៅមន្ទីរពេទ្យបង្អែកខេត្តបន្ទាយមានជ័យ។
បច្ចុប្បន្ននៅកម្ពុជា អ្នកកើតកូវីដ-១៩ ឡើងដល់៤៣៦នាក់ក្នុងនោះ៣៨២នាក់ ជាសះស្បើយ។ ពលករមាន៦៦នាក់បានឆ្លង និង១៨នាក់ បានជាសះស្បើយ។
អ្នកជំងឺ៥៤នាក់ដែលកំពុងបន្តសម្រាកព្យាបាល មាន៦នាក់នៅមជ្ឈមណ្ឌលជាតិកំចាត់រោគរបេង និងហង់សិន ៣៥នាក់នាក់នៅមន្ទីរពេទ្យបង្អែកបន្ទាយមានជ័យ ១១នាក់នៅពេទ្យបង្អែកខេត្តបាត់ដំបង ១នាក់នៅពេទ្យបង្អែកប៉ៃលិន និង១នាក់នៅពេទ្យបង្អែកឧត្តរមានជ័យ៕
© រក្សាសិទ្ធិដោយ thmeythmey.com